Génesis 5:1 - Bible in Tzotzil de Chamula

¹ Ja' jech xcholet tal sbitac snitilultac ti Adán jech c'u cha'al li'e. C'alal laj smeltsan vinic ti Diose, solel sjunul jech laj sloc'ta ti c'u s'elan oy ti Dios stuque.

Bible in Tzotzil de Chenalhó with Deuterocanon

¹ Li'i ja' sbiic li smomnich'nabtac Adane. C'alal lic spas sba vinic li Diose, ja' jech la spas jech chac c'u cha'al stuc.

Génesis 5:1 Iomraidhean Croise

Génesis 10:1

Li'e, ja'ic snitilultac ti Seme, ti Came, ti Jafete, xnich'nabtac ti Noee. Yu'un lic ayanuc yalab xnich'nab stuquic ec c'alal ech' xa ox ti nojel ta vo'e.

Génesis 2:4

Taje, ja' jech s'elan sc'oplal meltsaj ti vinajele xchi'uc ti banomile. C'alal meltsaj yu'un vinajel xchi'uc banomil ti Dios ti ja' Ajvalile,

Génesis 6:9

Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

1 Crónicas 1:1

Snitilultac ti Adane, ja' ti Sete, ti Enose, ti Cainane, ti Mahalaleele, ti Jarede, ti Enoque, ti Matusalene, ti Lameque, ti Noe. Xnich'nab ti Noee, xi s'elan oye: ti Seme, ti Came, xchi'uc ti Jafete.

Eclesiastés 12:1

Ti jch'iel jc'opojelot to tana le'e, vuleso ta avo'nton ti Buch'u laj yac' ach'ulel avanimae yo' to mu ta xc'ot ta atojol ti c'usitic tsots ta xvul ta loq'uele, ti ta xc'ot sjabilal ta xachie: “Laj to sc'oplal ma' ti oy lequil cuxlejal une.”

Eclesiastés 7:29

C'ajomal no'ox xi s'elan ti laj jta ta t'unele: ti Diose, jun yutsil laj smeltsan ti vinique, le' une, laj syanijes xa sba stuc.

San Mateo 1:1

Ti biiletic li'e, ja' sbitac smolmuc'totac ti Jesucristo ti lic talel ta stojol ti Abrahame, ti c'ot ta stojol ti Davide.

1 Corintios 11:7

Ja'uc ti vinique mu xu' ta smac ti sjole, yu'un c'otem ta sloc'obbail Dios ti xtixet no'ox yutsilal ti Dios ta stojole. Ja'uc ti antse xtixet no'ox yutsilal ta stojol ti smalele.

2 Corintios 3:18

Jech ti vo'otique mu'yuc xa smac ti jsatique. Ta xcac'tic iluc yutsilal ti Cajvaltique jech c'u cha'al ta xac' xojobal ti nene. Yacal ta xijc'ot jech c'u cha'al ti Cristoe, yu'un yantic ta xquich'tic batel ti yutsilal slequilale. Taje, ja' yabtel ti Ch'ul Espíritu ta co'ntontic ti jmoj yo'ntonic xchi'uc ti Cajvaltique.

Efesios 4:24

C'u'inic ti ach' cuxlejale jech c'u cha'al oy ta yo'nton ti Diose, ti oy stuq'uile, ti co'ol xchi'uc ti bu ja' melele.

Colosenses 3:10

Yu'un xi s'elan lac'otic xae: laj xa ac'u'inic ti ach' cuxlejale, ti yacal ta x'ach'ub batel ta stael jech c'u cha'al stalel ti Dios ti j'ac'-ch'ulelal xcuxlejal avu'unique, xchi'uc ta yojtiquinel batel ti c'u s'elan ti stuque.

Hebreos 1:3

Yu'un xojobin no'ox yutsilal slequilal ti Dios ta stojole, yu'un ja' stalel stuc Dios oy ta stojol. Ja' jech xtoc ta sventa smuc'ul stsatsal ti sc'ope, sbainoj scotol ti c'usitic oy x'ayane. C'alal laj stub ti jmultique, bat chotluc ta stuq'uil xocon sbats'i c'ob ti Diose.

Hebreos 12:9

Yu'un ti c'alal biq'uitotic to oxe, laj quich'tic tsitsel yu'un ti jtotic li' ta banomile, ja'uc le'e, laj quich'tic ta muc'. ¿Mi ja' xa mu stac' jts'ictic ti tsitsel yu'un ti Ch'ul Diose yo' jech ta jtatic ti jcuxlejaltique?