Jeremías 1:2 - Bible in Tzotzil de Chamula

² Ti Jeremiase, c'oponat yu'un ti Dios c'alal oy xa ta yoxlajunebal (13) jabil yochel ta ajvalilal ta Judá ti Josías xnich'on ti Amone.

Bible in Tzotzil de Chenalhó with Deuterocanon

² C'alal yoxlajunebal (13) jabil yochel ta ajvalilal ta Judá li Josías xnich'on Amone, ja'o ital c'opanatuc yu'un Muc'ul Dios li Jeremiase.

Jeremías 1:2 Iomraidhean Croise

1 Reyes 13:2

Ta sventa smantal ti Diose, xi tsots avan ta scontrainel ti altare: “Altar, altar, ti Diose xi laj yale: ‘Ta sventa snitilul ti Davide, ta x'ayan talel jun olol ti sbiinoj Josías ti ta xchic' ta atojol ti paleetic yu'un ti jujun c'opojebaletic ti nopbil no'ox yu'un stuquic ti laj xa xchiq'uic ti pom ta atojole, xchi'uc ta xac'ot yu'unic ta xchic'obil sbaquiltac ti animae.’ ”

1 Reyes 13:20

C'alal jmoj chotolic ta mexae, ti mol j'alc'op ti buch'u sut talel ta be yu'un ti j'alc'op ti liquel talel ta Judae, c'oponat yu'un ti Diose,

2 Reyes 21:18

C'alal chame, laj smuquic ta yavil ts'unbil nichimetic ta snae, ta yavil sts'unobil nichim yu'un ti Uzae. Ta ts'acal to un, och ta ajvalil ti Amón ti ja' xnich'one.

2 Reyes 21:24

Ja'uc le' une, ti jnaclejetic ta jteclume laj smilic ec ti buch'utic laj spay sc'opic ta scontrainel ti ajvalil Amone. Och ta ajvalilal yu'unic ti Josías ti ja' xnich'one.

2 Reyes 22:3

Ti c'alal xvaxaclajunebal (18) xa ox jabil stic'lej ta ajvalilal ti Josiase, laj stac ech'el ta xch'ulna Dios ti Safán xnich'on Azalías smom ti Mesulame, ti buch'u sbainoj yu'un ta yalel ti c'usitic ta xc'ot ta pasele. Ti Safane xi laj yale:

Jeremías 1:11

Ti Diose tal ta jtojol ti xi laj yalbun xtoque: “Jeremías, ¿c'usi ta xavil ti le'e?” “Jchex sc'ob uni almendro te' ta xquil”, xcut.

Jeremías 1:4

Ti Diose xi laj yalbun ti laj sc'oponun talele:

Jeremías 25:3

“Naca to ox ta yoxlajunebal (13) jabil yochel ta ajvalil ta Judá ti Josías xnich'on ti Amone, ti xcaltic tana une, oy xa ta oxib xcha'vinic (23) jabil ti c'alal laj sc'oponun talel ti Diose, ti vu'un ec une, xlic xcaj ono'ox ta jlo'iltaboxuc talel. Ja' no'ox ti mu'yuc ta venta avu'unique.

Jeremías 28:12

Ech' c'uc sjaliluc ti c'alal loq'uesbat yu'un Hananías ti sloc'obbail yabtejeb vacax ti yuinoj ti Jeremías ti lilinbate, ti Diose xi laj yal ti c'oponat talel ti j'alc'op Jeremiase:

Jeremías 3:6

C'alal yorail ochem ta ajvalilal ti Josiase, xi laj yalbun ti Diose: “¿Mi laj xa avil c'usi laj spas ti toyobba Israele? Bat xa yac'beic yipal ta spasel smulic ta jujun toyol vits xchi'uc ta yolon limlim te'etic.

Jeremías 36:2

“Tamo junuc jts'ibael balbil vun. Xlic ats'iba un scotol ti c'u s'elan laj calbot sc'oplal ti Israele, ti Judae, xchi'uc sc'oplal ti yan muc'tiquil lumetique, ti lic ono'ox jc'oponot talel ta yorail ti ochem ta ajvalilal ti Josías ti jech to tana li'e.

Oseas 1:1

Ti li'e, ja' jech s'elan c'oponat talel yu'un Dios ti Osease, xnich'on ti Beerie, c'alal yorail ti tiq'uilic ta ajvalilal ta jteclum Judá ti Uzíase, ti Jotame, ti Acaze, xchi'uc ti Ezequíase. Yan ti Jeroboame, xnich'on ti Joase, ja' o tiq'uil ta ajvalil ta jteclum Israel.

Joel 1:1

Ti c'op li'e, ja' jech s'elan c'oponat talel yu'un Dios ti Joel xnich'on ti Petuele.

Jonás 1:1

Ti Jonás xnich'on ti Amitaie, xi albat c'alal c'oponat yu'un ti Diose:

Miqueas 1:1

C'alal yorail tiq'uilic ta ajvalil ta Judá ti Jotame, ti Acaze, xchi'uc ti Ezequíase, ja' o yorail tal c'oponatuc yu'un Dios ti Miqueas ti talem ta jteclum Moresete. Ti Miquease jambat sba sat ta yilbel sc'oplal ti c'usi ta xc'ot ta stojol ti jteclum Samariae xchi'uc ti jteclum Jerusalén ti ja' laj yal ti Diose.

Sofonías 1:1

Ti li'e, ja' jech s'elan c'opoj ti Dios ta stojol ti Sofonías c'alal tiq'uil ta ajvalilal ta jteclum Judá ti Josías ti ja' xnich'on ti Amone. Ti Sofoniase, ja' xnich'on ti Cusie, ti liquem talel ta stojol ti Gedaliase, ti liquem talel ta stojol ti Amariase, ti liquem talel xtoc ta stojol ti Ezequiase.