Génesis 6:6 - Bible in Tzotzil de Chamula

⁶ Jech o xal un, laj xcha'na' ti laj smeltsan ti vinique. Mu ts'icbaj laj ya'i.

Bible in Tzotzil de Chenalhó with Deuterocanon

⁶ Li Muc'ul Diose toj vocol laj ya'ay, yu'un altic no'ox la spas cristianoetic ta sba banamil.

Génesis 6:6 Iomraidhean Croise

Isaías 63:10

Ja'uc le' une, lic stoy sbaic ta stojol ti Diose. Laj scontrainbeic ti xch'ul lequilale. Joybij ta scontraic. Lic tsacaticuc ta leto yu'un un.

1 Samuel 15:11

—Ta jcha'na' ti laj jva'an ta ajvalilal ti Saule. Mu'yuc ta xc'ot ta pasel yu'un ti c'usi calojbee. Laj xch'ac sba ta jtojol. Mu xa x'ech' ta xa'i ti Samuele, ti sjunul ac'ubal xvocolet ta stojol ti Diose.

Efesios 4:30

Mu xavaq'uic ta at o'nton Xch'ul Espíritu ti Diose, yu'un ja' aselloalic svinajeb ti c'otemoxuc xa ta yu'un ti Diose, ti ta ono'ox xacolic c'alal mi sta ti sc'ac'alile.

Hebreos 3:10

Jech o xal un, li'ilin yu'un ti jvoc' jch'iel jc'opojeletic taje, ti xi laj cale: ‘J'ech'el ch'acal yo'ntonic ta jtojol, yu'un mu sc'an stamic ti jbe bu jtamoj batele.’

1 Samuel 15:29

Yu'un ti Diose, ja' yutsil slequilalic ti Israele, jbel xc'opoj. Mi ja'uc sna' sutes sba. Mu xco'olaj jech c'u cha'al jeche' vinicuc no'ox ti xlic xcaj no'ox ti c'usi ta snope.

2 Samuel 24:16

C'alal ti ánjel ta xa x'och ta slilin ti Jerusalene, mu lecuc laj ya'i ti Dios ti jech ta spase, ti xi laj yalbe mantal ti ánjel ti ochem ta slilin ti lume: “¡Pajeso xa aba, ch'an xa uto!” Yu'un ti yaj'ánjel Diose xyaquet xa bu ta smaj trigo ti Arauna ti ja' jebuseoe.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

Jonás 3:10

Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

Joel 2:13

Sutanic talel ta stojol ti Ajvalil Dios avu'unique. Ja' majo ti avo'ntonique, ma'uc xach'i'ic ta jatel ti c'u'ile. Yu'un ti Diose mu albajuc ti syail xc'uxul yo'ntone. Oy sts'iquemal xcuchemal yu'un ta sventa ti xc'uxul yo'ntone. Oy sca'alil xpuxulil ta yaq'uel ti tsitsele.

Éxodo 32:14

Jech ti Diose laj xch'ay ta yo'nton ti jech snopoj xa ox ti ta xch'aybe sts'unubal ti yalab xnich'nabe.

Ezequiel 33:11

Ta jva'an jba ta yalel ti vu'un Diosune, mi jutebuc oy ta co'nton ta xcham ti buch'u mu'yuc xch'ulel xa'i sbae. Ja' ta jc'an ti yictauc sba ta spasel ti bu chopol stamoj batele yo' jech ta xcuxi. Jteclum Israel, ictao ti bu chopol atamoj batele. ¿Mi yu'un aq'ueloj aba ta xacham?’

Jeremías 26:19

“¿Mi yu'un laj smilic Miqueas ya'yel ti ajvalil Ezequiase, xchi'uc scotol ti jteclum Judae? Yu'un c'ajomal xi ma' ti c'ot ta pasele: ti ajvalile lic xi'ta ti Diose. Laj sc'anbe ti ayanuc syail xc'uxul yo'nton ta stojolique. Ti Diose mu'yuc stac talel ta stojolic ti cuxul ilbajinel ti caj'albil xa ox sc'oplale. ¿Mi yu'un sta o ti cajal ta xc'ot ta jbatic ti muc' ta mulil taj une?”

1 Crónicas 21:15

Ti Diose laj stac talel jun ánjel ta stsutsesel ti jnaclejetic ta Jerusalene. Ja'uc le' une, c'alal xyaquet xa ta stsutses ta j'ech'ele, ti Diose c'uxubaj yo'nton. Toj abol sba laj yil ti jech ta xac'be ti svocole, ti xi laj yalbe ti laj spajes ti ánjel yacal ta xmilvane: “¡Xu' xa, pajeso aba!” Ta yorail taje, ta xa xc'ot ti ánjel ta sts'el smajob trigo ti jebuseo vinic ti Ornán sbie.

Isaías 48:18

¡Ati lajuc avac' ta venta ti c'u s'elan laj cale, lec ma' ti jechuc une! Ti alequilal avutsilale, c'ot jech c'u cha'al ta xanav yoc ti uc'um jechuque. Ti c'usitic ta xtun avu'une, c'ot jech c'u cha'al ya'lel nab ti xva'i xcoti no'ox ta beinel jechuque.

Salmos 106:45

laj svules ta sjol ti strate spasoj ta stojolique. Laj sjel ti c'u s'elan snopoj oxe, yu'un xi s'elan yepal ta j'ech'el ti syail xc'uxul yo'ntone:

1 Samuel 15:35

Ti Samuele ta j'ech'el mu xa bu laj yilbe sat ti Saule, ac'o mi ep laj svul yo'nton yu'un ti jbel laj yal ti Dios ti ma'uc xa ajvalil yu'un Israel ti Saule.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.

Deuteronomio 32:29

Yan ti yu'unuc oyuc sbijilique, ta xa'ibeic xchiquinal, ta xa'ibeic stuq'uil ti bu ta xc'otic ta loq'uel ti jechuque.

Deuteronomio 5:29

Ma' taj une, mu'yuc xa stijelic ta c'op ta j'ech'el ti buch'u ta snop ti va'i s'elan taje, ti ta xiyaq'uicun ta ich'el ta muq'ue, ti scotol ta xc'ot ta pasel yu'unic ti jmantaltaque. Jech ti stuquique, xchi'uc ti xnich'nabique, ta staic ti mu'yuc xa c'usi sna'ic ta xch'i xc'opojique.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

Hebreos 3:17

¿Buch'utic xcaltic ya'yel taje ti ilinem ti Dios ta stojolic ti cha'vinic (40) jabil sjalile? Ja'ic ti buch'utic laj sa'ic ti smulique, ti ta jech to yepal cham lajic ta xocol banomile.

Malaquías 3:6

“Ti vu'un Diosune, mi jutebuc jyanijesoj jba. Ti vo'oxuc snitiluloxuc ti Jacobe, mu'yuc to laj avich'ic tsutsesel.

Oseas 11:8

“¿C'usi ta xcut ta jipot comel ta co'nton, Efraín? ¿C'usi ta xcut ta jtenot comel, Israel? ¿Mi yu'un xu' ta jlilinot jech c'u cha'al laj jtsutses ti jteclum Admae? ¿Mi yu'un xu' jech ta jpas ta atojol ec jech c'u cha'al laj jpasbe ti jteclum Zeboime? Xtal xbat ti co'nton avu'un ta xca'ie. Yu'un mu'yuc spajeb ti syail xc'uxul co'nton ta atojole.

Salmos 119:158

Mu ts'icbaj ta xca'i yu'unic ti j'ac'vanejetic ta milel ti mu xich'ic ta muc' ti amantaltaque.

Salmos 110:4

Ti Diose xi laj sva'an sba ta yalel ti mu sutes ti ye sti'e: “Paleot sbatel osil jech c'u cha'al ech' ti Melquisedeque.”

Salmos 95:10

Cha'vinic (40) jabil li'ilin ta stojolic ma' taje, ti xi laj cale: ‘Yan ta j'ech'el bu stamojic batel ti jnaclejetic li'e; mu xch'unic ma' ti jmantaltac une.’

Salmos 81:13

Ti lajuc xchiquinta jc'op ti jteclumale, ti j'ech'eluc st'unoj batel ti Israel ti bu jtamoj batele,

Salmos 78:40

Yepal no'ox laj sbaj laj stenic ti Diose; laj soquesbeic yo'nton ti ta sbajtical banomile.

Romanos 11:29

Ti c'u s'elan loc' ayan ta yo'nton ti Dios ta xaq'ue, mu spoj sutel, mi ja'uc laj xa xcha'na' ti buch'utic laj yic' talele.

Génesis 6:7

Va'i un, xi lic yale: “Ta jch'aybe sts'unubal ta banomil ti vinic ti laj jmeltsane, xchi'uc scotol ti ts'unbolal chon bolometique, xchi'uc ti c'usi xjochet ta xanavic ta banomile, xchi'uc ti mutetique. ¡Jcha'na' xa ti laj jmeltsanique!”

Jeremías 18:7

Mi lic xi jol ta xch'ubaele, ta jliquel no'ox lomem lilijem cu'un ti muc' ta lume, mi ja' ti ajvalile.