Génesis 9:6 - Bible in Tzotzil de Chamula

⁶ “Yu'un mi oy buch'u ta smil jun vinique, ta xva'i talel yan yajval yo' ta xmilat ec, yu'un ti vinique, meltsanat co'ol s'elan jech c'u cha'al ti Diose.

Bible in Tzotzil de Chenalhó with Deuterocanon

⁶ “Me oy boch'o ta smil jun vinique, ta xmilat yu'un yan vinic ec, yu'un li vinique ja' sloc'obal Dios.

Génesis 9:6 Iomraidhean Croise

Génesis 4:14

Yu'un avi tana li' une, laj xa ajipun loq'uel ta banomil. Ta xlic ti ta xinamaj batel ta atojole, ti yalel muyelun ta banomile, ti mu jta jset'uc xlaet ta xca'i ti osile. Ja' yu'un un, ti buch'uuc no'ox ti ta xiyile ta xismil.

Génesis 42:22

Va'i un, ti Rubene xi laj staq'ue: —Laj ono'ox calboxuc ava'iic ti mu me c'usi chopol xapasbeic ti quereme, xacutoxuc. Ja' no'ox un, mi ja'uc laj avich'ic ta muc'. Avi tana une, ja' ta jtojtic ti jech chame.

Génesis 5:1

Ja' jech xcholet tal sbitac snitilultac ti Adán jech c'u cha'al li'e. C'alal laj smeltsan vinic ti Diose, solel sjunul jech laj sloc'ta ti c'u s'elan oy ti Dios stuque.

2 Samuel 4:11

¡Ja'uc tana le' ec une, avac'toicuc ma' ti mu jechuc ta xc'ot ta atojolique, banquilal jmilvanejetic, ti laj amilic jun vinic ti ch'abal smule, ti c'alal jun yo'nton puch'ul ta xvay ta sna laj ataique! Ja' yu'un un cha'e, ¡ta xcac' atojic ti jech chame! ¡Ta jtub ac'oplalic ta banomil!

1 Reyes 2:9

Oy abijil, xana' c'usi xu' xavut. Mi ja'uc xc'uxubaj avo'nton yu'un ta xch'aybel ti smul scolo'e. Ja'uc le'e, paso tsatsal ti c'ux-c'uxticuc ac'o ya'i ti svocol c'alal ta xchame.”

2 Reyes 11:1

Ti Atalía sme' ti Ocoziase, c'alal laj ya'i cham xa ti yole, lic sjol ti bat stsutsesbe sc'oplal ta j'ech'el yalab xnich'nab ti ajvalile.

2 Reyes 11:16

laj xchuquic loq'uel. Laj xchechic batel ta ochebal sti' ti scotleb ca'etic ti oy ta chapanobbail yu'un ti ajvalile. C'ot smilic ti bu taje.

2 Reyes 11:20

Xmuyubajic no'ox scotol ti jteclume. Ti jech laj xa ta milel ta espada ti Atalía ta chapanobbaile, ja' to jech mu'yuc xa c'usi sna' com ti jteclume.

2 Crónicas 33:24

Lic paybatuc sc'oplal yu'un ti yaj'opisialtaque, ti laj smilic ta sna ti c'otem ta pasob mantal yu'une.

Salmos 51:4

Laj jsa' jmul ta atojol, ja' no'ox ta atojol laj xa jsa' jmul un; laj xa jpasilan chopol ti albil sc'oplal ta xavac'be stojole. Ti chapanel ti loc' ta alel avu'une, oy stuq'uil ta j'ech'el, mi ja'uc yamal sc'oplal ti c'u s'elan c'ot ta nopel avu'une.

Éxodo 20:13

“Mu xamilvan.

Proverbios 28:17

Ti buch'u laj soques yoc sc'ob ta milvaneje, muquinaluc teq'uel ech'el yoc ti xi s'elan q'uelel ta stojole: jax q'uelbiluc xa no'ox, ac'o xcuch xa'i stuc un.

Eclesiastés 3:3

Oy yorail ti milbaile; oy yorail ti poxtaele. Oy yorail ti c'usi ta xich' lilinele; oy yorail ti c'usi ta xich' va'anele.

Levítico 17:4

mi mu'yuc laj yich' talel ta ochebal sti' ti Axibalna ti bu nupel ta bee yo' jech ta xaq'ue, oy smul ti jeche' no'ox ta smal ti ch'ich'e. Ma'uc no'ox taj une, tenbil ta xloc' ta stojol ti xchi'iltaque.

Levítico 24:17

“Ti buch'u ta xtuch'be xcuxlej ta milel ti jun xchi'ile, chapal sc'oplal ta xich' milel ec.

Números 35:16

“Mi oy buch'u yayijesvan xchi'uc c'usiuc no'ox taq'uinale, mi cham o xchi'uc ti buch'u yayijeme, ja' xa milbil c'ot unbi. Ti jmilvaneje chapal xa sc'oplal ta xich' milel.

Números 35:25

Ti jteclume, tsots sc'oplal ac'o spojic ti buch'u laj sta ti svocole yo' jech mu xmilat yu'un yuts' yalel ti buch'u chame. Tsots sc'oplal ac'o sutuc batel yu'unic ta pojobbail jteclum ti bu to ox snac'oj sbae. Ja'uc ti buch'u laj sta ti svocole, tsots sc'oplal ta xcom o ti c'u sjalile, ja' to ti mi c'ot ta pasel cham ti banquilal pale ti buch'u va'anbil lec xchi'uc ti yabtele.

Números 35:33

“Mu ta scojuc amilvanejalic xasoquesic ti muc' ta lum ti bu ta xanaquiique. Yu'un ti milbaile ta soques sc'oplal ti muc' ta lume. Mu'yuc xa yan pojobbail xu' ta xich' aq'uel, ja' xa no'ox xpoxil ta xc'ot o ti ta xich' milel ti buch'u milvane.

San Mateo 26:52

Xi laj yal ti Jesuse: —Tic'o ochel ta sna ti avespadae. Ti buch'u ta xmilvanic ta espadae, ta espada ta xcham ec.

Romanos 13:4

Yu'un ti ajvaliletique c'otem ta yajtuneltac Dios yo' jech lec oyoxuc. Yan mi chopol ta xapas abae, oy xi'el ta xava'i ta stojol unbi. Mu ta jeche'uc no'ox oy ta yoc ta sc'ob ti tsitsel ta xaq'ue, yu'un ochem ta yajtunel Dios yo' jech ta xac'be yich' tsitsel ti buch'u chopol c'usi ta spase.

1 Corintios 11:7

Ja'uc ti vinique mu xu' ta smac ti sjole, yu'un c'otem ta sloc'obbail Dios ti xtixet no'ox yutsilal ti Dios ta stojole. Ja'uc ti antse xtixet no'ox yutsilal ta stojol ti smalele.

Deuteronomio 19:11

“Ja'uc le' une, mi oy jun vinic ti contra ta xil ti xchi'il ti tsac xut ta milele, ti ts'acal to ta xjatav batel ta junuc ti pojobbail jteclume,

Deuteronomio 5:17

‘Mu xamilvan.

Santiago 3:9

Yu'un ta quetic no'ox, ta xcalbetic slequilal ti Jtotic Diose. Ta quetic no'ox xtoc, ta jchopol-c'optatic ti jnaclejetic ta banomil c'alal ja' sloc'obbail stuc ti Diose.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Jueces 9:56

Ja' jech tojbat yu'un Dios ti Abimelec ti spajebal xa o chopol ti c'usi laj spas ta stojol stote, ti laj smil ti lajuneb xchanvinic (70) ta vo' ti xchi'iltac ta voq'uele.

1 Samuel 15:33

Ja'uc le' une, xi albat yu'un ti Samuele: —Ep antsetic ch'abal yalabic com avu'un xchi'uc ti avespada le'e. Ja' jech ta xc'ot ta stojol ti ame' jech c'u cha'al laj apasbe ti antsetique. Nax to ti Samuele, lic sbic'tal bojilan ta sba ta sat Dios ti ta Gilgale.