Jeremías 1:9 - Bible in Tzotzil de Chamula

⁹ Va'i un, ti Diose laj xach' talel ti sc'obe, laj yac' ta que, ti xi laj yalbune:

Bible in Tzotzil de Chenalhó with Deuterocanon

⁹ Li Muc'ul Diose la xbech sc'ob, la spicbun que, jech laj yalbun: “A'yo ava'ay, li' ta xcac' ta ave li jc'ope.

Jeremías 1:9 Iomraidhean Croise

Isaías 49:2

Ti que jti'e, c'ot ta juxbil espada yu'un. Laj snac'un ta chabiel ta yolon yaxinal yoc sc'ob. Lic'ot yu'un ta jun jich'il sni' abtejebal ti xach'obil yolobe, ti laj stic'un ochel ta xch'amobil yav sni'e.

Isaías 50:4

Bijubtasbilun yu'un ti Diose, ti xu' cu'un ta spatbel yo'nton ti buch'utic lubtsajemic xae, ti xcuxet to ech'el banomil ta xa'iic yu'un ti jc'ope. Ts'etel xa jchiquin jmalaoj ca'i ti jujun sob ic'lumane. Sjunul co'nton ta jchiquintabe ti sc'ope.

Isaías 51:16

Vu'un laj jq'ui ech'el ti vinajele. Laj cac'be yip ti banomile. Laj cac' ta ave ta ati' ti jc'ope. Ta yip stsatsal jc'ob, laj jchabiot. Xichi laj calbe ti lum Sione: ‘Ti vo'ote jteclumalot.’ ”

Isaías 59:21

Ti Diose xi ta xale: “Ta jpas jtrate ta atojolic. Ta xcal ta jamal, ti mu sq'uej sba ta atojolic ti jmuc'ul jtsatsale, xchi'uc ti c'u s'elan ta jchanubtasoxuque. Sbatel osil, mi ja'uc ta xquictaoxuc comel xchi'uc ti anitilultaque.”

Jeremías 15:19

Va'i un, ti Diose xi laj stac'bune: “Mi ta xasut talel ta jtojole, jun co'nton xu' ta xacha'tun cu'un. Mi ta xavicta aba ta yalel ti c'usitic jeche' no'oxe, ti ja' no'ox ta xlic avalilan ti bu xloc' ventae, ta xac'opoj batel ta jventa. Yu'un tsots sc'oplal ti suticuc talel ta atojole, ma'uc vo'ot ta xabat ta stojolic.

Jeremías 34:6

Scotol ti c'op taje, lic yalilan ti j'alc'op Jeremías ta stojol ti Sedequías ajvalil yu'un ti Jerusalene.

Jeremías 36:2

“Tamo junuc jts'ibael balbil vun. Xlic ats'iba un scotol ti c'u s'elan laj calbot sc'oplal ti Israele, ti Judae, xchi'uc sc'oplal ti yan muc'tiquil lumetique, ti lic ono'ox jc'oponot talel ta yorail ti ochem ta ajvalilal ti Josías ti jech to tana li'e.

Jeremías 5:14

Jechuc un, ja' no'ox xi yalojbun ti Ajvalil ti ja' Dios ti scotol xu' yu'une: “Ta scoj ti va'i s'elan ta xloc' ta alel yu'unique, taj une, xi ta xc'ot ta pasel cu'un une: Ti c'u s'elan ta xloc' ta alel cu'une, ta jpas ta atojol co'ol s'elan tilemal c'oc' ta xloc' ta ave. Ti jteclume, c'otuc jech c'u cha'al si' ti anicuc yu'un ti c'oc' taje.”

Ezequiel 3:10

Laj taj une, xi lic yalbune: “Ts'etano achiquin ta ya'yiel ti c'u s'elan ta xacalbote, bejano ta ajol un.

Daniel 10:10

Va'i un, tal jun c'obal ti laj snitun liquele, ja' to ti c'uxi laj yac' liquel yip ti coc jc'ob liva'ie.

Daniel 10:16

Ta jech to yepal un, oy Buch'u xco'olaj s'elan jun vinic yilel ti tal yac' sc'ob ta quee. Va'i un, xi laj calbe ti va'al ta jts'ele: “Cajval, ti jech jam ti jba jsat ta sq'uelel ti c'usi laj quile, laj yac'un ta at-o'nton ta j'ech'el, ti tey xa mu'yuc c'usi xu' cu'un licom yu'une.

Números 23:5

Va'i un, ti Balaame ac'bat ta ye sti' yu'un Dios ti c'u s'elan ta sc'an alele, ti xi albate: —Sutan ech'el ti bu oy ti Balaque ti ja' no'ox jech xavalbe ya'i jech c'u cha'al laj cale.

San Mateo 10:19

C'alal ta xavich'ic aq'uel bal ta stojol ti jchapanvanejetique, mu xavul avo'ntonic c'u s'elan ta xavalic. C'alal ta sta yorail ta xac'opojique, Dios ta xac'boxuc ana'ic c'u s'elan ta xavalic.

Marcos 7:33

Slecoj ic'bil loc' yu'un ti Jesuse. Laj yic' loq'uel bu tsobolic ti jnaclejetique. Laj stic' ochel sni' sc'ob ta xchiquin ti vinique. Laj xjax ta sc'ob ti stube. Laj spicbe yoc' ti vinique.

San Lucas 12:12

Yu'un c'alal ta sta yorail ta xac'opojique, ja' ta sva'an sba ti Ch'ul Espíritu ta yaq'uel ana'ic ti c'u s'elan xu' ta xavalique.”

San Lucas 21:15

Vu'un ta xcac' abijilic c'u s'elan xu' ta xatac'beic ti avajcontraique. Jech o xal, mu xu' ta stsaloxuc ta c'op.

Deuteronomio 18:16

Taj une, ja' me sc'oplal ta melel ti laj ac'anbeic ti Ajvalil Dios avu'unic ti c'alal oyoxuc ta vits Horeb ti c'alal sc'ac'alil tsoboloxuc acotolic ti xi laj avalbeique: ‘Mu xa jc'an xca'ibecutic sc'opojel ti Ajvalil Dios cu'untic yan veltae, mi ja'uc ta sq'uelel ti muc' ta tilemal c'oc' ti ta xijcham o yu'une.’

Deuteronomio 18:17

Ja'uc le' une, xi laj yalbun ti Diose: ‘Jechuc un cha'e, ti jech laj yalique,

Deuteronomio 18:18

jech ta xc'ot ta pasel cu'un ti ta xvul ta loq'uel jun j'alc'op ta stojolic jech c'u cha'al ti vo'ote, ti ja' junuc svinquilel sbaique, yo' jech ta x'albat ya'iic ti c'usi ta xcale.