Génesis 39:9 - Bible in Tzotzil de Chamula

⁹ Yu'un ti li' ta nae, mu'yuc buch'u yan ta spas mantal. Ti cajvale mu'yuc c'usi sjaltaojbun. Yan ti vo'ote yajnilot ti cajvale. ¿Mi xavac'touc lec ta xca'i avaloj xu' ta jsa' jmul ta stojol ti Diose?

Bible in Tzotzil de Chenalhó with Deuterocanon

⁹ Mu'yuc boch'o yan tsots yabtel li' ta anaic jech chac c'u cha'al vu'un. Li cajvale yac'ojbun ta jc'ob scotol li c'usi oy yu'une. Ja' xa no'ox mu'yuc jventainojot li vo'ote yu'un yajnilot. Jech ¿c'u yu'un ta jpas li c'usi toj chopole, xchi'uc ti ja' sventa ta jta o jmul ta stojol Diose? —xut li antse.

Génesis 39:9 Iomraidhean Croise

Génesis 13:13

Ti bu taje, scotol ti jnaclejetic teye, chopol stalelic. Mu ts'icbaj ti mulil ta spasic ta sba ta sat ti Diose.

Génesis 20:3

C'u stu un, ta ac'ubaltique, laj yil ta xvaich ti Abimeleque, ti xi albat yu'un ti Diose: “Ta xacham, yu'un ti ants laj aviq'ue, oy smalal.”

Génesis 20:6

Xi tac'bat ta xvaich laj yil yu'un ti Diose: “Jna' lec ti ta slequil avo'nton c'usi laj apase. Jech o xal mu'yuc xcac' xachi'in yo' mu xata amul ta jtojol yu'un.

Génesis 20:9

Ts'acal to un, ti Abimeleque laj sta ta iq'uel ti Abrahame, ti xi laj yalbee: —¡Q'uel avil ti c'usi laj apasbuncutique! ¿Bu laj jsoquesbot avo'nton ti jech xtal avac'bun ta jba jun muc'ul mulil xchi'uc ti c'u yepal oy ta jnae? Mu stac' alel ti c'usi laj apase.

Génesis 24:2

Oy jun c'ac'al, xi laj yalbe jun yajtunel ti vulem xa xch'ulele, ti ja' sbainoj scotol c'usi x'ayan yu'une: —Ac'o ac'ob li' ta yolon co'e.

Génesis 39:10

Ti antse ja' yeinoj jujun c'ac'al xvulvun ta stojol ti José ti vayicuque. Ja' no'ox un, ti Josee mu'yuc laj xch'un.

Génesis 41:40

Vo'ot ta xaventainbun ti jnae. Ta ave ta ati' ta xapas ta mantal scotol ti jteclum cu'une. Ja' no'ox un, vu'un ti ich'ob-c'opun avu'une, yu'un ajvalilun.

Génesis 42:18

C'alal sta ti yoxibal c'ac'ale, xi laj yalbee: —Ti vu'une jna' jxi'ta ti Diose. Ta jch'ay ta co'nton amulic. Ja' no'ox un, pasic jech c'u cha'al li'e:

2 Samuel 11:27

C'alal ech' xa yorail ti me'inale, ti Davide laj yal mantal ti ac'o yiq'uic talele, ti smalaoj xa ta snae. C'ot ta yajnil, ti ilbat sat jun squerem yu'une. Ja'uc ti Dios une, mu lecuc laj yil ti c'usi laj spas ti Davide.

2 Samuel 12:13

Ti Davide xi loc' ta ye ta stojol ti Natane: —Laj xa jta jmul ta stojol ti Diose. Xi tac'bat yu'un ti Natane: —Ti laj ava'i aba ti oy amule, mu xastsitsot ti Diose, mi ja'uc ta xacham.

Nehemías 5:15

Ja'uc ti ajvaliletic laj ech'uc ta ba'yele, bainatic ta j'ech'el yu'un ti jteclume, ti ta sc'anic cha'vinic (40) ta sep plata taq'uin sventa ti sve'ele, ti svino ti jujun c'ac'ale. Ma'uc no'ox taje, ti xchi'iltac ta abtele laj yilbeic svocol ti jteclume. Mu jechuc laj jpas ti vu'une, ta sventa ti jna' jxi'ta ti Diose.

Nehemías 6:11

Ja'uc le' une, xichi laj jtac'bee: “Viniquetic jech c'u cha'al ti vu'une, mu xjatav batel xba stic' sba ta ch'ulna yo' jech ta spoj sba yo' mu xlaj. Mu xba jnac' jba ma' ti vu'un xcaltic une.”

Job 31:23

Ti jech jxi'taoj ti ta stsitsvan ti Diose; laj to c'op ti jtic' no'ox jba ta spasel ti c'usi chopole.

Salmos 51:4

Laj jsa' jmul ta atojol, ja' no'ox ta atojol laj xa jsa' jmul un; laj xa jpasilan chopol ti albil sc'oplal ta xavac'be stojole. Ti chapanel ti loc' ta alel avu'une, oy stuq'uil ta j'ech'el, mi ja'uc yamal sc'oplal ti c'u s'elan c'ot ta nopel avu'une.

Éxodo 20:14

“Mu xamulivaj.

Proverbios 6:29

Ti buch'u ta xyaque yu'un ti jovil antse, jbel sc'oplal ta stoj lec.

Proverbios 6:32

Ch'abal xa no'ox xch'ulel ta j'ech'el ti buch'u co'ol xa sbaic xchi'uc ti jovil ants ti oy yajvale, ti buch'u jech ta spas taj une, ta soques sba stuc.

Eclesiastés 7:26

Laj jta ta ilel xtoc un ti xi s'elan x'ech' to ti chopole, ti ja' mu sta sc'oplal ti chijchame: ja' ti ants ti sna' syac ta u'ninel ti o'ntonal ti xmeyelet xae. Mu sq'uelojuc sba ma' ti buch'u sna' xi'ta ti Diose, ja'uc ti buch'u xyal oe, yacbil xa c'ot yu'un un.

Jeremías 28:16

Jech o xal xi ta xa'albat yu'un ti Diose: ‘Ta xatam batel abe cu'un. Jech un, ja' ti lach'ay o ta satilal li' ta banomile. Yu'un ti jabil li'e, ta xacham ta scoj ti c'usi laj avalilan ta stojol ti jteclum yo' yac' sjolic ta scontrainelun avu'une.’ ”

Jeremías 50:7

C'alal ileic yu'un ti scontraique, baleic ta ti'el ti xi albatic yu'une: ‘Ma'uc jmultic, yu'un laj sa' smulic ta stojol ti Diose, ja' ti mu'yuc c'usi sna' xchi'uquique, spatobil yo'ntonic laj ech'uc ti stot sme'ic ta vo'nee.’

Levítico 20:10

“Mi oy buch'u ta xmulivaj xchi'uc ti yajnil xchi'ile, ta xich' milel ti jmulivajel vinique xchi'uc ti jmulivajel antse.

Levítico 6:2

“C'alal mi oy buch'u laj xa sta ti smule, ti oy smul c'ot ta stojol ti Dios ta scoj ti laj slo'la ti xchi'ile, ti ta xc'ot xa ta pasel ti mu xa sutes ti c'usi ac'bat xch'amune, mi ja' ti c'usi ta xelc'anbee, mi ja' ti oy c'usi ta stsatsal-poje,

Números 32:23

Yan ti mi mu jechuc ta xapasic une, na'ic lec ti ta xata amulic ta stojol ti Diose, ti oy bu jun c'ac'al ta xavich'ic tsitsel ta scoj ti amulique.

San Lucas 12:48

Ja'uc ti j'abtel ti mu yaleluc ta spas ti oy c'usi mu lecuc ta xc'ot ta pasel yu'une, ja' jutuc no'ox ta stsitse. Ti buch'u yepal ta xich' comele, ep ta x'ich'bat ye sti'. Ti buch'u mu jaltabiluc c'usi ta sventaine, ep ta xtije ta c'op.

1 Corintios 4:2

Ti buch'u ac'bil yabtel yu'un ti Diose, ac'o yac' ta q'uelel ti stuc'ulanuc sba xchi'uc ti yabtele.

SUN TITO 2:10

ti mu x'elc'ajique, ti yaq'uicuc ta ilel ti oy slequil stuq'uil yo'ntonique yo' jech ta xvinaj ta xcuxlejalic ti yan yutsil ti chanubtasel yu'un ti Jcoltavanej Dios cu'untique.

Hebreos 13:4

Tsotsuc sc'oplal, ich'ic ta muc' acotolic sc'oplal ti nuplej ts'aclijele, ti junuc avo'ntonic yu'une. Yu'un ti buch'u ta xmulivaje, xchi'uc ti jlo'laej jolile, ta staic xchapanel yu'un ti Diose.

1 Juan 3:9

Ti buch'utic xnich'nabtac ti Diose, mi junuc ma' ti staoj yav ta sa'ilanic ti smule, yu'un yich'ojbeic xcuxlejal Dios. Jech o xal mu staojuc yav ta sa'ilan ti smule, yu'un xnich'on xa Dios.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.