Jeremías 10:2 - Bible in Tzotzil de Chamula

² Ti Diose xi ta xale: “Mu xachanbeic stalel ti c'u s'elan ta spas ti yan jteclumetique. Jipo ta spat ajolic xi'elal ti c'usitic ta xac' sba iluc ta vinajele, ti mu ech'baj xi'elal ta xa'i ti muc'tiquil jteclumetique.

Bible in Tzotzil de Chenalhó with Deuterocanon

² Jech chal: “Mu me ja'uc xachanic c'usi tspasic li yantic banamile; mu me xaxi'ic yu'un c'usitic senyail chc'ot ta pasel ta vinajel, jech chac c'u cha'al ta xi'ic yu'un li yantic banamiletique.

Jeremías 10:2 Iomraidhean Croise

Génesis 1:14

Ja' yu'un un, ti Diose xi laj yale: “Ti ta toyol yaxts'ijan vinajele, ac'o ayanuc c'usitic ta xac' xojobal yo' ch'acal ta xcom ti c'ac'altic xchi'uc ti ac'ubaltique, ti ta xtun ta senyailtac ti c'u s'elan ta xjel batel ti c'ac'ale, ti c'usitic tsots sc'oplal ta xc'ot ta pasel ti jujun u ta x'ech' yu'un ti jujun jabile.

Jeremías 10:1

Jteclum Israele, ts'et chiquintao ava'iic ti c'op stacoj talel ti Diose.

Ezequiel 20:32

Ochem lec ta ajol ta j'ech'el ti jech ta xapas ava'i jech c'u cha'al ta spasic ti muc'tiquil lum ta banomil ti ta snijan xchiman sbaic ta yich'el ta muc' ti loc'tabil te'e, ti loc'tabil tone. Mu me jechuc ta xc'ot ta pasel un.

Levítico 18:3

“Mu xachanbeic stalel ti c'u s'elan ta spasic ti egipcioetic ta jteclum ti bu lanaquiic to oxe. “Mu xachanbeic stalel ti c'u s'elan ta spasic ti cananeoetic ta jteclum ti bu ta xquic'oxuc batele. Mi ja'uc xachanbeic ta spasel ti c'u s'elan liquem yu'unic ti oy c'usi jbel tsots albil yu'unique.

Levítico 20:23

Mu ja'uc xachanbeic ta spasel ti c'u s'elan ta spasic ti jnaclejetic ti ta xavilic ta aba ta asatic ti ta jip loq'uele. Yu'un ti stuquique, mu lecuc scotol ti c'usi laj spasique. Mu ts'icbaj xca'i yu'un.

Deuteronomio 18:9

“C'alal mi la'ochic ech'el ta lum ti bu ta xa'ac'batic yu'un ti Ajvalil Dios avu'unique, mu xaco'oltas abaic ta spasel jech c'u cha'al ti toj chopol ti c'u s'elan liquem yu'unic ta spasel ti muc'tiquil lumetic teye.

Jueces 6:10

Yu'un laj ono'ox calboxuc ava'iic ti vu'un ti Ajvalilune, ti Diosun avu'unique, ti mu xaxi'ic yu'un sdiosic ti amorreoetic li' ta banomil ti bu nacaloxuc avi tanae. Ja' no'ox un, mi ja'uc laj avich'beicun ta muc'.’ ”