Génesis 6:3 - Bible in Tzotzil de Chamula

³ Ti Diose xi laj yale: “Ti vinique, mu me li'uc ta sts'un o yi'bel ti xch'iel sc'opojele. Yu'un ti stuque, lum ach'el no'ox. Ja' no'ox ta xcac' cuxiuc vacvinic (120) jabil.”

Bible in Tzotzil de Chenalhó with Deuterocanon

³ Li Muc'ul Diose jech laj yal: “Mu xcac' ti toj jal chcuxiic li cristianoetique yu'un oy sbec'talic, jech ja' xa no'ox ta xcac' cuxiicuc vacvinic (120) jabil”, xi.

Génesis 6:3 Iomraidhean Croise

Génesis 6:2

Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique.

Nehemías 9:30

Jal jabil laj ats'icbeic, ti laj acaj-bijubtas ta sventa ti abijile, xchi'uc ta sventa ti avaj'alc'optaque. Mi ja'uc laj yaq'uic ta venta. Jech o xal laj avac' ta c'abal ti tsalbil c'otic yu'un ti muc' ta lume.

Salmos 78:39

Ti Diose laj svules ta sjol ti naca lum ach'el no'oxe, ti co'ol s'elan jech c'u cha'al junuc ic' ts'ij xi batele, ti mu xa sut talele.

Salmos 90:10

Lajuneb xchanvinic (70) jabil no'ox ma' ti jch'iel jc'opojelcutique; ta xc'otic ta chanvinic (80) jabil ma' ti buch'u tsots xch'ich'elique; yu'un mi oy to cuxlejal ti ech' xa yorail ti ch'iel c'opojele; naca xa vocol ilbajinel q'uelel talel. J'ech'el no'ox ta xi'ech'cutic jech c'u cha'al anil ta x'ech' ti jujun jabile.

Isaías 5:4

¿Mi oy to c'usi stac' pasbel ti jts'unub uvae? ¿Mi yu'un oy to ti c'usi mu'yuc laj cac'bee? Laj jnop caloj ti chi'ic ta xac' ti sate. ¿C'u cha'al ya'yel un cha'e poj laj yac' sat ti uvae?

Isaías 57:16

Mi ja'uc ta xcalilanbe smul ti jteclumale. Mi ja'uc ti capem jol sbatel osil ta stojolique. Mi mu jechuc ta jpase, ti jnaclejetic ti laj cac'be xch'ulel yanimaique, ta xlic yanijuc yo'nton ta jtojol unbi.

Isaías 63:10

Ja'uc le' une, lic stoy sbaic ta stojol ti Diose. Laj scontrainbeic ti xch'ul lequilale. Joybij ta scontraic. Lic tsacaticuc ta leto yu'un un.

Jeremías 11:11

Ja' yu'un ec un, ta jtac talel ta stojolic ti cuxul j'ilbajinvanej vocol ti mu junuc ta xcole. Ac'o mi x'avetic ta sc'anic pojel, mi ja'uc ta jtac'beic. Ti vu'un Diosune, mu stselbuj ti jc'ope.

Jeremías 11:7

C'alal laj jloq'uesic talel ta Egipto banomil ti amolmuc'totic ta vo'nee, laj ono'ox jcaj'albeic ya'iic ti ac'o xiyaq'uicun ta ventae, ti jech o ta jcaj'alilan talel tana li'e.

Números 11:17

Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

San Juan 3:6

Ti buch'u voq'uem ta sventa ti stot sme'e, stalel no'ox stot sme' yich'ojbe. Ti buch'u voq'uem ta sventa ti Ch'ul Espiritue, yich'ojbe stalel ti Ch'ul Espiritue.

Hechos 7:51

Xi to laj yalilan ti Estebane: —Ja'uc ti vo'oxuque staoj yav mu'yuc ach'ulelic, mu xava'ibeic xchiquinal, pucujineb ti avo'ntonique. Avac'ojbeic yipal ta scontrainel ti Ch'ul Espíritu jech c'u cha'al laj spasic ti jmolmuc'totique.

1 Tesalonicenses 5:19

Mu xamacbeic ta be yabtel ti Ch'ul Espíritu ti ta x'abtej ta atojolique.