Jeremías 1:11 - Bible in Tzotzil de Chamula

¹¹ Ti Diose tal ta jtojol ti xi laj yalbun xtoque: “Jeremías, ¿c'usi ta xavil ti le'e?” “Jchex sc'ob uni almendro te' ta xquil”, xcut.

Bible in Tzotzil de Chenalhó with Deuterocanon

¹¹ Jech laj yalbun noxtoc: “¿C'usi chavil, Jeremías?”, xiyutun. “Ta xquil jec sc'ob almendro”, xcut.

Jeremías 1:11 Iomraidhean Croise

Génesis 30:37

Ti Jacobe laj sc'ocan talel yaxal jich'il q'uelom te' ti álamoe, ti almendroe, ti castanyoe. Laj sil ta cho'el yo' jech polajtic saquil ta q'uelel.

Isaías 55:11

Ja' jech ec ti c'u yepal ta xloc' ta que ta jti'e. Mu yu'unuc ch'abal yabtel ta xcom ti c'alal ta sut ta jtojole. Ta xlic spas ti c'usi ta jc'ane. Ta xc'ot ta pasel yu'un ti c'u s'elan ta xcale.

Jeremías 24:3

Va'i un, ti Diose xi laj sjac'bune: “Jeremías, ¿c'usi laj avil?” Xichi laj jtac'bee: “Icux ta xquil. Ti bu lequique, jun yutsil ta j'ech'el. Yan ti xchopolile, spajeb mu'yuc lec, mi ja'uc xal o'ntonal ta lajesel.”

Ezequiel 12:25

Yu'un ti vu'un Diosune ta xic'opoj ta stojolic. Yu'un ti c'usi ta xich' alele, ta xc'ot ono'ox ta pasel, mu xjalij. Yu'un ta xavil ta aba ta asat, toyobba jteclumetic. Yu'un mi lic'opoj xa ono'oxe, ta xc'ot ta pasel cu'un ti c'usi ta xich' alele. Jbel xic'opoj ti c'usi ta xloc' ta que ti vu'un Ajvalilune.”

Ezequiel 12:28

Ja' yu'un un, xi xavalbe ya'iique: ‘Ja' jech ta xal ti Dios jech c'u cha'al li'e: Ti jc'op ti c'usi loc' ta quee, mu xa jaluc ta xc'ot ta pasel. Yu'un ti c'usi laj cale, mu xch'ay ta be. Yu'un jbel xic'opoj ti vu'un Ajvalilune.’ ”

Ezequiel 7:10

¡C'ot xa sc'ac'alil! ¡Vul xa ta loq'uel! ¡Tal xa ti tsutsesel une! Buyuc no'ox stsacoj yip ti mu'yuc lec c'usi ta xc'ot ta pasele, stsacoj yip ti toyobbaile.

Amós 7:8

Va'i un, xi laj sjac'bune: “¿C'usi ta xavil, Amós?” “Ja' jun plomo ti ta stunes ti albanyile”, xcut. Va'i un, xi laj stac'bune: “Ti plomo ti xchechechet ta stunes ti albanyile, ja' jech ta xquil o c'u s'elan stuq'uil yutsil stalel ta spasic ti jteclumal Israele. Laj xa sc'oplal ti ta to jch'aybeic ti smulique.

Amós 8:2

Va'i xtoc un, xi laj sjac'bune: “¿C'usi laj avil, Amós?” “Toc'on lo'bolal sat te'etic ta xquil oy ta moch”, xcut. Xi laj yalbun ti Dios xtoc une: “Ja' xa jech sta'ajemal ti Israele. Ta j'ech'el mi ja'uc ti oy bu ta jch'aybeic ti smulique.

Zacarías 4:2

“¿C'usi ta xavil yilel?” Xichi laj jtac'bee: “Ja' jun pajleb cantila ti meltsanbil ta oroe, ti yich'oj xch'amleb aceite ta sbae. Yu'un ti ta toyole yich'oj vucub (7) lámpara ti oy jujun sbetac ti aceite ti ta xlic talel ta yavile.

Zacarías 5:2

Xi laj sjac'bun ti ánjele: “¿C'usi ta xavil yilel?” Xichi laj jtac'bee: “Ja' jlic ts'ibabil balbil vun ti xvililet ta xquile, ti yich'oj baluneb (9) metro ti snatile, ti ja' yich'oj o'lol yo'obal (4.50) metro ti sjamleje.”

Números 17:8

Ta yoc'omal un, c'alal bat ta ch'ulnae, laj yil ti q'uelomajem xa snamte' ti Aarone, ti ja' c'otem ta yu'unic ti jvoc' snitilul ti levitaetique, yu'un q'uelomaj xa. Yac'oj xa xnich. Toc'onic xa sat ti almendroe.