Génesis 7:1 - Bible in Tzotzil de Chamula

¹ Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

Bible in Tzotzil de Chenalhó with Deuterocanon

¹ Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

Génesis 7:1 Iomraidhean Croise

Génesis 6:18

Ja'uc ti vo'otique, ta xcac' jtrate ta atojol, ti jmoj ta xa'ochic batel ta barco xchi'uc ti anich'nabe, ti avajnile, ti avalibtaque.

Génesis 6:9

Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

Génesis 7:13

Ta yorail ti jech c'ac'al taje, ja' o och batel ta barco ti Noee xchi'uc ti xnich'nabe, ja' ti Seme, ti Came, ti Jafete, xchi'uc ti yajnile, xchi'uc ti oxib yalibe.

Génesis 7:7

Ti Noee och batel ta barco jmoj xchi'uc ti xnich'nabe, ti yajnile, ti yalibtaque yo' jech ta spoj sbaic yu'un ti nojel ta vo'e.

2 Samuel 22:24

Tuc' jol co'nton ta stojol; laj quicta jba ta spasel ti c'usi chopole.

Proverbios 10:9

Ti buch'u mu'yuc c'usi chopol spasoje, mu'yuc xi'el ta xa'i, ja'uc ti buch'u chopol stamoj batele, ta scoj xchopolal ta sta svocol xchi'uc.

Proverbios 14:26

Ti xi'tabil ti Diose, j'ech'el oy patob o'ntonal ti mu'yuc c'usi xal o'ntonal xchi'uc ti alab nich'nabe.

Proverbios 18:10

Ti buch'u oy slequilique ta sa' spojelic ta jun tsatsal toyol luchlebal ti ja' stuc ti Diose.

Ezequiel 14:14

Ti nacalicuc ti Noee, ti Daniele, ti Job ti ta jteclum taje, c'ajomal no'ox ta xcolic ti oxib taje, ti oy slequil yutsilique. Ti vu'un Ajvalilune, mu me lo'iluc no'ox ta xcal.

Sofonías 2:3

Sa'ic ti Dios acotolic ti vo'oxuc ti biq'uit avac'oj abaic li' ta banomile, ti buch'utic ta xch'unbeic ti smantaltaque. Nijil chimil xavac' abaic, lecuc ti c'usi ta xapasique, xu' to nan ta xataic ti pojel coltael c'alal ta xc'ot sc'ac'alil ti ti'em capem sjol ti Diose.

San Lucas 1:6

Xchibalic staojic ti lec x'ileic yu'un ti Diose, xch'unojic lec ta spasel mantal xchi'uc ti oy c'usi tsots sc'oplal albil yu'un ti Diose, ti mu'yuc buch'u jun sa'bun ti smulique.

San Lucas 17:26

Ti c'u s'elan laj spasic ti jnaclejetic c'alal cuxul to ox ti Noee, ja' no'ox jech s'elan ti jnaclejetic c'alal ta xicha'sut talel ti vu'un co'ol j'elantique.

Hechos 2:39

Yu'un ti va'i yelanil albil ti sc'oplal taje, c'otem ta aventaic xchi'uc ti avalab anich'nabique, ta sventa scotolic ec ti buch'utic nom oyique. Ti xcaltique, ta sventa scotolic ti buch'utic oy sc'oplal ta xtaeic ta iq'uel yu'un ti Cajvaltic Diose.

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

1 Pedro 3:20

Ti ch'ulelaletic taje, ja'ic ti buch'utic laj stoy sbaic ta vo'ne c'alal cuxul to ox ti Noee, c'alal ti Diose sjunul yo'nton smalaoj ti ac'o yicta sbaic ta spasel ti c'usi chopole, c'alal yacal ta smeltsan barco ti Noee. Yu'un oy no'ox vaxacvo' ta scotol ti colic loq'uel ta nojel ta vo'e.