Génesis 9:5 - Bible in Tzotzil de Chamula

⁵ Yu'un ta xquich'beic ye sti'ic ta jujun vinic, ta jujun chon bolometic laj smal ti ach'ich'elique. Yu'un jujun vinic, ta xquich'be ye sti' c'u s'elan c'ot ta tsutsel yu'un ti xchi'ile.

Bible in Tzotzil de Chenalhó with Deuterocanon

⁵ Vu'un ta xcac'be stoj jujun cristiano xchi'uc jujun chonbolom ti ta smal ach'ich'alique. Li boch'o chmilvane ta xquich'be sc'op ta sventa xcuxlejal li xchi'ile.

Génesis 9:5 Iomraidhean Croise

Génesis 42:22

Va'i un, ti Rubene xi laj staq'ue: —Laj ono'ox calboxuc ava'iic ti mu me c'usi chopol xapasbeic ti quereme, xacutoxuc. Ja' no'ox un, mi ja'uc laj avich'ic ta muc'. Avi tana une, ja' ta jtojtic ti jech chame.

2 Samuel 4:11

¡Ja'uc tana le' ec une, avac'toicuc ma' ti mu jechuc ta xc'ot ta atojolique, banquilal jmilvanejetic, ti laj amilic jun vinic ti ch'abal smule, ti c'alal jun yo'nton puch'ul ta xvay ta sna laj ataique! Ja' yu'un un cha'e, ¡ta xcac' atojic ti jech chame! ¡Ta jtub ac'oplalic ta banomil!

1 Reyes 2:6

Ja' yu'un un cha'e, oyuc me abijil yu'un. Mu me teyuc no'ox aq'ueloj ti jun xa yo'nton ta xcham xlajique.

2 Reyes 11:1

Ti Atalía sme' ti Ocoziase, c'alal laj ya'i cham xa ti yole, lic sjol ti bat stsutsesbe sc'oplal ta j'ech'el yalab xnich'nab ti ajvalile.

2 Crónicas 24:22

Ti ajvalil Joás une ch'ay ta sjol slequil yo'nton ti Joiada stot ti Zacarías ti oy c'usi lec ac'bat sna' yu'une. Laj smilbe ti xnich'on Zacarías sbie, ti xi lic avanuc ti c'alal ta xa xchame: “¡Oyuc ta sba ta sat ti Dios ti vi s'elan une, ti chapanaticuc yu'une!”

2 Crónicas 33:24

Lic paybatuc sc'oplal yu'un ti yaj'opisialtaque, ti laj smilic ta sna ti c'otem ta pasob mantal yu'une.

2 Crónicas 33:25

Ti jteclume laj smilic ec ti buch'u laj spaybeic sc'oplal ti ajvalil Amone. Ti xnich'on ti sbiinoj Josiase laj yich' yabtel ta ajvalilal yu'unic.

Salmos 9:12

Ti Diose ta svules ta sjol ti buch'utic oyic ta vocole, mu xch'ay xa'i c'u s'elan xme'inal oq'uic yu'un ti vocole; ta stsits ti buch'utic yabtelinojic ti ilbajinvaneje.

Éxodo 20:13

“Mu xamilvan.

Éxodo 21:12

“Mi oy buch'u ta xyayijesvane, mi ta xmilvane, chapal sc'oplal ta xich' milel ec.

Levítico 19:16

“Mu xapas ti xava'vunet ta spuquel slo'iltael ti achi'iltaque. “Mu xatic' aba ta smilel ti achi'ile. Yu'un vu'un ti Ajvalilune.

Levítico 24:17

“Ti buch'u ta xtuch'be xcuxlej ta milel ti jun xchi'ile, chapal sc'oplal ta xich' milel ec.

Levítico 24:21

“Ti buch'u ta smil jcotuc chon bolome, tsots sc'oplal ta xq'uexta. Ti buch'u ta smil junuc vinique, chapal sc'oplal ta xich' milel ec.

Números 35:16

“Mi oy buch'u yayijesvan xchi'uc c'usiuc no'ox taq'uinale, mi cham o xchi'uc ti buch'u yayijeme, ja' xa milbil c'ot unbi. Ti jmilvaneje chapal xa sc'oplal ta xich' milel.

Números 35:17

“Mi oy buch'u laj sc'ojbe ton xchi'il ti naca xa mu cham o yu'une, ti cham ono'ox xtoc ti jlajel tone, ja' xa milbil c'ot unbi. Ti jmilvaneje chapal xa sc'oplal ta xich' milel.

Números 35:18

“Mi oy buch'u ta sc'ojbe te' xchi'il ti naca xa mu xcham o yu'une, ti cham ono'ox xtoc ti jc'ojel ta te'e, ja' xa milbil c'ot unbi. Ti jmilvaneje chapal xa sc'oplal ta xich' milel.

Números 35:21

mi laj sc'abbe majel ta scoj ti mu lecuc xil sbaic xchi'uque, ti mi cham o ta j'ech'el ti june, ti buch'u yalel sa'sune, chapal xa sc'oplal ta xich' milel. Yu'un ja' jun jti'oval. Ti yuts' yalal ti animae, ti mi sta ti jmilvaneje, ja' xa ta sbain ta smilel.

San Mateo 23:35

Jech o xal cajal ta xc'ot ta abaic ti lajic ta milel scotol ti lequil tuq'uil viniquetique, ti lic ono'ox talel ta stojol ti Abel ti oy slequil stuq'uile, ti vul c'alal ta stojol ti Zacarías xnich'on ti Berequiase, ti vo'oxuc laj amilic ta yut ch'ulna ta sts'el ti altare.

Hechos 17:26

Ta sventa jun vinic, ayan talel muc'tiquil lumetic yu'un ti Diose yo' ta xnaqui ta sjoylej banomil. Ja snopoj stuc bu ta xac' naquiuc xchi'uc c'u sjalil ta xcuxiic yu'un.

Deuteronomio 19:11

“Ja'uc le' une, mi oy jun vinic ti contra ta xil ti xchi'il ti tsac xut ta milele, ti ts'acal to ta xjatav batel ta junuc ti pojobbail jteclume,

Deuteronomio 19:12

va'i un, ti moletic yu'un ti jteclume ta xalic mantal ti ac'o yich' tsaquele, ti ac'o yaq'uic ech'el ta stojol yuts' yalal ti animae, yo' ta xc'ot ta pasel ta xchapaj sc'oplal ti ta xich' milele.

Jueces 9:56

Ja' jech tojbat yu'un Dios ti Abimelec ti spajebal xa o chopol ti c'usi laj spas ta stojol stote, ti laj smil ti lajuneb xchanvinic (70) ta vo' ti xchi'iltac ta voq'uele.