Jeremías 1:1 - Bible in Tzotzil de Chamula

¹ Slo'il ya'yej xchi'uc yabtel laj spas ti Jeremías xnich'on ti Hilciase. Ti Jeremiase, ja' xchapalul ti paleetic nacalic ta jteclum Anatote, ti tiq'uil ta yosilal ti jvoc' snitilul ti Benjamine.

Bible in Tzotzil de Chenalhó with Deuterocanon

¹ Li'i ja' ic'opoj Jeremías xnich'on Hilcías. Li Jeremiase ja' jun xchi'ilic li paleetic te nacalic ta lum Anatot ta yosilal Benjamine.

Jeremías 1:1 Iomraidhean Croise

1 Reyes 2:26

Ja'uc ti pale Abiatare, xi albat ya'i yu'un ti ajvalile: “¡Batan ta Anatot ti ja' alumale! Ac'o mi xc'ot o ta xavich' milele, mi ja'uc ta jmilot, yu'un vo'ot laj avich' talel ti xcaxa Dios ta stojol ti Davide, ja' ti jtote ti co'ol laj avich' avocolique.”

1 Crónicas 6:60

Ac'bat yich'ic xtoc ti jteclumetic yu'un snitilultac ti Benjamine, ja' ti Gebae, ti Alemete, xchi'uc ti Anatote, naca sve'eb chon bolom scotol ma' ti osil taj une. Ti c'ot ta sventaic jteclumetic ti jujuchop snitilultac ti Aarone, oxlajunchop (13) ta lum.

2 Crónicas 35:25

Ti Jeremiase lic xchapan jun q'uejimol sventa svulesobil yo'nton ti jlajel jtubele. Avi tana le'e, jech to comem yu'unic scotol ti jq'uejimol viniquetique, ti antsetique, ta svulesel ta o'ntonic sq'uejintael sventa svulesobil yo'nton ti jlajel jtubel Josiase. Ti q'uejimoletic taje, na'bil com o yu'unic ta Israel ti ts'ibabil jmoj xchi'uc ti yan q'uejimoletique.

2 Crónicas 36:12

Ti c'usitic lic spas une, mu lecuc laj yil ta sba ta sat ti Diose. Yu'un mu'yuc laj sbic'tajes sba ta stojol ti j'alc'op Jeremías c'alal c'opoj ta sventa Diose.

2 Crónicas 36:21

C'ot ta pasel un ti c'u s'elan yaloj ti Dios ta sventa ti j'alc'ope, ti ta sta ti mu'yuc c'usi sna' ta xcux ti banomile, ti mu'yuc stijel ta c'op lilijem ta xcome, ja' to mi x'ech' xa ox ti lajuneb xchanvinic (70) jabile.

Esdras 1:1

Ti sba jabil yochel ta ajvalilal ti Ciroe, ajvalil yu'un ti Persiae, yo' ta xc'ot ta pasel sc'op Dios ti laj scaj'al ti Jeremíase, ti Diose laj stijbe yo'nton ti Ciroe, ti xi laj stac batel mantaletic ta ts'ibabil vunetic ta jteclumetic ti bu c'alal smacoje:

Esdras 2:23

Ti viniquetic ti liquem talel ta Anatote, oy vaxaquib yucvinic (128) ta vo'.

Isaías 1:1

Ti Isaías xnich'on ti Amose, caj'ac'bat sna' ta yalbel sc'oplal ti c'usitic ta xc'ot ta stojol ti Judae xchi'uc ti jteclum Jerusalene, ti c'alal ja' o tiq'uilic ta ajvaliletic ta Judá ti Uziase, ti Jotame, ti Acaze, xchi'uc ti Ezequiase.

Isaías 10:30

Avetanic xa liquel, jnaclejetic ta Bat-galim. A'yio ava'iic ec un, jnaclejetic ta Laisa. Taq'uic ec un, jnaclejetic ta Anatot.

Isaías 2:1

Li'e, ja' ti xi s'elan caj'ac'bat sna' ti Isaiás xnich'on ti Amose, ti ac'bat yil ti oy c'usi ta xc'ot ta stojol ti lum Judae, xchi'uc ti jteclum Jerusalene:

Jeremías 11:21

Manchuc mi jech un, ti viniquetic nacalic ta jteclum Anatote, ta xismilic ya'iic. Laj yalbeicun ti mu xa xic'opoj ta sventa ti Diose. Ti mi mu jpajes jbae, ta xismilic un.

Jeremías 29:27

¿C'u cha'al ya'yel un cha'e aq'ueloj no'ox ti Jeremías ti liquem talel ta jteclum Anatot ti ta xc'opoj jech c'u cha'al junuc j'alc'op ta atojolique?

Jeremías 30:1

Ti c'op li'e, ja' ti c'u s'elan c'oponat talel yu'un Dios ti Jeremiase. Xi albat une:

Jeremías 37:12

Ti Jeremías eque, ja' o loc' ech'el ta jteclum. Laj stam batel sbe ta yosilal Benjamín ta yich'el rextoil ti yacal ta xich' ch'aquel ta yosilale.

Ezequiel 1:3

C'alal oyun ta ti' uc'um Quebar ta yosilal ti caldeoetique, ti Diose laj scajan sc'ob ta jtojolal ti pale Ezequiel xnich'onun ti Buzie.

Daniel 9:2

C'alal ta sliqueb to ox jabil yochel ta ajvalilale, jech ti vu'un Danielune, ja' o ochemun ta sq'uelel ti jpoc vun yu'un ti j'alc'op Jeremías ti bu ta xalbe sc'oplal ti lajuneb xchanvinic (70) jabil sjalil ti lilijem ta xcom ti jteclum Jerusalene, ti jech albil yu'un Dios ti j'alc'ope.

Amós 1:1

Ti c'op li'e, ja' albil yu'un ti Amose, jun jq'uel-chij ti nacal ta jteclum Tecoae. Chib to jabil sc'an ti bu c'ot ta pasel ti lic niquele, c'alal ja' o tiq'uil ta ajvalil ti Uzías ta jteclum Judae, xchi'uc ti Jeroboam xnich'on ti Joás tiq'uil ta ajvalil ta Jteclum Israele, ti c'oponat yu'un Dios ti Amós ta sventa sc'oplalic ti Israele:

Amós 7:10

Ti Amasíase, pale yu'un ti jteclum Betele, xi laj stac batel mantal ta yalel ta stojol ti Jeroboam ajvalil yu'un ti Israele: “Ti Amose xvolet jmoj xchi'uc ti jnaclejetic yu'un Israel ta xchapel ti ta spaybot ac'oplal ti Jcuch abtelote. Jech ti jteclume mu xa ts'icbaj ta xa'iic ti xvulvune.

San Mateo 16:14

Xi laj stac'beique: —Oy jlom ta xalic vo'ot la ti Juan j'ac'-ich'-vo'e. Oy jlom ta xalic vo'ot la ti Eliase. Ta xalic ti jlom xtoque, vo'ot la ti Jeremiase, o mi mo'oje, ja' la jun j'alc'opot.

San Mateo 2:17

Taje, ja' ic'ot ta pasel ti xi s'elan laj sts'iba comel ti yaj'alc'op Jeremiase:

San Mateo 27:9

Ja' c'ot ta pasel un jech c'u cha'al ti xi laj sts'iba comel ti j'alc'op Jeremiase: “Laj stsaquic ti lajuneb xcha'vinic (30) ta sep taq'uin stojol jun jchi'iltic ti loc' ta nopel yu'un ti israeletic laj yaq'uique.