Génesis 6:9 - Bible in Tzotzil de Chamula

⁹ Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

Bible in Tzotzil de Chenalhó with Deuterocanon

⁹ Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

Génesis 6:9 Iomraidhean Croise

San Lucas 1:6

Xchibalic staojic ti lec x'ileic yu'un ti Diose, xch'unojic lec ta spasel mantal xchi'uc ti oy c'usi tsots sc'oplal albil yu'un ti Diose, ti mu'yuc buch'u jun sa'bun ti smulique.

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

2 Pedro 2:5

Ja' jech xtoc ti jnaclejetic ta vo'nee, mu'yuc ono'ox bu xch'aybat smulic yu'un ti Diose. Laj stacbe talel nojel ta vo' ta stojolic ti chopol jnaclejetic ta banomile. C'ajomal no'ox laj scolta ti Noee, ti buch'u laj yalbe sc'oplal ti lequil tuq'uil xcuxlejale, xchi'uc ti yan vucvo'e.

Génesis 7:1

Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

Génesis 5:24

Ti jech jun yo'nton cuxi xchi'uc Dios ti Enoque, oy jun c'ac'al, sac ch'ay batel, yu'un iq'ue batel yu'un ti Diose.

Gálatas 3:11

Ja' yu'un un, ma'uc ma' ti mu'yuc xcuchoj smul ti buch'utic ja' no'ox xch'unoj ta spasel ti c'usi ta xal ti oy c'usi tsots sc'oplal albile, yu'un xi ta xal ti ch'ul c'ope: “Ti buch'u ch'abal smul ta xquile, ja' no'ox ti buch'u c'otem ta yo'nton ta xch'unele, jech ta xcuxi o.”

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 5:22

Ti Enoque jun yo'nton cuxi xchi'uc ti Diose. Cuxi to batel vo'lajunvinic (300) jabil ti c'alal voq'uem xa ox ti Matusalene. Laj to yil squerem stsebtac.

Ezequiel 14:14

Ti nacalicuc ti Noee, ti Daniele, ti Job ti ta jteclum taje, c'ajomal no'ox ta xcolic ti oxib taje, ti oy slequil yutsilique. Ti vu'un Ajvalilune, mu me lo'iluc no'ox ta xcal.

Job 1:1

Ti ta yosilal jteclum Uze, nacal jun vinic ti sbiinoj Jobe, ti lec stuc'ulanoj sbae. Lec ti xcuxlejale. Jun lequil yajtunel Dios ti xchabioj sbae, ti mu'yuc buch'u oy c'usi chopol ta spasbee.

Génesis 2:4

Taje, ja' jech s'elan sc'oplal meltsaj ti vinajele xchi'uc ti banomile. C'alal meltsaj yu'un vinajel xchi'uc banomil ti Dios ti ja' Ajvalile,

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.

Eclesiastés 7:20

Ti li' ta banomil une, mu'yuc ono'ox ma' ti oy buch'u junuc lec tuc' ta x'ech'e, ti lec ta spas sbae, ti mu jutebuc ta sta ti smule.

Hechos 10:22

Xi laj staq'uic ti viniquetique: —Tacbiluncutic talel yu'un ti banquilal soldado Cornelioe, jun lequil vinic ti xi'taoj ti Diose, ti lec sc'oplal yu'un ti israeletique. Albat yu'un jun yaj'ánjel Dios ti ac'o avich' iq'uel batele yo' ta xabat ta sna yo' ta xa'i ya'iic ti c'usi ta xavalbee.

Ezequiel 14:20

ti nacalicuc ti Noee, ti Daniele, ti Jobe, mu'yuc c'usi xut ta spojic ti yalab xnich'nabique. C'ajomal no'ox stuc ta xcolic ti oy slequil yutsilique. Ti vu'un Ajvalilune, j'ech'el ta jva'an jba.

Job 1:8

Va'i un, xi albat yu'un ti Diose: —¿Mi mu atuc'ulanojuc lec ti cajtunel Jobe? Mu'yuc xa yan jech ta banomil, ti yutsil yo'nton ta xac' sba ta tunel ta jtojole, ti xchabioj sba ta spasel ti c'usi oy yutsile, ti stuc'ulanoj sba leque, ti mu'yuc buch'u oy c'usi chopol ta spasbee.

Romanos 1:17

Yu'un ti lequil ach' c'ope, xi s'elan ta xac' ta na'el ti c'u s'elan ta tael ti lec xij'ile yu'un ti Diose: Ti buch'u staoj yav c'otem ta yo'nton ta xch'unel ti tubbil ti smule, lec x'ile. Yu'un ti ts'ibabil ta ch'ul c'ope xi ta xale: “Ti buch'u tuc' yo'nton ta xquile, ja' no'ox ti buch'u c'otem ta yo'nton ta xch'unele, jech ta xcuxi o.”

San Lucas 23:50

Oy jun vinic tuc' sjol yo'nton, ti José sbie, ti liquem talel ta jteclum Arimatea ti oy ta yosilal ti Judea banomile, va'anbil ta jchapanvanej yu'un ti israeletique.

San Lucas 2:25

Ti jech sc'ac'alil taje, oy jun vinic ventainbil yu'un ti Ch'ul Espíritu ti nacal ta Jerusalén, ti sbiinoj Simeone, ti oy slequil yutsil ti yich'oj ta muc' ti Diose, xchi'uc ti smalaoj spojel scoltael ti israeletique.

Habacuc 2:4

Jech xats'iba li'e: Ti buch'utic toj chopolique, xu' no'ox yu'un stuquic ta xa'i sbaic, ja'uc ti buch'u oy stuq'uil sjol yo'ntonique, ta xch'i xc'opojic ti jech jun sjol yo'ntonic xchi'uc ti Diose.”

Proverbios 4:18

Xi s'elan stamojic batel ma' ti buch'u oy stuq'uil yutsile, co'ol s'elan jech c'u cha'al ta xvul ta loq'uel ti xojobal c'ac'ale: ti xtixet no'ox yutsilal ta j'ech'el ja' to c'uxi tixil ti xojobale.

Salmos 37:37

Q'uelo avil, xi sc'oplal ma' ti buch'u oy stuq'uil yutsil ti mu'yuc soquem ti sc'oplale: ta xlic c'otuc ta stojol ti lamajem yo'ntone.

2 Crónicas 15:17

Ac'o mi mu'yuc yich' tubbel scotol ti jujun c'opojebaletic ta Israel ti oy ta toyol vitsetique, ti Asa une jbel yo'nton mu'yuc laj syanijes sba.

Génesis 48:15

Va'i un, xi s'elan yich' c'anbel slequilal ti Josee: “Ti Dios ti Buch'u laj yich'ic ta muc' ti Abrahame, ti Isaac ti jtot jme' laj ech'icuque, ti Dios taje, ja' ti Buch'u laj xchabiun talel c'alal livoq'ue,

Job 12:4

Ac'o mi mu ta scojuc jmul jchopolal ti vi j'elane, ti buch'utic lec xquil jba xchi'uque, c'ajomal no'ox ta stse'inic ta jtojol. Lajem to ta alel yu'unic ma' ti oy bu laj ya'ibun jc'op ti xivocolet ta stojol ti Diose.

1 Reyes 3:6

Ti Salomone xi laj staq'ue: “Mu no'ox albajuc yutsil avo'nton laj ac'uxubin ti David ti jtote, ti yutsil slequil yo'nton laj yac' sba ta tunel ta atojole, ti mu yanuc sjol sbaquile, ti xa'ibe sni' xchiquinal ti ech' ta atojole. Jech o xal ta yutsil slequil avo'nton laj ac'uxubin, ti la'abolaj ti laj avac'be jun xnich'on choti ta pas mantal ti bu to ox chotole jech c'u cha'al c'ot ta pasel avie.

2 Crónicas 25:2

Ti c'usitic laj spas ti Amasiase, lec laj yil ta sba ta sat ti Diose, ac'o mi mu jamaluc ti yo'ntone.

Génesis 10:1

Li'e, ja'ic snitilultac ti Seme, ti Came, ti Jafete, xnich'nabtac ti Noee. Yu'un lic ayanuc yalab xnich'nab stuquic ec c'alal ech' xa ox ti nojel ta vo'e.

Génesis 5:1

Ja' jech xcholet tal sbitac snitilultac ti Adán jech c'u cha'al li'e. C'alal laj smeltsan vinic ti Diose, solel sjunul jech laj sloc'ta ti c'u s'elan oy ti Dios stuque.

Génesis 6:10

Ti Noee laj yil oxib xnich'nab, ja'ic ti Seme, ti Came, ti Jafete.

Deuteronomio 18:13

Yu'un ti vo'oxuque, tsotsuc sc'oplal c'otuc ta pasel avu'unic ti j'ech'eluc junuc avo'ntonic ti lecuc xavil abaic xchi'uc ti Diose.

2 Samuel 22:24

Tuc' jol co'nton ta stojol; laj quicta jba ta spasel ti c'usi chopole.

Salmos 37:39

Scoltaelic ti buch'u oy slequil yutsilique, ta xlic talel ta stojol ti Diose, c'otem ta spojobbailic c'alal yorail ta xc'ot ta pasel ti xi'bal sbae.