Génesis 4:10 - Bible in Tzotzil de Chamula

¹⁰ Xi albat yu'un ti Diose: —¿C'u cha'al jech laj apas le'e? Ti xch'ich'el avits'in ti laj xa amalbe ta banomile, x'avet xa ta xisc'anbun ti ac'o jchapanote.

Bible in Tzotzil de Chenalhó with Deuterocanon

¹⁰ Jech i'albat yu'un li Muc'ul Diose: —¿C'u yu'un ti jech laj apase? Li xch'ich'al avits'in laj amalbee x'avet ta jtojol, yu'un chisc'anbun vocol ti ac'o jchapanote.

Génesis 4:10 Iomraidhean Croise

Génesis 18:20

Va'i un, xi albat yu'un ti Diose: —Ti jnaclejetic ta jteclum Sodomae xchi'uc ta jteclum Gomorrae, puc xa sc'oplalic ti chopol ti c'usi ta spasique, ti mu xa ts'icbaj ti smulique.

Génesis 3:13

Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

Génesis 9:5

Yu'un ta xquich'beic ye sti'ic ta jujun vinic, ta jujun chon bolometic laj smal ti ach'ich'elique. Yu'un jujun vinic, ta xquich'be ye sti' c'u s'elan c'ot ta tsutsel yu'un ti xchi'ile.

2 Reyes 9:26

‘Jech c'u cha'al laj quil volje, ti mal xch'ich'el ti Nabot xchi'uc ti xnich'nabe, jech ta xavich' cu'un ec ta banomil ti bu taje. Ti vu'un Diosune, mu me lo'iluc no'ox ta xcal.’ Ja' yu'un un, poyo batel, ba ac'o ta yosil Nabote jech c'u cha'al scaj'aloj ti Diose.

2 Crónicas 28:9

Ti bu taje, oy jun yaj'alc'op Dios, Obed ti sbie, ti xi laj yal c'alal loc' batel ta snupel ta be ti soldadoetic c'alal ta x'ochic ech'el ta Samariae: —Ti Ajvalile, Dios yu'un ti amolmuc'totic ta vo'nee, soc sjol yu'un ti Judae. Jech o xal laj yac'boxuc ta avoc ta ac'obic une. Ja'uc ti vo'oxuc une laj amilic ti c'ot c'alal to vinajel ta j'ech'el ti sti'emal ajolic yu'un ti sc'ac'al avo'ntonique.

Job 16:18

Ti yijil ilbajinel ta jtojole, sc'an lequil chapanel. Banomil, mu muculuc xcom avu'un ti xi'avet yu'un xc'uxul ti jvocole.

Job 24:12

Nom to xil jteclum ti buch'u ta xa xlaj ta xa'ie, ti x'oc' x'avan xa ti mu stac' pajesel ti x'ijet xchi'uc ti svocole, mi ja'uc x'a'yibat sc'opojel sti'inel yu'un ti Diose.

Salmos 50:21

Ti va'i yepal apasoj taje, ts'ijilun yu'un; laj anop co'olun jech c'u cha'al ti vo'ote. Le' une, ta aba ta asat ta xcal ti c'usi laj apase, ta jchaptic lec ava'i un.

Salmos 72:14

Ta stic' sba ta scoltael ti buch'u mu xnel x'ech' ti svocolique, ti bu ilbajinbilique, yu'un tsots sc'oplal ti cuxiicuque.

Salmos 9:12

Ti Diose ta svules ta sjol ti buch'utic oyic ta vocole, mu xch'ay xa'i c'u s'elan xme'inal oq'uic yu'un ti vocole; ta stsits ti buch'utic yabtelinojic ti ilbajinvaneje.

Salmos 9:13

Dios, c'uxubajan ta jtojol un, q'uelo avil c'u s'elan ta xiyilbun jvocol ti buch'u xti'et ti sjolic ta jtojole, tamun loq'uel ti nopol xa oyun ta sti'tac ti lajebal chamebale.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Isaías 5:7

Ti lequil ts'unubal uva yu'un ti Dios ti scotol xu' yu'une, ti mu tuch'baj ta yo'nton ta xa'i ti sts'unube, ja' sc'oplal ti lum Israele xchi'uc ti lum Judae. Ti Diose snopoj ti ta xch'unbat ti oy c'usi jbel tsots albil yu'une, le' une, c'ajomal no'ox laj yil ti naca milbaile. Laj snop ti oyuc lequil chapanel yu'unique, le' une, c'ajomal no'ox laj yil ti oy buch'u x'avlajet ta oq'uel yu'un ti vocole.

Números 35:33

“Mu ta scojuc amilvanejalic xasoquesic ti muc' ta lum ti bu ta xanaquiique. Yu'un ti milbaile ta soques sc'oplal ti muc' ta lume. Mu'yuc xa yan pojobbail xu' ta xich' aq'uel, ja' xa no'ox xpoxil ta xc'ot o ti ta xich' milel ti buch'u milvane.

Hechos 5:3

Xi laj yal ti Pedroe: —Ananías, ¿c'u cha'al laj avac' abtejuc ti pucuj ta avo'nton ta sjutel c'op ta stojol ti Ch'ul Espíritu ti laj ach'ac comel o'lol ti taq'uin ti c'u yepal latojbat yu'un ti avosile?

Hechos 5:9

Xi albat yu'un ti Pedroe: —¿C'u cha'al jmoj avo'ntonic ta slajeltsael ti Ch'ul Espíritu yu'un ti Cajvaltique? Ti buch'utic ay smuquic ti amalale, le' xtalique. Avi tana ta xayiq'uic batel ec.

Deuteronomio 21:1

“Ta muc' ta lum ti bu ta xac'boxuc arextoinic ti Ajvalil Dios avu'unique, oy bu xu' ti telel ta osiltic laj yich' tael junuc anima ti milbile, ti mu xvinaj buch'u laj smile.

Hebreos 11:4

Ti jech c'otem ta yo'nton ta xch'unel ti Abele, x'ech' to yutsil laj yac'be smoton ti Diose, ja' mu sta ti Caine. Jech o xal ti Abele laj sta ti lec x'ile yu'un ti Diose, xchi'uc tsacbat ich'bat ti matanal ti laj yaq'ue. Manchuc mi chamem xa ti Abele, staoj to yav ta xvinajesbat sc'oplal ti jech c'otem ta yo'nton ta xch'unele.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

Santiago 5:4

Ti j'abteletic ti buch'utic mu'yuc laj avac'beic stojol c'alal laj stsobic ti ats'unubalique, ta sc'anic parte. Ja' yu'un un, ti Dios ti scotol xu' yu'une, laj xa yil ti x'oc'lajetic ti j'abteletique.

Josué 7:19

Va'i un, ti Josuee xi laj yalbe ti Acane: —Nich'on, lequil c'optabiluc, ich'biluc ta muc' c'otuc avu'un ti Ajvalil Dios yu'un ti israeletique, ti chapetan albun ca'i ta jamal ti c'usi laj apase. ¡Mu co'ntonuc no'ox xmacmun avu'un!

1 Samuel 13:11

Ja'uc le' une, xi albat yu'un ti Samuele: —¿C'u cha'al ti jech laj apas le' une? Ti Saule xi laj staq'ue: —C'alal laj quil ti yacal xa ta xbatic ti viniquetique, ti mu xavul ti c'usi ora albil sc'oplal avu'une, ti vololic xa xtoc ti filisteoetic ta Micmase,