Jeremías 10:8 - Bible in Tzotzil de Chamula

⁸ Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Bible in Tzotzil de Chenalhó with Deuterocanon

⁸ Li stuquique bol cristianoetic no'ox c'otemic, mu'yuc sbijilic, yu'un mu xbijubtasatic jutuc yu'un li c'usitic pasbil ta te'e.

Jeremías 10:8 Iomraidhean Croise

Salmos 115:8

Co'ol s'elan c'otemic ec ti buch'u yabtelinojic ti loc'obbaile, xchi'uc ti buch'u nijil chimilic ta yich'el ta muq'ue.

Salmos 135:18

Co'ol s'elan c'otemic ec ti buch'utic yabtelinojic ti loc'obbaile, xchi'uc ti buch'utic nijil chimilic ta yich'el ta muq'ue.

Isaías 41:29

¡Vinaj ti mu ja'uc junuc ti c'usi xbalinate! Oy to me c'usi xu' yu'unic ma' ti xi sc'oplal une, yu'un ja' no'ox balinbil ti jeche' tey va'ajtique.

Isaías 44:18

Mu xa'i sbaic ti jnaclejetic taje. Mi ja'uc xa'ibeic xchiquinal. Macal ta j'ech'el ti satique. Mi ja'uc ta xilic. Yu'un ch'abal ti snopobil yu'unique.

Isaías 44:19

Mi ja'uc ta snopic, ja' ti mu xa'ibeic ti xchiquinal ti oyuc bu xi ta xalique: “Ti jlom sjepelultac ti te'e, laj jsi'in. Ti ta yac'alile, laj jta'ajes o pan. Laj jvo o ti beq'uet ti laj jti'e. Ti jlom une, laj jmeltsan o ti vi s'elan ta q'uelele. ¡Ti c'usi nijil chimilun ta yich'el ta muq'ue, uni te' no'ox!”

Jeremías 10:14

Scotol pimuneb xa'i sbaic, ch'abal snopobil yu'unic ta j'ech'el. Yu'un ti buch'utic xtojobic ta yabtelanel ti loc'obbailetique, xi s'elan ta xilbe svocol ti yane: yu'un ti loc'obbailetique mu'yuc c'usi xu' yu'un, mi jutebuc yich'oj xcuxlejal, yijil lo'lael xal o.

Jeremías 2:27

Xi ta xavalbeic ya'i ma' ti jpets te'e: ‘Cajval, jch'ul tot.’ Xi ta xavalbeic ya'i ma' ti jbej tone: ‘Jch'ul me'.’ C'ajomal ta xavac' ta ilel ti apatique. Ma'uc ta xavac' ti ilel ti asatic ta jtojol une. Manchuc mi jech un, c'alal naca to ta xavilic ti uni vocole, xachiic xa liquele: ‘¡La', tic'o aba, pojuncutic un!’

Jeremías 3:9

Mu ta vocoluc c'ot ta pasel ti lic socuc yu'un ti muc' ta lume. Yu'un yanij ta j'ech'el ti sjol yo'ntone. Lic snijan xchiman sba ta yich'el ta muc' ti loc'tabil tonetique, xchi'uc ti buyuc no'ox tec'ajtic ti te'etique.

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 5:4

Xichi laj jnop une: Ti buch'u mu sna'ic c'usi ta sc'an ti Diose, ti buch'u mu xa'ibeic smelol ti c'usi yaloj ta smantal ti Dios yu'unique, le'e, ja' no'ox ma' ti buch'utic xvanet no'ox yuni jolic ta x'ech' ti c'ac'al yu'unique.

Oseas 4:12

Ti jteclumale ta sjac' sba ta stojol ti c'usi loc'tabil ti meltsanbil ta te'e. Ta st'un sbaic ta jtel jich'il te'. Me'inem xa ti mulivajel ta stojole, ti xi s'elan ch'ayemic ti bu stamojic batel ti jteclumale: Laj xch'ac sbaic ta stojol ti Dios yu'unic ti laj yac' sbaic ta stojol yane.

Jonás 2:8

Ti buch'utic ta sts'acliic ta yich'el ta muc' ti loc'obbailetique, ja' ta xc'ot ta pasel ti mu xa junuc ti sjol yo'ntonic ta atojolale.

Habacuc 2:18

¿Mi yu'un oy to c'usi xtun o ti c'usitic c'upil sba loc'tabil ti c'alal meltsanbil yu'un ti vinique? ¿Mi yu'un oy c'usi xtun o ti c'usitic loc'tabil c'alal ja' no'ox ta x'ac'van ta jutc'ope? Mu stac' xc'opoj ti c'usitic loc'tabile; ¿c'usi xavut un cha'e, ti xu' xapat avo'nton ta stojolic c'alal naca no'ox meltsanbil yu'un ti viniquetique?

Zacarías 10:2

Ti oy xa c'usi laj yal yalojic ti meltsanbil loc'obbailetique, naca jutbil, ti c'usi ta xilic yalojic ti jt'unvanejetique, naca yesomal jolil no'ox. Ti c'usitic ta xaq'uic ta na'ele co'ol s'elan vaichil ti mu'yuc c'usi ta xc'ot ta pasel yu'une, jeche' no'ox ta ic' ta xbat ti patob o'ntonal ta xalic xtoque. Jech o xal un, ti jteclume xtal xbat no'ox ta jujujot ti sjolic jech c'u cha'al epal chij ti oyic ta vocol ta scoj ti ch'abal ti jq'uelvanej yu'unique.