Génesis 9:10 - Bible in Tzotzil de Chamula

¹⁰ xchi'uc ta stojol scotol ti chon bolometic oy ta atojolic xi s'elan loq'uic talel ta barcoe, ti mutetique, ti ts'unbolal chon bolometique, ti te'tical chon bolometique, xchi'uc scotol ti c'usiuc xa no'ox chanul ta banomile.

Bible in Tzotzil de Chenalhó with Deuterocanon

¹⁰ xchi'uc scotol li chonbolometic laj achi'inic ta barcoe ti co'ol laloq'uic achi'uquique: ja' li mutetique, li chonbolometic ti stac' ts'unele, xchi'uc ti mu stac' ts'unele, xchi'uc ta scotol li c'usiuc no'ox chonbolometic oy ta banamile.

Génesis 9:10 Iomraidhean Croise

Génesis 8:1

Va'i un, ti Diose laj svules ta yo'nton ti c'usi yaloj ta stojol ti Noee, xchi'uc ta stojol scotol ti chon bolometic ti jmoj ochemic ta barcoe. Jech xtoc un, laj yac' taluc jumetel ic' ta banomil. Jech ti vo'e naca sta lic uluc yalel.

Génesis 8:19

Ja' jech xtoc loc' scotol ti ts'unbolal chon bolometique, ti te'tical chon bolometique, ti c'usi xquilet ta banomil ta xanavique, xchi'uc ti c'usitic ta xvilique.

Génesis 9:11

Yu'un xi s'elan ti jtrate mu xjel ta atojolique: Mi ja'uc xa ta jtubbe sts'unubal yan velta ta nojel ta vo' ti viniquetique xchi'uc ti chon bolometique. Mi ja'uc xa ta xtal nojel ta vo' yan velta ta soquesel ti banomile.

Génesis 9:9

“A'yio ava'iic tana li' une, ti jtratee j'ech'el ta xcom o ta atojolic xchi'uc ta stojol ti anitilultaque,

Salmos 145:9

Oy slequil ti Dios ta stojol scotole, ta xc'uxul yo'nton ta sq'uel ta xchabi ti yabteltaque.

Oseas 2:20

Ta xajbisot lec ta jnup jchi'il, ti tuc' jol co'nton ta atojole, jech ti vo'ot une ta xlic avojtiquinun ti Avajvalune.

Jonás 4:11

Le' ec une, x'ech' to sc'oplal ta xca'i ta xc'uxubaj co'nton yu'un ti muc' ta jteclum Nínivee, ti x'ech' to ta vacvinic ta mil (120,000) ololetic ti mu to xa'ibeic smelol ti osil banomile, xchi'uc ti epal chon bolometique.”