Génesis 9:1 - Bible in Tzotzil de Chamula

¹ Xi laj yal ti Dios c'alal laj sts'uiltas ti Noee xchi'uc ti xnich'nabe: “Epajuc avalab, anich'nabic. Bolanic ta banomil.

Bible in Tzotzil de Chenalhó with Deuterocanon

¹ Li Diose laj yac'be bendición li Noé xchi'uc xnich'nabe. Jech laj yalbe: “Bolanic, epajanic; nojesic li banamile.

Génesis 9:1 Iomraidhean Croise

Génesis 1:22

Ja' yu'un un, xi s'elan laj sts'uiltas ti c'usiticuc chanul laj smeltsane: “C'otuc ta pasel ti ta xaboles abaic liquel ta j'ech'ele. Nojesic ti nabetique. Epajuc ta j'ech'el ti mutetic ta banomil xtoque.”

Génesis 1:28

Va'i un, xi laj sts'uiltase: “Epajuc avalab anich'nabic; nojesic sjunul ti banomile, ventainic ta stuc'ulanel; ochuc ta be avu'unic ti choyetique, ti mutetique, xchi'uc scotol ti chonetic ti xquilet ta xanave.”

Génesis 10:32

Scotolic taje, ja' snitilultac yalab xnich'nab ti Noee, ti c'u s'elan lic boluc batel ti snitilulique, ti slec-lecoj ti yosil sbanomilique. Tanijic batel ta sbejel banomil ti c'alal ech' xa ox ti nojel ta vo'e, c'otic ta muc'tiquil lumetic ta sjoylej banomil.

Génesis 2:3

Va'i un, laj sts'uiltas ti yucubal c'ac'ale, yu'un laj yal ta jamal ti ja' jun ch'ul c'ac'ale. Yu'un ti jech c'ac'al taje, ja' o laj xcux ta sventa scotol ti yabtel laj smeltsane.

Génesis 24:60

Xi s'elan spatobil yo'nton laj yalbeic batel ti Rebeca: “Ti vo'ote, jchi'il ta voq'uel, me'ilucot c'otan yu'un ep ta millon. Cuchuc yu'unic ta yu'ninel slumalic yajcontraic ti anitilultaque.”

Génesis 35:11

xi albate: “Vu'un Diosun ti scotol xu' cu'une; ta xcac' epajuc anich'nabtac xchi'uc anitilultac. Ta aventa vo'ot ta xlic ayanuc muc' ta lum xchi'uc epal jteclumetic, ta sventa ti anitilultaque, ta xlic ayanuc talel ajvaliletic.

Génesis 8:17

Loq'uesano talel xtoc scotol ti chon bolometic xi s'elan jmoj oyoxuc xchi'uque: ti mutetique, ti ts'unbolal chon bolometique, ti xquilet ta xanav ta banomile. Ac'o tanijicuc batel ta sbejel banomil yo' jech xc'uletic no'ox ta sbejel banomil.”

Génesis 9:19

Ti oxvo' xnich'nab Noé taje, ja'ic lic sbolesic banomil yan velta xchi'uc ti snitilultaque.

Génesis 9:2

Scotol ti chon bolometic ti oyic ta banomile, mu ech'bajuc axi'elalic ta xa'iic. Yu'un scotol ti c'usitic sna' xvilique, ti oyic ta nabe, oy ta avoc ta ac'obic c'usi xac'an ta xapasbeic ta stojole.

Génesis 9:7

Ja' yu'un un, ti vo'oxuque, epajuc ti avalab anich'nabique, boluc ti banomil avu'unic xchi'uquique.”

Salmos 112:1

Jun yutsil ta j'ech'el ma' ti Dios une. Xmuyubaj ma' ti buch'u sna' xi'ta ti Diose, ti ta xc'ot ta yo'nton ti smantaltaque.

Isaías 51:2

Ma'uc no'ox un, a'yibeic sc'oplal ti Abraham ti totil avu'unique, xchi'uc ti Sara ti la'ayanic talel ta stojole. C'alal laj jta ta iq'uele, xch'ul tuc ta banomil. Ja'uc le' une, laj jva'an jba ta stojol. Mu no'ox albajuc yepal laj cac'be ti snitilultaque.