Jeremías 1:10 - Bible in Tzotzil de Chamula

¹⁰ “Ta xcac' ta ave ta ati' ti jc'ope. Tana li'e, ta xcac'bot tsots avabtel ta yalel ti j'ech'el ta xich'ic tubbel sc'oplalic ti jipbil tenbil ta xloc' ti ajvaliletique, ti j'ech'el ta xtub sc'oplal sicotan ta xcom ti muc'tiquil lumetique. Jech xtoc ta xcac'bot tsots avabtel ti ta aventa ta xich' toyel va'anel liquel ti muc'tiquil lumetique.”

Bible in Tzotzil de Chenalhó with Deuterocanon

¹⁰ Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Jeremías 1:10 Iomraidhean Croise

1 Reyes 17:1

Ti j'alc'op Elías ti liquel talel ta Tisbe ta yosilal Galaade, xi laj yalbe ya'i ti Acabe: “¡Ta j'ech'el ta jva'an ta rextico ti Ajvalile, Dios yu'un ti Israel ti yajtunelune, ti mi mu xcale, mi ja'uc ta xac' jset'uc vo' ti jabil ta xtale, mu ja'uc ta xbaj jset'uc ts'ujul!”

1 Reyes 19:17

Ti jech taje, ti buch'u mu'yuc xlaj ta milel ta espada yu'un ti Hazaele, ta xmilat ta espada yu'un ti Jehue. Ti buch'u mu'yuc xlaj ta milel ta espada yu'un ti Jehue, ta xmilat ta espada yu'un ti Eliseoe.

Eclesiastés 3:3

Oy yorail ti milbaile; oy yorail ti poxtaele. Oy yorail ti c'usi ta xich' lilinele; oy yorail ti c'usi ta xich' va'anele.

Jeremías 1:5

“C'alal mu'yuc to ox ta xanabi cu'une, t'ujbilot xa ono'ox cu'un. C'alal mu'yuc to ox voq'uemote, ch'acbilot xa ono'ox cu'un. Oy xa ono'ox ac'oplal cu'un ta xac'ot ta j'alc'op yu'un ti muc'tiquil lumetique.”

Jeremías 24:6

Jbainojic ta spojel, ta sutic talel cu'un xtoc li' ta jteclume. Va'i un, mu'yuc c'usi sna'ic liquel cu'un. Mi ja'uc xa ta jtubbeic ti sc'oplalique. Ta jts'unic o ta j'ech'el. Mi ja'uc xa bec'bil ta xloq'uic cu'un.

Jeremías 25:13

Ti muc' ta lum li'e, ta xcac' c'otuc ta stojol scotol ti xi s'elan caj'albil ti ts'ibabil ta jpoc vu'un li'e: Lamal ta xc'ot ta sbaic scotol ti c'usi laj yal ti Jeremías ti laj scontrain scotol ti muc'tiquil lumetic ta jventae.

Jeremías 31:28

Jech c'u cha'al ti jbel co'nton laj jtenic loq'uele, ti laj jlilin ta soquesel ti lume, ti stuc slilijemal busul come, ti c'otic ta tsutsel yu'un ti vocole, ja' no'ox jech ta jva'an jba yu'unic xtoc ta sva'anel ti lume, xchi'uc ti c'usitic xlic xcaj ta ts'unele. Ti vu'un Diosune, mu stselbuj ti jc'ope.

Jeremías 31:40

Scotol ti stenlejal bu ta xich' muquel ti animaetique, bu ta xich' jipel ti tane, xchi'uc scotol ti osil ti oy ta yac'ol uc'um yu'un Cedrone, c'alal to ta xuc'av sbiinoj Ochebal yu'un ti Ca'etique, ti oy ta yeloval sloq'ueb c'ac'ale, c'otem ta jventa. J'ech'el mi jutebuc ta xich' jinesel scotol ma' taj une.”

Jeremías 36:2

“Tamo junuc jts'ibael balbil vun. Xlic ats'iba un scotol ti c'u s'elan laj calbot sc'oplal ti Israele, ti Judae, xchi'uc sc'oplal ti yan muc'tiquil lumetique, ti lic ono'ox jc'oponot talel ta yorail ti ochem ta ajvalilal ti Josías ti jech to tana li'e.

Jeremías 44:27

Nom ta xc'ot ti lequilale. C'ajomal cac'oj talel jsat ta staquel talel ti cuxul j'ilbajinvanej vocol ta stojolique. Scotol ti c'u yepal oyic ta Egipto ti ja' slumalic ti Judae, yu'un jbel sc'oplal ta xac' sjol sbaquilic ta xlajic ta leto, mi ta vi'nal.

Jeremías 45:4

Ti Diose xi laj yalbun ti ac'o calbot ava'ie: ‘Ti c'usi laj jva'ane, ta jlilin. Ti c'usi laj jts'une, ta jbul loq'uel scotol li' ta banomile.

Ezequiel 21:19

“Ac'bo senyail chibuc be c'u sjamlej ti bu ta x'ech' xchi'uc yespada ti ajvalil yu'un ti Babiloniae. Ti chib be ti ta xloc' talel ta muc' ta lume, ac'bo senyail bu jteclumal sq'ueloj batel ti bu ta xch'ac sbae.

Ezequiel 23:36

Ti Diose xi laj yalbune: “Yojtot, ¿mi xac'an xavich'be ye ti Aholae xchi'uc ti Oholibae? Tic'bo ya'i ta sat unbi ti c'usitic mu stac' albel sc'oplal laj spase.

Ezequiel 32:18

“Yojtot, ti xchopol-chop steclumal ti antsetique, xi laetanic liquel ta q'uejimol sventa ti jlajel jtubel yepal no'ox ti jnaclejetic yu'un ti muc' ta lum Egiptoe, xchi'uc ti ajvaliletic yu'une: ‘Bat ta ch'en un ma' ti buch'u cajal toyol xa'i sba une. C'ot stsob sbaic xchi'uc ti buch'u oyic xa ta muquinale.

Ezequiel 36:36

Va'i un, ti c'u yepal cuxul com ti jnaclejetic joyol ta spat xocone, ta xlic sna'ic ti vu'un Ajvalilun ti ta xlic jcha'va'an ti lilijeme, ta sts'unbel sbel ti jipbil come. Laj xa cal ti vu'un Ajvalilune. Ta xc'ot ta pasel cu'un.

Ezequiel 43:3

Ti c'u s'elan laj quil jam jba sate, co'ol jech c'u cha'al laj quil ta ti' uc'um Quebare, c'alal oy sc'oplal ta slilin Jerusalén ti Diose. Jnupilan xa banomil laj jquejan jba ta stojol.

Oseas 6:5

Jech o xal laj jlilinoxuc ta sventa ti c'usi laj yalboxuc ti j'alc'opetique. Ta sventa ti c'usi loc' ta alel cu'une, laj jtubboxuc ti ac'oplalique. Yu'un ti c'u s'elan ta jc'an ta xapas ta jtojole, co'ol s'elan ti c'usi sna' xac' xojobal ti xjapluj no'ox vulele.

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

Amós 9:11

“Ta xc'ot sc'ac'alil ti ta jcha'va'an ta ach' ti slomemal na ti Davide. Ta jmac ti bu jomemique. Ta ach' ta xlic jva'an ti jech jinemic xae. Ta ach' ta xlic jmeltsan jech c'u cha'al laj yich' meltsanel ta vo'nee,

Zacarías 1:6

Ja'uc ti jc'ope, ti jmantaltaque, ti laj cac'be sbainic ti cajtunel j'alc'optaque, laj yalic ta stojolic ti atot ame'ic ta vo'nee. Jech ti stuquique sutic talel ta jtojol, yu'un laj sna'ic ti vu'un Diosun ti scotol xu' cu'une, ti jech laj jpasbeic ta stojolic jech c'u cha'al ti c'u s'elan loc' ta nopel yu'unique xchi'uc ti c'usitic laj spasique.’ ”