Jeremías 10:4 - Bible in Tzotzil de Chamula

⁴ Mi laj une, ta sbon lec ta plata, ta oro, ta sbaj lec ta martillo xlauxaltac yo' mu xt'ol ti sts'acalultaque.

Bible in Tzotzil de Chenalhó with Deuterocanon

⁴ Ts'acal chlic xpixic lec ta saquil taq'uin, ta c'anal taq'uin ti c'u cha'al lec c'upil sba chc'ot yu'unique. Ta sbajic lec ta lavux xchi'uc ta martillo ti c'u cha'al lec tsinil chc'ote.

Jeremías 10:4 Iomraidhean Croise

Salmos 115:4

Ti loc'obbailetic yu'unic ti buch'u yan yajvalique, meltsanbil ta oro, ta plata, ti smeltsanoj ta yabtel yoc sc'ob vinic ti xi s'elane:

Salmos 135:15

Ti sdiosic ti buch'utic yan yo'ntonique, meltsanbil ta oro, ta plata, ta yabtel yoc sc'obic viniquetic no'ox.

Isaías 44:12

Jq'ueltic avil, xi s'elan ta spas ti jten-taq'uine: Ta stunes ti sc'ocobil staq'uine. Ts'acal to un, c'alal mi tsajub xa lec ti taq'uin ti mucul ta ac'ale, naca sta xquechet ta stuq'uibtas batel ta tenel ta stenobil. Ja' xa ti bu xtal ti yip yoc sc'ob ta yabtelanele. Ja' no'ox un, mi mu xve' ti jten-taq'uine, ta xlaj yipal yu'un. Mi mu xuch' ti vo'e, ta xc'ot ta lubtsajel.

Isaías 46:6

Oy buch'u naca sloq'ues no'ox epal oro ta yavil, ti sbiseluc xa ta xchechel ti plata ta sbisobile. Ta jech yepal un ta spas trate xchi'uc jun jten-taq'uin yo' jech ta smeltsanbat junuc sdios ti ta xlic snijan xchiman sba ta stojol ta yich'el ta muq'ue.

Isaías 46:7

Xq'uechojic xa batel ta snequebic. Ta scajanic ta scajleb ti va'al ta xcom yu'unic ti bu taje. Mu ja'uc xa ta sjel yavil ti bu va'al c'ote. Ac'o mi x'avlajetic ta sc'anbel vocol ti pojaticuque, mi ja'uc oy c'usi ta xc'ot ta pasel, mi ja'uc ta xpojatic yu'un ti c'alal oyic ta vocole.

Oseas 13:2

Staoj yav ochem yipal yu'unic ta sa'el ti smulique. Ta s'unijesic ti plata yu'unique yo' jech ta smeltsanic ti loc'tabil diosetique, ja' ti c'usi xtal ta sjolic ta smeltsanel ti c'upil sba ta xilic ti yabtelinojic ta sloc'taele. Ta jech yepal un, xi ta xlic yalique: “Ac'beic milbil matanaletic.” Jech ti jnaclejetique sts'uts'ic xa ti sloc'obbail ch'in tot vacax ti ja' sdiosique.

Habacuc 2:19

Mu xa ono'ox cha'belucot un, ti ta xavalbe ya'i ti c'usi meltsanbil ta te' ti ac'o julavuque, ti jbej ton xtoc ti mu sna' xc'opoje, ti ac'o sva'an stec'an sbae. ¿Mi yu'un xu' yu'unic ta xchanubtasvanic ec? Mi ja'uc, yu'un mi ja'uc cuxulic ac'o mi bonbilic lec ta oro, ta plata xtoc.