Génesis 42:2 - Bible in Tzotzil de Chamula

² Laj yalic ca'i oy trigo ta Egipto. Batanic, ba manic talel trigo jve'tic yo' jech mu xijlajotic ta vi'nal.”

Bible in Tzotzil de Chenalhó with Deuterocanon

² Yu'un ca'yoj ti oy trigo te ta Egiptoe. Ja' lec batanic te ta Egipto; bat manic tal jtrigotic, yu'un jech mu xijcham ta vi'nal”, xi.

Génesis 42:2 Iomraidhean Croise

Génesis 42:3

Ja' yu'un un, ti lajunvo' xchi'iltac ta voq'uel ti Josee, batic ta smanel trigo ta Egipto.

Génesis 43:2

Va'i un, C'alal tsuts xa ox ta ve'el yu'unic trigo xchi'uc yalab xnich'nab ti Jacob ti ay yich'ic talel ta Egiptoe, jech o xal ti Jacobe xi laj yale: —Ba manic talel jutebuc trigo jve'tic yan velta.

Génesis 43:4

Ja' yu'un un, mi ta xatac batel ti anich'one, ta xbat jmancutic talel ti trigoe.

Génesis 43:8

Ti Judae xi laj yalbe Israel ti ja' stote: —Mi ta xac'an ta to xijcuxie, ac'o jchi'incutic batel ti aquereme. Vu'un ta jbain yo' jech ta xibatcutic ta ora. Yu'un mi jech ta jpastique, mu xijchamotic ta vi'nal. Mu xchamic ta vi'nal ti jnich'nabcutique. Mi ja'uc xacham ta vi'nal ti vo'ot eque.

Génesis 45:9

Batanic ta ora bu oy ti jtote. Albeic ya'i jech c'u cha'al li'e: ‘Xi ta xal ti anich'on Josee: Ti Diose laj yac' ochcun ta ajvalil yu'un ti jteclum Egiptoe. La' q'uelun ta ora. Mu xajaliltas aba.

Salmos 118:17

Tselbuj to ma' ti oy sc'oplal ta xichame; quil to ma' ti jch'iel jc'opojel ta yalel c'u s'elan laj spas ti Diose.

Salmos 33:18

Ti buch'u yich'ojic ta muc' ti Diose, ti spatoj yo'ntonic ta sventa ti syail xc'uxul yo'ntone, le'e, chabibilic yo' jech mu xcham xlajic; mu'yuc taqui ti'il ta xa'iic c'alal yorail ti vi'nale.

Isaías 38:1

Ti jech yorail taje, yal ta chamel ti Ezequiase, ti chib sc'oplal xale. Ti j'alc'op Isaías xnich'on ti Amose, bat sq'uel, ti xi laj yalbee: “Ti Diose xi ta xale: ‘J'ech'el ta xacham. Mu xapoxtaj. Alo xa me comel ti mantal ta stojol ti c'u yepal oy ta anae.’ ”

San Mateo 4:4

Ti Jesuse xi laj staq'ue: —Xi ta xal ti sc'op Diose: ‘Ma'uc no'ox ta pan ta xch'i xc'opoj ti vinique. Ta xch'i xc'opoj ta sventa jujubel c'usi ta xal ti Diose.’

Hechos 7:12

C'alal laj ya'i ti Jacob oy trigo ta Egipto banomile, laj stac batel ti xnich'nabtaque, ja'ic ti jmolmuc'totic ta vo'nee, ti sba to velta batique.