Génesis 4:7 - Bible in Tzotzil de Chamula

⁷ Ti lecuc ta xapas abae, xu' xatoy ti asate. C'u stu un, mu jechuc ta xapas. Jech ti mulile smalaoj xa yo' ta xayu'ninot. Manchuc mi jech un, xu' xatsal ti jechuque.”

Bible in Tzotzil de Chenalhó with Deuterocanon

⁷ Me chajel li c'usi chanope, mu xastsalot li sc'ac'al avo'ntone. Pero me mu xajele, li mulile te xa smalaojot yu'un ac'o xastsalot. Pero vo'ot xu' chatsal ti me chac'ane”, x'utat.

Génesis 4:7 Iomraidhean Croise

Génesis 19:21

Xi albat yu'un ti june: —Laj xa ca'i, ja' jech ta jpas jech c'u cha'al laj ac'ane. Mu'yuc ta jtubbe sts'unubal ti jteclum laj avalbun sc'oplal taje.

Génesis 3:16

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

2 Samuel 24:23

Scotol taje, ta xcac'be ti Jcuch abtel ti c'usi ta xtun yu'une. Ma'uc no'ox taje, xi avan ti Araunae: —Lecuc la yil ti Dios ti va'i s'elan ta spas ti Jcuch abtele.

2 Reyes 8:28

Ti Ocoziase laj sco'oltas sjolic xchi'uc ti Joram ti ja' xnich'on ti Acabe yo' jech ta stsaquic ta leto ti Hazael ti ja' ajvalil yu'un Siria ta Ramot ti oy ta Galaade. Ja' no'ox un, ti sirioetique laj syayijesic ti Jorame.

Job 11:14

Mi pets'elot yu'un ti mulile, ictao comel; mu aq'uelojuc no'ox aba ta xavac' ochuc ti c'usi chopol ta anae.

Job 11:15

Jech mu'yuc c'usi xal avo'nton ta xatoy batel asat unbi, mu'yuc c'usi xana', mi ja'uc ta xaxi'.

Job 29:4

C'alal vul talel jch'ulel yu'un ti jch'iel jc'opojele, sbainoj ta xchabiel jna ti Diose.

Job 42:8

Avi tana une, bat vu'lanbeicun ti cajtunel Jobe. Iq'uic batel vuc-cot tot vacax, xchi'uc vuc-cot tot chij, ti ta xachiq'uic ta yac'belun ta sventa ti vo'oxuque. Ja' ta xc'opoj xti'in ti cajtunel Job ta aventaique. Ich'bil ta muc' ta xc'ot cu'un ti sc'opojel sti'inele. Jech o xal un, mu'yuc c'usi chopol ta xc'ot ta atojolic cu'un, ac'o mi ja' xatunic o ti jechuque ta scoj ti mu jamaluc laj avalic jc'oplal jech c'u cha'al laj spas ti cajtunel Jobe.”

Proverbios 18:5

Mu xc'ot o ta lequil jchapanvanejetic ti ja' no'ox ta spacbeic sc'oplal ti buch'u oy smule, ti mu xchiquintabe sc'op ti buch'u mu'yuc smule.

Proverbios 21:27

Ti matanal ta xaq'uic ti buch'u mu'yuc xch'ulel xa'i sbaique, mu lecuc ta xil ti Diose, yu'un ma'uc ta yutsil yo'nton ta xaq'uic.

Jeremías 3:12

Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope.

Jeremías 6:20

¿C'u cha'al yich'eluc talel avu'unic ti pom ti ta xlic talel ta lum Sabae, xchi'uc ti muil poxiletic ti ta xlic talel ta muc'tiquil lumetic ta namal banomile? Ti chic'bil matanaletic avu'unique, mu xal co'nton ta stsaquel yich'el, mi ja'uc ti c'usitic yan ta xich' svocol ta matanale.”

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

Malaquías 1:10

“Ti oyuc la buch'u xu' ta smacbe sti' ti ch'ulnae yo' jech mu ta jeche'uc no'ox ta xich' tilesbel sc'ac'al ti caltare, toj xlaet xa ta xca'i unbi. Mi ja'uc ximuyubaj avu'unic. Mi ja'uc ta jtsac ta xquich' ti matanal ta xavac'beicune.

Malaquías 1:13

Ti vo'oxuque xachi ta xavalique: ‘Mu xa ts'icbaj ta xca'icutic ta j'ech'el yu'un scotol taje.’ Ti jech s'elan taje, ta xasoquesbeicun ti co'ntone. Taje, mi avalojic to nan ti ximuyubaj avu'unic c'alal ta xavac'beicun ta matanal ti elc'anbil chon bolome, mi ja' jun coxov vacax, mi ja' ti oy xchamele.

Malaquías 1:8

Ta xavaq'uic ta matanal ti chon bolom ti tubem sate, ti coxove, ti oy xchamele. Ta xanopic ti ma'uc chopole.” Ja' yu'un un, ich'beic batel ti ajvaliletic avu'unique. Jq'ueltic quic mi xmuyubaj xa ta stsacboxuc ti matanal ta xavac'beique.

Números 32:23

Yan ti mi mu jechuc ta xapasic une, na'ic lec ti ta xata amulic ta stojol ti Diose, ti oy bu jun c'ac'al ta xavich'ic tsitsel ta scoj ti amulique.

Hechos 10:35

Yu'un buyuc no'ox muc'tiquil lum, ich'bil ta muc' yu'un ti buch'utic ta xi'taique, xchi'uc ti lec c'usi ta spasique.

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

Romanos 14:18

Ti buch'u jech yac'oj sba ta tunel yu'un ti Cristoe, lec x'ile yu'un ti Diose, xchi'uc lec ta x'ile yu'un ti buch'uuc no'oxe.

Romanos 15:16

Vu'un yajtunelun ti Jesucristo ta sventa slequilal yutsilalic ti jyanlumetique. Ja' cabtelinoj ta yalel ti lequil ach' c'op yu'un ti Dios ta sventa ti c'otuc ta pasel ta stojol ti jyanlumetic ti junuc yutsil c'otuc sva'an sbaic ta stojole, ti ventainbiluc yu'un ti Ch'ul Espíritue.

Romanos 6:12

Jech o xal un, mu xavac' abaic ta tsalel yu'un ti mulile yo' jech mu xapasic ti c'usi sc'an ti abec'talic ti sna' xchame.

Romanos 6:16

Ti vo'oxuque xana'ic lec ti mi oy bu ta xavac' abaic ta pasel ta mantal ta stojol jun ajvalil ta xch'unbel ti smantale, c'otemot ta mosovil yu'un ti ajvalile. Ja' jech xtoc un, mi ta xavac' abaic ta pasel ta mantal yu'un ti mulil ti lajel tubel sq'ueloj batele, lac'ot ta smosov. Ja' jech xtoc un, mi ta xach'un ta spasel ti c'usi ta sc'an ti Diose, ta xata alequilal.

Efesios 1:6

Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.

1 Timoteo 5:4

Ja'uc ti jun me'unal ants mi oy ti yalabtaque, mi oy ti smamobtaque, ja'ic c'otem ta sbaic ta spaquel sutel ti c'u s'elan laj yich'ic c'uxubinel yu'un ti stot sme'ique yo' ta xchanic ec ti c'uxubinvaneje, yu'un lec ta xil Dios ti mi jech ta spasique.

Hebreos 11:4

Ti jech c'otem ta yo'nton ta xch'unel ti Abele, x'ech' to yutsil laj yac'be smoton ti Diose, ja' mu sta ti Caine. Jech o xal ti Abele laj sta ti lec x'ile yu'un ti Diose, xchi'uc tsacbat ich'bat ti matanal ti laj yaq'ue. Manchuc mi chamem xa ti Abele, staoj to yav ta xvinajesbat sc'oplal ti jech c'otem ta yo'nton ta xch'unele.

Santiago 1:15

C'alal tijbil jolil ta spasel ti c'usi chopol yu'un ti sc'upijel o'ntonale, ta xlic ayanuc talel ti mulile. C'alal stsacoj xa lec yip ti mulile, ta sta svocol, ta xac' o sjol sbaquil xchi'uc.

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.