Génesis 4:9 - Bible in Tzotzil de Chamula

⁹ Va'i un, ti Diose xi laj sjac'be ti Caine: —¿Bu oy ti avits'in Abele? Ti Cain xtoque xi laj staq'ue: —Mu jna'. ¿Mi yu'un xavac'touc ti vu'un jbainoj ta sq'uele?

Bible in Tzotzil de Chenalhó with Deuterocanon

⁹ Li Muc'ul Diose jech la sjac'be li Caine: —¿Bu oy li avits'in Abele? —xut. —Mu jna'. ¿Me yu'un ja' cabtel ta jchabi li quits'ine? —xi itac'ov.

Génesis 4:9 Iomraidhean Croise

Génesis 37:26

Va'i un, ti Judae xi laj yalbe ya'i ti xchi'iltac ta voq'uele: —¿C'usi ta jtatic o yu'un ti ta jmiltic ti quits'intique, ti ts'ijilotic no'ox yu'un ti xchame?

Génesis 37:32

Ts'acal to un, xi laj stacbeic batel mantal ti stotique: “Laj jtacutic li'e. Q'uelo quic lec, mi ja' sc'u', mi ma'uc sc'u' ti anich'one.”

Génesis 4:10

Xi albat yu'un ti Diose: —¿C'u cha'al jech laj apas le'e? Ti xch'ich'el avits'in ti laj xa amalbe ta banomile, x'avet xa ta xisc'anbun ti ac'o jchapanote.

Salmos 9:12

Ti Diose ta svules ta sjol ti buch'utic oyic ta vocole, mu xch'ay xa'i c'u s'elan xme'inal oq'uic yu'un ti vocole; ta stsits ti buch'utic yabtelinojic ti ilbajinvaneje.

Salmos 9:13

Dios, c'uxubajan ta jtojol un, q'uelo avil c'u s'elan ta xiyilbun jvocol ti buch'u xti'et ti sjolic ta jtojole, tamun loq'uel ti nopol xa oyun ta sti'tac ti lajebal chamebale.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.