Génesis 7:11 - Bible in Tzotzil de Chamula

¹¹ Ta yuclajunebal (17) c'ac'al yu'un ti xchibal ue, ja' o ts'aqui vaquib ciento (600) jabil xch'iel sc'opojel ti Noee. Ta yorail ti jech c'ac'al taje, ja' o lic t'omanuc talel yoctac ti nab oy ta olone, xchi'uc laj jamanuc talel sti'tac ti vinajel ti oy ta ac'ole.

Bible in Tzotzil de Chenalhó with Deuterocanon

¹¹ Ja' ta svuclajunebal (17) c'ac'al yochel li xchibal ue, vaquib xa'ox ciento (600) jabil yich'oj li Noee. C'alal ja'o jech c'ac'ale, lic t'omanuc loq'uel tal vo'etic ta banamil xchi'uc ta yut nabetic. Xchi'uc ijam li vinajele, jech pulbil no'ox iyal tal li vo' ta vinajele.

Génesis 7:11 Iomraidhean Croise

Génesis 1:7

Va'i un, ti Diose laj smeltsan ti c'usi cotcote, ti xi s'elan laj xch'ac sba ti vo'etique: ti jlome com ta yolon. Ti jlome bat ta yac'ol ti c'usi cotcote.

Génesis 6:17

Yu'un ta xcac' taluc nojel ta vo' yo' jech ta smut'i ti banomile, ti ac'o tubuc sc'oplal scotol ti c'usi cuxajtic ti oy ta sjoylej banomile. Scotol ti c'usitic cuxul ta banomile ta xcham.

Génesis 7:6

C'alal noj ta vo' ti banomil yu'un ti nojel ta vo'e, yich'oj xa vaquib ciento (600) jabil ti Noee.

Génesis 8:14

C'alal sta xa ox ti vucub xcha'vinic (27) c'ac'al yu'un ti xchibal ue, lec xa taquin com ti banomile.

Génesis 8:2

Va'i un, lic macuc bu c'otemic ta t'omel yoc ti natil nabe. Mac xtoc butic xcopet no'ox ta xyal talel ta vinajel. Ch'ab xi xchajet ti vo'e.

2 Reyes 7:19

Ti laj stac'be j'alc'op ti j'opisiale, ac'o mi sjam talel ti' vinajel ti Diose, mu ja'uc xc'ot ta pasel ti xie. Ti tac'bat yu'un ti Eliseoe, ti ta xil ta sba ta sate, ti mu'yuc ta stunes ta slajese,

2 Reyes 7:2

Ti yajcoltaobba stuc ti ajvalile xi laj stac'be ti j'alc'ope: —Ac'o mi ta sjam talel sti' vinajel ti Diose, mi ja'uc ta xc'ot ta pasel ti va'i s'elan ta xavale. Ja'uc ti Eliseoe xi laj staq'ue: —Ma' taje, ta xavil ta aba ta asat, ti mu ja'uc xa ta xatun ta xalajes une.

Job 12:15

Mi ta spajes ti mu xac' taluc ti vo'e, ta xtaquij scotol; mi ech'em no'ox ta xac' taluque, ta xmut'ij ti banomile.

Job 28:4

Xt'uyet ta jbej ch'ojon ta sjom ta sa'el ti minax ti bu sts'ijlajane, ti mu'yuc xa buch'u junuc ta x'ech'e, ti nom to xil ti jteclume.

Job 38:16

¿Mi oy bu c'otemot ta sq'uelel ti natil xa'ab ti mu stac' a'yeluc c'usi ta alel yu'un ti bu stsobojan sba yoc ti muc' ta nabe?

Job 38:37

¿Buch'u xa ono'ox jelavem sbijil ta j'ech'el ti sna' c'u yepal oy ti toque? ¿Buch'u xu' yu'un ta sjambe yoc ti ta xac' taluc ti vo'e,

Salmos 33:7

Ta stsob ta jmoj ti vo'etique; ta xc'ot ta jun muc'ul nab yu'un.

Salmos 74:15

Ta aventa, laj tucuc talel ti sat vo'etique, ti uc'umetique, ti ta aventa c'ot ta taquijel avu'un ti mu albajuc smuc'tiquil ti uc'ume.

Proverbios 3:20

Ti laj xch'ac sba yu'un ti nabe, ti ta xac' job ac'ubal ti toque, ta sbijil no'ox.

Isaías 24:18

Mi col to yu'un ti jnutsvaneje, ta xbaj ochel ta jun ch'en. Mi loc' to ech'el ta ch'ene, ch'ambil ta xc'ot ta pets'. Banomilal vo' ta xtal ta vinajel. Ta xnic yoyaltac ti banomile.

Isaías 24:19

Mu no'ox albajuc ta xnic ta xc'uy ta j'ech'el ti banomile, ti ta xjav ta j'ech'ele.

Jeremías 5:22

Ti vu'un Diosune xichi ta xcale: ¿Mi mu van xaxi'taicun xana'? ¿Mi mu van xlic nicnunanic ta jba ta jsat xana'? Vu'un jchapanoj ti jamal yi'tic bu c'alal xyuq'uet ta x'ech' ti nabe. Ti nabe mu xjelav ti bu c'alal spajeb albile. Ti syuc'benaltaque xvo'o'et no'ox ti stselte-tselte talele, mi ja'uc ta xjelav ti bu ono'ox ta x'ech'e.

Jeremías 51:16

Ti jech xc'avluj to ti sc'opojel jech c'u cha'al ti chauque, xyuc'lij to ti vo' ti oy ta vinajele. Xva'et no'ox muyel ti toc yu'un ta jujujot xchiquin ti banomile. Xjaplajet no'ox yu'un ti sac tsel ti c'alal xyaquet ta xac' ti vo'e. Ta xt'om talel yu'un ti ic' ti bu nac'al yu'une.

Ezequiel 26:19

“Ti vu'un Diosune xi ta xcale: Lilijem ta xacom cu'un jech c'u cha'al yan lum ti mu junuc yajval nacal tana le'e. Ta xcac' que jti' smut'iucot yalel ti natil nabe.

Malaquías 3:10

Ti jun ta jujun lajlajunebe, ich'ic talel ta sq'uejobil ti oy ta ch'ulnae. Ja' to jech oy lec c'usi ta tunel ta lajesel ti ta jnae. Ac'beicun ta jba, ja' to ta xavilic mi mu'yuc ta jam talel ti vinajele, ti spajeb xa no'ox yutsil ta xvul ta atojolic ti c'uxubinele.

San Mateo 24:38

C'alal mu'yuc to ox xtal ti nojel ta vo'e, ti jnaclejetic ta banomile, ja' no'ox batem ta yo'ntonic ti ve'el uch' vo'e xchi'uc ti nuplij tsaclijele. Ja' jech laj spasolanic o ja' to c'uxi och batel ta barco ti Noee.

1 Tesalonicenses 5:3

Yu'un ti c'alal xi ta xalic ti jnaclejetic ta banomile: “Lamajem c'op, mu'yuc xi'el, lec oy scotol”, ja' o ta jech yepal ta xtal ti tsots vocol ta stojolic jech c'u cha'al junuc ants ta ora no'ox stsic'luj xc'uxul ti yole, mi junuc oy buch'u ta xcol.

2 Pedro 3:6

Ti lum banomil ta vo'nee, tub sc'oplal ta sventa ti tal ti nojel ta vo'e.