Génesis 48:1 - Bible in Tzotzil de Chamula

¹ Mu xa jaluc c'ac'al bat, tal albatuc ti Josee ip ta xa'i ti stote. Ja' yu'un un, ti Josee bat sq'uel, xchi'uc yic'oj batel ti cha'vo' xnich'nabe, ti Manasese xchi'uc ti Efraine.

Bible in Tzotzil de Chenalhó with Deuterocanon

¹ Ta jayibuc no'ox c'ac'al ital albatuc José ti ip xa li stote. Li Josee ibat sq'uel li stote. Laj yic' batel li chib xnich'nabe, ja' li Efraín xchi'uc Manasese.

Génesis 48:1 Iomraidhean Croise

Génesis 46:20

Xnich'nab ti José laj yilic xchi'uc ti Asenate, ja' ti Manasese xchi'uc ti Efraine. Voq'uic ta Egipto. Ti Asenat taje, ja' yantsil nich'on ti Potifera pale yu'un ti jteclum One.

Génesis 48:2

C'alal albat ya'i ti Jacob tal q'uelatuc yu'un José ti ja' xnich'one, laj to yac'be yipal, lic chotiuc ta stem.

Génesis 48:5

Ja' yu'un un, ti anich'on Efraine xchi'uc ti Manasese, ti laj voq'uicuc li' ta Egipto c'alal mu'yuc to ox bu ta jtsob jbatic ta jteclum li'e, ja' jmamobtac. Mu yanuc bu liquic talel. Ja' jnich'nabtac jech c'u cha'al ti Rubene xchi'uc ti Simeone.

Génesis 50:23

Laj to yil ayan syial mom, ti smom xa ti Efraine. Ja' jech xtoc laj to yil bise ta jliquesej banomil yu'un xnich'nab smom ti Maquire, xnich'on ti Manasese.

2 Reyes 13:14

Naca tey xa ti Eliseo ta scoj ti tsacbil ta chamele. Va'i un, bat q'uelatuc yu'un ti Joás ajvalil yu'un ti Israele. X'oc'olet xa yicoj ti xi laj yalbee: —¡Tot un cha'e, tot un cha'e, ti co'ol a'elan jech c'u cha'al junuc banquilal jvoc' jpojvanej soldado la'ech' yu'un ti Israele!

2 Reyes 13:20

Cham ti Eliseoe. Laj smuquic. Yantic x'epaj liquel jujun jabil ti j'elec' moabitaetic ta yilbajinel ti muc' ta jteclume.

Job 42:16

Laj taj une, cuxi to batel vucvinic (140) jabil ti Jobe. Laj yil xnich'nab, smamubtac, xnich'nab ti smamubtaque, xchi'uc xnich'nab ti xnich'nab ti smamubtaque.

Salmos 128:6

Aviluc to ta aba ta asat ti amamubtaque, ti ts'ijiluc ti c'op ta Israele.

San Juan 11:3

Jech un, ti cha'vo' antsetique laj staic ta iq'uel ti Jesús ti xi laj yalbeique: —Cajval, ti buch'u lec xavil abaic xchi'uque, ip ta xa'i.

Hebreos 11:21

Ti jech c'otem ta yo'nton ta xch'unel ti Jacobe, c'alal po'ot xa ta xchame, laj yalbe ya'i ta jujun xnich'nab ti Josee ti ta xich'ic slequilal ti Diose, ti ts'uyul xa ta svaxton ti Jacobe, xmuyubaj no'ox c'opoj ta stojol ti Diose.

Josué 14:4

Yu'un snitilultac ti Josuee spasoj sbaic ta cha'voc' totil me'il yu'unique, ja' ti Manasese, ti Efraine. Ja'uc ti levitaetique, mu'yuc x'ac'bat jutebuc xrexto osilic. Ja' no'ox ac'batic jteclumetic ti bu ta xnaquiique, xchi'uc osil ti naca jamal yaxaltic bu xu' ta sbolesic ti xvacaxique, ti xchijique.