Génesis 4:2 - Bible in Tzotzil de Chamula

² Ts'acal to un, laj svoq'ues ti Abele, yits'in ti Caine. Ti Abele naca ts'un chij lic yabtelan. Ja'uc ti Caine naca ts'unubajel ta banomil lic yabtelan.

Bible in Tzotzil de Chenalhó with Deuterocanon

² Ts'acal ivoc' noxtoc li Abele, ja' li yits'in Caine. Li Abele ja' yabtel ta sts'un chij. Yan li Caine ja' yabtel tsts'un c'usitic chloc' ta banamil.

Génesis 4:2 Iomraidhean Croise

Génesis 3:23

Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele.

Génesis 37:13

Jech ti Israele xi laj yalbe ya'i ti Josee: —A'yio ava'i, ti achi'iltac ta voq'uele batemic ta q'uel chij ta Siquem. Ta jc'an ti chbat aq'uele. Xi laj stac' ti Josee: —Lec chca'i ti chbat jq'uele.

Génesis 4:1

Ti vinique lic xchi'in ti yajnile, ja' ti Evae. Jech ti antse lic xchi'in yol. Laj yil jun squerem, ja' ti Caine. Xi laj yale: “Oy xa jcot jquerem. Ja' laj yac'bun ti Diose.”

Génesis 4:3

Ech' c'uc sjaliluc un, oy jun c'ac'al, ti Caine laj yich' batel ta smoton Dios sat ti c'usi sts'unojane.

Génesis 47:3

Va'i un, xchi'iltac ta voq'uel ti Josee, xi jac'batic yu'un ti faraone: —¿C'usi abtelal xana'ic yabtelanel? Xi laj staq'uique: —Ti avajtuneluncutique, Jcuch abtel, ja' cabtelcutic ti ts'un chije co'ol jech c'u cha'al ti jmolmuc'totcutic laj ech'icuque.

Génesis 9:20

Ti Noee lic yabtelan ti banomile. Lic sts'unan uva.

Salmos 127:3

Ti calab jnich'nabtic ti chlaj voc'uque, ja' lequil c'uxubinel ta j'ech'el yu'un ti Diose.

Éxodo 3:1

Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Amós 7:15

Ti Diose laj sloq'uesun ti jech jq'uel-chijun to oxe, ti xi laj yalbune: ‘Batan, ba va'ano aba ta c'opojel ta jventa ta stojol ti jteclumal Israele.’

San Lucas 11:50

Ti jnaclejetic avi tana li'e, ta x'ich'bat yeic yu'un Dios ta sventa ti lajic ta milel ti j'alc'opetique, ti lic ono'ox talel ta sliquebal banomile.

San Lucas 11:51

Yu'un lic ono'ox talel ta stojol Abel, vul c'alal to ta Zacarías ti laj smilic ta sts'el ti altar ti ta ch'ulnae. Ja' yu'un un, ti jnaclejetic avi tana li'e, ta x'ich'bat yeic yu'un Dios ti jech lajic ti j'alc'opetic ta vo'nee.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 3:12

Mu me jechuc co'ntontic jech c'u cha'al ti Caine, ti laj smil ti yits'in ta scoj stotinoj ti pucuje. ¿C'u cha'al laj smil un? Yu'un ti c'usi ta spas ti Caine, toj chopol ta j'ech'el, ja'uc ti yits'ine, lec ti c'usi ta spase.

1 Juan 3:15

Scotol ti buch'u xti'et sjol ta stojol ti xchi'ile, ja' jun jmilvanej. Xana'ic lec xtoc, ti jun jmilvaneje, laj to c'op ma' ti oy ta stojol ti ach' cuxlejal sventa sbatel osile.