Jeremías 1:16 - Bible in Tzotzil de Chamula

¹⁶ Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique.

Bible in Tzotzil de Chenalhó with Deuterocanon

¹⁶ Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Jeremías 1:16 Iomraidhean Croise

2 Reyes 22:17

Yu'un laj svalopatinicun comel. Laj xchic'beic pom ti c'usiuc no'ox loc'tabil diosetique. Ja' jech laj sliquesbeicun ti sti'emal jol yu'un scotol ti c'usitic yac'ojbeic yipal ta spasele. Jech o xal ta jcontrain. Mu xa ts'icbaj ta xca'i ti sc'ac'al co'ntone. Mi ja'uc ta xch'ay ta be.

2 Crónicas 15:2

loc' batel ta sa'el ti Asae yo' jech xi ta xalbe ya'ie: “¡A'yio ava'i, Asa, ts'etanbun achiquin xchi'uc acotolic ti vo'oxuque, Judá, Benjamín! Oy ta atojolic ti Diose mi nabaloxuc ta stojole. Mi ta xasa'ique, ta xataic. Mi ta xaq'uej abaic ta stojole, ta xastenoxuc comel.

2 Crónicas 28:2

C'ajomal no'ox lic stam ta spasel jech c'u cha'al laj spas ti ajvaliletic yu'un Israele. Lic yunijesan taq'uinetic ti laj sloc'ta diosetic sventa sloc'obbail ti Baale.

2 Crónicas 34:25

Laj svalopatinicun comel. Lic xchic'beic pom ti bisbilic ta diosetique. Laj soquesbeicun co'nton yu'un scotol ti xlic ta lum ti c'usitic ta spasique. Jech o xal un, mu xa stac pajesel ma' ti sc'ac'al co'nton ta stojol ti jteclum li'e, mu cha'bel xtub.

2 Crónicas 7:19

Ja'uc le' une, mi vo'oxuc ta xlic ach'ac abaic ta jtojole, mi mu xc'ot ta pasel avu'unic ti jbel c'usi tsots albil sc'oplale, xchi'uc ti mantaletic ti laj cac'boxuque, ti ja' no'ox ta xlic abic'tajes abaic ta yich'el ta muc' ti yan diosetique,

Isaías 2:8

Ja' jech xtoc un, snojel ta j'ech'el ti c'usitic meltsanbil ta c'abale. Ti jnaclejetique nijil chimilic ta yich'el ta muc' ti diosetic ti laj smeltsan ta yoc ta sc'obique.

Isaías 37:19

Yu'un c'alal ta diosetic yu'unic laj xchic'be. Lajic, ja' ti ma'uc ono'ox bats'i dios une, yu'un ta te' no'ox, ta ton no'ox meltsanbil yu'un stuquic. Jech o xal un, mu'yuc spac yuni c'oplal lajic.

Isaías 44:15

Ti jnaclejetic une ta xlic stunesic ta si'. Ti jlom sjepelule, ta sc'atinic. Oy jlom, ta stunesic ta sta'ajesobil pan. Ti jlome, ta smeltsanic o ta sloc'obbail junuc dios, ti xnijiletic xchimiletic liquel ta yich'el ta muq'ue.

Isaías 65:3

Jun lum ti ta jba ta jsat yac'ojbeic ono'ox yipal ta soquesel ti co'ntone. Ta xaq'uic milbil matanal ta stojol diosetic ti bu ts'unbil ti nichime. Ta xchiq'uic pom ta sba altar ti meltsanbil ta latriyoe.

Jeremías 10:15

Mu'yuc c'usi xu' yu'un, j'ac'-labal no'ox. Ta xtubbat sc'oplal c'alal ta xchapanvan ti Diose.

Jeremías 10:3

Ti c'usi xch'unojic ti jteclumetic taje, mu'yuc c'usi xu' yu'un. Ta sc'oquic talel jun bascan te' ta vitstic; ti buch'u xc'abaj o xchi'uque, ta xlic xch'ojilan ta loc'tael xchi'uc sjulub.

Jeremías 11:12

Va'i un, ti jnaclejetic ta Judae xchi'uc ti jnaclejetic ta Jerusalene, bat sc'anic coltael ta stojol ti diosetique, utsuc xa xac'beic ti pome, c'alal mu'yuc c'usi xu' yu'unic ta pojvanej mi vul ta loq'uel ti cuxul j'ilbajinvanej j'ac'-vocole.

Jeremías 11:17

“Ti Diosun ti scotol xu' cu'une, laj cal mantal ti lamal ta xc'ot ti cuxul j'ilbajinvanej j'ac'-vocol ta stojol ti c'usi laj jts'une, ta scoj ti oy c'usi chopol laj xa spas ti jteclum Israele, xchi'uc ti jteclum Judae. Yu'un laj soquesbeicun co'nton ta scoj ti laj yac'beic matanal chic'bil pom ti Baale.”

Jeremías 15:6

Laj avalopatinun, laj atenun comel. Ti vu'un Diosune, mu lo'iluc no'ox ta xcal. Jech o xal un, laj jyales c'oc jc'ob ta stsitselot yo' ta xajtsutses ta j'ech'el, yu'un laj xa ti sts'iquemal xcuchemal cu'une.

Jeremías 16:11

Xi xatac'be une: ‘Ti Diose xi ta xal ta jamale: Ti jech taje, ti atot ame'ic ta vo'nee, laj yictaicun comel. Bat sts'acliic yan diosetic ta snijanel xchimanel sbaic ta yich'el ta muc'. Laj stenicun comel ti vu'une. Laj svalopatinic ti chanubtasel laj cac'beique.

Jeremías 17:13

Cajval, vo'ot spatobil yo'nton ti Israele. Scotol ti buch'u ta stenot sjipot comele, nijil chimil ta xc'ot ta q'uexlal. Scotol ti buch'u ta xnamaj ta atojole, ta sac ch'ay batel jech c'u cha'al junuc biil ti ts'ibabil ta pucuque, ta scoj ti laj stenot comel c'alal vo'ot ti sat vo' ti siquet no'ox ta uch'ele.

Jeremías 18:15

Ja'uc ti jteclumal une laj xa xch'ayun ta yo'nton. C'ajomal xa no'ox ta xchic'beic matanal pom ti loc'obbailetic ti ma'uc Diose. Ch'ayic xa ti bu stamojic batele, laj xa yictaic comel ti vo'neal bee. St'unojic batel jun be ti mu sna'ic bu ta xbate.

Jeremías 19:4

Ti israeletique laj sjip laj stenicun comel. Yan o xa ta q'uelel yu'unic ti banomil li'e. Lic xchic'beic pom ti yan diosetic ti mu xojtiquinic jutebuque. Mi ja'uc yojtiquinojic ti stot sme'ic ta vo'nee, mi ja'uc ti ajvaliletic yu'un ti Judae. Buyuc no'ox laj smalbeic xch'ich'el ti buch'u jeche' muts'ul sba sat laj yich'ic milele.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:17

Jech laj ata un ta scoj ti laj avalopatinun comele, c'alal vu'unun ti Ajvalil Dios avu'une, ti ta jtojobtasot batel ta stamel ti bee.

Jeremías 2:19

Ta scoj no'ox achopolal ta xata tsitsel yu'un, ta scoj ti mu junuc avo'ntone, ta xatoj un. Ts'ijlan ta snopel ava'i, ta xlic avil un ti mu xnel x'ech' ti vocol ta scoj laj avictaun comele, ti mu'yuc laj avich'un ta muq'ue c'alal vu'un ti Ajvalil Dios avu'une. Diosun ti scotol xu' cu'une, mu stselbuj ma' ti jc'op une.

Jeremías 2:28

“Jteclum Judá, ¿bu oy ti adiostac ti laj ameltsan une? Jech yepal avajdiostac jech c'u cha'al ti jteclumetic avu'une. Talicuc un cha'e, vinajuc mi xu' yu'unic ta spojeloxuc c'alal ta xvul ta atojolic ti vocole.

Jeremías 4:12

Ti ta scoj taje, tsots ta j'ech'el ta jtac talel ti iq'ue. Ta xcal ta jamal ti mu xa ono'ox xcolic ta j'ech'ele.”

Jeremías 4:28

Ti banomile mu albajuc ta xlic ya'i ti at-o'ntone. Ti vinajele ta xlic ya'i ti me'inale. Jech laj xa cal, mi ja'uc ta jsutes jba. C'ot ta nopel cu'un, mi ja'uc ta jcha'na'.

Jeremías 44:17

Le'e, ta xcac'becutic yipal ta spasel ti c'usi jnopojcutique. Mu xquicta jbacutic ta yac'bel matanal pom, ta yac'bel matanal vino ti Sme' Vinajel jech c'u cha'al liquem ono'ox cu'uncutic talele, ti laj spasic talel ti jtot jme'cutic ta vo'nee, ti ajvaliletic cu'uncutique, ti banquilaletic yu'un ti Judae, jech c'u cha'al laj spasic ta scayeal ti Jerusalene. Oy no'ox ma' ti jve'el cuch'omcutic le' talel ta vo'nee. Mu'yuc quilojcutic ma' ti naca vocol no'ox ta xvul ta jtojolcutic une.

Jeremías 5:29

‘¿Mi mu'yuc van ta jtsits ta scoj ti va'i s'elan taje? ¿Mi mu xc'ot o ta xich' ti buch'u jech ta spas taje? Ti vu'un Diosune, mu stselbuj cu'un.

Jeremías 5:9

¿Mi yu'un la mu'yuc ta jtsits ya'iic ti va'i s'elan taj une? ¿Mi yu'un ta xcol cu'un jun jteclum ti xc'ot o jech ta xich'e?

Jeremías 51:17

Ti buch'uuc no'oxe toj pim, toj bolat xa'i sba. Yu'un xi s'elan ta xc'ot ta pasel yu'unique: Yu'un ti buch'u ta smeltsan ti loc'obbaile, lajem ta lo'lael yu'un. Naca jlo'lavanej loc'obbailetic, mi jutebuc cuxul.

Jeremías 7:17

¿Mi yu'un mu xavil ya'yel ti c'usi ta spasbeic ti jteclumetic yu'un ti Judae, xchi'uc ta calleetic yu'un ti jteclum Jerusalene?

Jeremías 7:18

Ti nich'nabiletique ta stsobic si'. Ti totiletique ta stsanic c'oc'. Ti antsetique ta xchapanic ta svots'el ti muc'tiquil panetic ta smeltsanique, ti ta xac'beic ta smoton ti ch'ul me'il ti sbiinoj Sme' Vinajele. Ma'uc no'ox taje, soquem xa co'nton yu'unic ti ta xac'beic matanal vino ti yan diosetique.

Jeremías 7:9

Yu'un ta xa'elc'ajic, ta xamilvanic, ta xasa' amulic, naca yeilal no'ox ta xjelav avu'unic ti ta xava'an abaic ta rexticoe. Ta xavac'beic chic'bil pom ti Baale. Ta xanijan abaic ta yich'el ta muc' diosetic ti ma'uc aventaique.

Ezequiel 16:18

Laj avac'be sc'u'in ti c'upil sba c'u'iletic ti ep ta tos sbone. Laj avac'be ti caceitee, ti jpome.

Ezequiel 24:14

Laj xa cal ti vu'un Diosune. Jech ono'ox ta xc'ot ta pasel. Ta jbain ta spasel. Mu stselbuj ma' ti sc'oplal une. Mu jcha'na'. Laj ma' ti xc'uxul co'ntone. Ta jtsitsot ava'i yu'un ti c'u s'elan ti snopbenal avu'une, ti c'u s'elan laj xa apase. Ti vu'un Ajvalilune, mu lo'iluc no'ox ta xcal.’ ”

Oseas 11:2

Ja' no'ox un, c'alal cac'ojbe yipal ta xquic' loq'uel talele, c'ajomal no'ox yantic xch'ac sba ta jtojol. Ti jteclumale, ja' xa bat yo'ntonic ta yac'bel milbil matanaletic ti c'usitic va'anbil ta diosetique. Ta xac'beic chic'bil pom ti c'usitic va'ajtic sloc'obbaile.

Oseas 8:6

Ti loc'tabil ch'in vacax ti oy ta jteclum Samariae, ma'uc Dios. Meltsajem ta yoc ta sc'ob jun vinic ti sna' lec sloc'taele. Ja' yu'un un, ta xc'ot ta pasel ti ta xlilije.

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Hechos 7:41

Va'i un, lic smeltsanic dios yu'unic jun sloc'obbail uni nene' vacax. Laj smilbeic chon bolometic ta sventa smoton. Xmuyubajic xa lic spasbeic sq'uinal ti dios ti laj smeltsan ta sc'obique.

Deuteronomio 28:20

“Yu'un ti Diose ta stacbot talel bac vocol ti naca xa no'ox vocol ti mu xa xava'i aba lec xchi'uc ta scotol ti c'usi ta xapase, ti mu ta sjaliluc ta xac'ot ta soquel ta tsutsel yu'un ta scoj ti laj ach'ac aba ta stojol ta yac'bel yipal ta spasel ti c'usi mu lecuc ta pasele.

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

Josué 24:20

Mi ta xavicta abaic ta tunel yu'un ti Diose, ti ja' xa ta xlic avac' abaic ta tunel yu'un ti diosetique, ja' no'ox jech ta spac sutel ti Dios ta yac'beloxuc ep ta tos avocolique, ti ta xch'ay o ti ats'unubalic yu'une.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.