Jeremías 1:3 - Bible in Tzotzil de Chamula

³ Ja' jech xtoc c'oponat c'alal tiq'uil ta ajvalilal ti Joacim xnich'on ti Josías ajvalil yu'un ti jteclum Judae, ti jech o staoj yav ta xc'opanat c'alal tiq'uil ta ajvalilal ti Sedequiase, ti ja' o xa sts'aqui sbuluchibal (11) jabil yochel ta ajvalil ti Josías ta Judae, ti xcaltique, ta yo'obal (5) xa ox u ta sjabilal c'alal bec'bil loq'uic ta slumalic ti jnaclejetic yu'un ti jteclum Jerusalene.

Bible in Tzotzil de Chenalhó with Deuterocanon

³ Jech noxtoc ital c'opanatuc yan velta ti c'alal ja'o tiq'uil ta ajvalilal ta Judá li Joacim xnich'on Josiase, xchi'uc c'alal to ta yo'bal u stsacoj xbuluchibal (11) jabil yochel ta ajvalilal ta Judá li Sedequías xnich'on Josías noxtoque. Ja'o ti c'alal yorail chucbil iloq'uic batel ta Jerusalén li judaetique.

Jeremías 1:3 Iomraidhean Croise

2 Reyes 23:34

Ma'uc no'ox taje, ti faraón Necaoe laj stic' ta ajvalilal ti Eliaquim xnich'on ti Josiase yo' jech ta xcuchbe yabtel ti stote. Laj sjelbe sbi ti laj yac'be sbiin Joacime. Iq'ue batel ti Joacaz ta Egipto ti bu c'ot chamuque.

2 Reyes 24:17

Ts'acal to un, ti ajvalil yu'un Babiloniae laj yac'be snup yabtel ta ajvalilal ti Matanías ta xcuchbel yabtel ti sjun nich'on Joaquine. Laj sjelbe ti sbie, ti lic sbiin yu'un Sedequiase.

1 Crónicas 3:15

Xnich'nab ti Josiase xi s'elan ti ayan talele: Johanán sbi ti banquilale; Joaquim sbi ti xchibale; Sedequías sbi ti yoxibale; Salum sbi ti xchanibale.

Jeremías 1:4

Ti Diose xi laj yalbun ti laj sc'oponun talele:

Jeremías 34:1

Ti Nabucodonosor ajvalil yu'un ti muc' ta lum Babiloniae, c'alal loc' talel xchi'uc scotol yajsoldadotac ti liquemic talel ta scotol muc'tiquil lumetic ti pasbilic ta mantal yu'une, ti svolojic ti Jerusalén xchi'uc scotol ti jteclumetic nopol xil sbaic xchi'uque, yo' ta stsaquic ta letoe, c'oponat talel yu'un Dios ti Jeremías ti xi albate:

Jeremías 35:1

Yorail ti c'alal ochem ta ajvalilal yu'un Judá ti Joacim xnich'on ti Josiase, ti Diose tal sc'oponun ti xi laj yalbune:

Jeremías 36:2

“Tamo junuc jts'ibael balbil vun. Xlic ats'iba un scotol ti c'u s'elan laj calbot sc'oplal ti Israele, ti Judae, xchi'uc sc'oplal ti yan muc'tiquil lumetique, ti lic ono'ox jc'oponot talel ta yorail ti ochem ta ajvalilal ti Josías ti jech to tana li'e.

Jeremías 39:2

Ta sbalunebal (9) c'ac'al yu'un ti xchanibal (4) ue, ti ja' xa sbuluchibal (11) jabil yochel ta ajvalilal ti Sedequiase, ja' o och ta jteclum ti jcontrainvanej soldadoetique.

Zacarías 7:5

“Xi xavalbe ya'i scotol ti jteclumetic yu'un ti muc' ta lume, xchi'uc ti paleetique: ‘Yu'un ti vo'oxuque, le' xa talel ta slajunebal xchanvinic (70) jabil aliquelic talel ti ta xacomtsan avotic ti ta xavaq'uic ta ilel ti oyoxuc ta vul o'nton ti c'alal ta sta ti jujun vo'ob (5) ue, xchi'uc ti jujun vucub (7) u yu'un ti jujun jabile. C'u stu un, ma'uc quich'el ta muc' avu'unic ti jech ta xapasique.

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”