Jeremías 1:8 - Bible in Tzotzil de Chamula

⁸ Lajuc to sc'oplal ti oy buch'u oy xi'elal ta xava'ie, yu'un ta jtic' jba ta apojel, oyun ta atojol. Ti vu'un Diosune jbel mu stselbuj ti jc'ope.”

Bible in Tzotzil de Chenalhó with Deuterocanon

⁸ C'alal te oyot ta stojolique, mu me xaxi', vu'un chajcoltaot”, xiyutun.

Jeremías 1:8 Iomraidhean Croise

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Isaías 43:2

C'alal ta x'ech' atuch' ti nabe, chi'inbilot cu'un. C'alal ta x'ech' atuch' ti uc'umetique, mu xa squilot ech'el. Mi oy bu ta x'ech' atuch' ti c'alal yacal ta tilel ti c'oq'ue, mu xac'ac', mu stsacot ti slebe.

Isaías 51:12

“Vu'un ta xcac' tsatsuban. ¿Buch'u ti ta xaxi' yu'une, mi ja' ti viniquetique, mi ja' ti viniquetic ti sna' xcham xlajic co'ol s'elan ti momole?

Isaías 51:7

“Ts'etano achiquin ava'iic ti xana'ic spasel ti c'usi oy stuq'uile, jteclumetic ti tac'al xc'ot ta avo'ntonic ti jmantaltaque. Mu xatsiq'ues avo'nton yu'un ti buch'u oy c'usitic chopol ta xloc' ta eal yu'une, ti mu xa stac' a'yeluc ta xava'i yu'un ti c'usi xbet'bun ye ta yalele.

Jeremías 1:17

Mu xaxi' yu'un, va'ano aba, tsinbo yipal, batan, albo ya'i scotol ti c'u s'elan ta xcalbote. Yan mi laj ajel ava'yeje, ta jpas ta atojol ti xanicnun liquel ta sba ta satique.

Jeremías 1:19

Ta xastsaquic ta c'op ma' ti stuquic une, mu xastsalot, yu'un ta jtic' jba ta apojel un. Ti vu'un Diosune mu stselbuj ti jc'ope.”

Jeremías 20:11

Le' une, Cajval, co'ol a'elan jun j'ac'-leto mu tsalbaj ti li' achi'inojune. Ta staic ec un ma' ti buch'utic ta xiyilbajinique, mu xistsalic un. Mu xc'ot ta pasel, yu'un jeche' lo'il maxiltabil ta xc'otic. J'ech'el lamal ta xc'ot ta sbaic ti soquem sc'oplalique.

Jeremías 30:11

Ti vu'un Diosune, mu stselbuj ti jc'op ti li' oyun ta spojelote. Ta jtubbe sc'oplal scotol ti muc'tiquil lumetic bu tan puc labatic cu'une. Ja'uc ti vo'ote, mu'yuc ta jtub ac'oplal. C'ajomal no'ox ta jtsitsot ava'i ti xi s'elan loc' ta sa'el avu'une: laj ta alel ma' ti mu'yuc atsitsele.”

Jeremías 39:11

Ti Nabucodonosor ajvalil yu'un ti Babiloniae laj yalbe ya'i mantal ti Nabuzaradán banquilal jvolvanej yu'un ti jchabivanejetique, ti xi laj yalbe ya'i ta sventa sc'oplal ti Jeremiase:

Jeremías 42:11

Mu xatsiq'ues avo'ntonic ta stojol ti ajvalil yu'un ti Babilonia ti toj ep xi'bil ta j'ech'ele. Mu xatsiq'ues avo'ntonic ta stojol, yu'un ta jtic' jba ta scoltaeloxuc ta yoc ta sc'ob. Ti vu'un Ajvalilune, mu lo'iluc no'ox ta xcal.

Daniel 3:17

Ti buch'u xu' ta jnijan jbacutic ta yich'el ta muq'ue, ja' ti cuxul Diose. Yu'un ja' xu' ta xispojuncutic yo' jech mu xilajcutic ta sleb c'oc' yu'un ti jornoe, xchi'uc scotol ti c'usi chopol ta sc'an ta xispasbuncutic ya'i ti Jcuch abtele. Ta j'ech'el ta stic' sba ta jpojelcutic.

Daniel 3:25

Xi laj yal ti Nabucodonosore: “Yu'un ti vu'une, chanib viniquetic ti colemic ta xquil ta xanavic ta o'lol c'oc' ti mu'yuc c'usi ta spasbatique. Ti xchanibale, ja' jun vinic ti co'ol s'elan jun ánjel ta q'uelel yilele.”

San Mateo 10:26

“Jech o xal un, mu xaxi'ic yu'un ti buch'uuc no'oxe. Mu'yuc c'usi jtosucal mucul ta xcom, ta xvinaj ono'ox.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Hechos 18:10

Li' jva'anoj jba ta atojole. Mu'yuc buch'u xu' ta xayilbajinot yu'un yepal no'ox oy ti jteclumal li' ta jteclume.

Hechos 26:17

Ta jpojot ta yoc ta sc'ob ti achi'iltaque, ta yoc ta sc'ob ti jyanlumetique. Ta jtacot batel ta stojol ti jyanlumetique.

Hechos 4:13

Ti jchapanvanejetique laj yilic ti mu'yuc xi'el ta xa'iic c'alal ta xc'opojic ti Pedroe, ti Juane, xchi'uc ti laj yilic ti ja' viniquetic ti mu'yuc yich'ojic chanubtasele, ti mu'yuc c'usi sna'ic jutebuque. Ch'ayal c'ot yo'ntonic. Vul ta sjolic un, ja'ic ti buch'u jmoj to ox xanavic xchi'uc ti Jesuse.

Hechos 4:29

Chajal ta aba ta asat tana un, Cajval, ti vi s'elan ta sibtasvanique. Ch'ul abolajan, ac'bo yip yo'nton ti avaj'abteltaque yo' mu ta xi'eluc ta xal ti ac'ope.

Efesios 6:20

Tacbilun yu'un Dios ta yalel ti lequil ach' c'op ti tiq'uilun ta chuquel yu'un avi tana li'e. C'oponic Dios yo' mu ta xi'eluc ta xcal ti lequil ach' c'ope, yu'un ja' cabtel.

Deuteronomio 31:6

Tsotsanic, ac'beic yipal, mi ja'uc xatsiq'ues avo'ntonic. Mi ja'uc xaxi'ic yu'un ti c'alal ta sta yorail ta xatsaquic ta leto ti avajcontraique. Yu'un xchi'inojoxuc ti Ajvalil Dios avu'unique. Mi ja'uc ta xayictaoxuc comel, mi ja'uc ta xastenoxuc comel.”

Deuteronomio 31:8

Ja' stuc jba'be ech'el ti Dios avu'une, ta xaschi'inot. Mi ja'uc xayictaot comel. Mi ja'uc ta stenot comel. Ja' yu'un un cha'e, mu xavicta aba, mi ja'uc xaxi'.”

Josué 1:5

Ti c'u sjalil ti ach'iel ac'opojele, mu'yuc buch'u ta xastsalot. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.

Josué 1:9

Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”