Génesis 7:7 - Bible in Tzotzil de Chamula

⁷ Ti Noee och batel ta barco jmoj xchi'uc ti xnich'nabe, ti yajnile, ti yalibtaque yo' jech ta spoj sbaic yu'un ti nojel ta vo'e.

Bible in Tzotzil de Chenalhó with Deuterocanon

⁷ Te i'och ta barco li Noee xchi'uc yajnil xnich'nab, xchi'uc yalibtac, yu'un jech mu xlajic ta pulel ta vo'.

Génesis 7:7 Iomraidhean Croise

Génesis 6:18

Ja'uc ti vo'otique, ta xcac' jtrate ta atojol, ti jmoj ta xa'ochic batel ta barco xchi'uc ti anich'nabe, ti avajnile, ti avalibtaque.

Génesis 7:1

Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

Proverbios 22:3

Ti buch'u xa'i sbae mu stic' sba ta spasel ti bu xi'bal sba ta xile; ti buch'u mu xa'i sbae, xvelet no'ox batel ta sa'el ti yuni vocole.

San Mateo 24:38

C'alal mu'yuc to ox xtal ti nojel ta vo'e, ti jnaclejetic ta banomile, ja' no'ox batem ta yo'ntonic ti ve'el uch' vo'e xchi'uc ti nuplij tsaclijele. Ja' jech laj spasolanic o ja' to c'uxi och batel ta barco ti Noee.

San Lucas 17:27

Yu'un batem yo'ntonic ta ve'el, ta uch' vo', ta xic'an sbaic, ta xaq'uic ta nupunel ti yalab xnich'nabique. Jech ta spasolanic c'alal c'ot yorail och batel ta barco ti Noee. Tal ti nojel ta vo'e, cham scotolic.

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.

1 Pedro 3:20

Ti ch'ulelaletic taje, ja'ic ti buch'utic laj stoy sbaic ta vo'ne c'alal cuxul to ox ti Noee, c'alal ti Diose sjunul yo'nton smalaoj ti ac'o yicta sbaic ta spasel ti c'usi chopole, c'alal yacal ta smeltsan barco ti Noee. Yu'un oy no'ox vaxacvo' ta scotol ti colic loq'uel ta nojel ta vo'e.

2 Pedro 2:5

Ja' jech xtoc ti jnaclejetic ta vo'nee, mu'yuc ono'ox bu xch'aybat smulic yu'un ti Diose. Laj stacbe talel nojel ta vo' ta stojolic ti chopol jnaclejetic ta banomile. C'ajomal no'ox laj scolta ti Noee, ti buch'u laj yalbe sc'oplal ti lequil tuq'uil xcuxlejale, xchi'uc ti yan vucvo'e.