Génesis 39:6 - Bible in Tzotzil de Chamula

⁶ Ti jech sbainoj José scotol ti c'usi oy yu'un ti Potifare, mu'yuc ta svul yo'nton c'u s'elan ta sta ti sve'ele. Ti Josee lec c'ac'al vinic. Toj c'upil sba ta q'uelel ta jmec.

Bible in Tzotzil de Chenalhó with Deuterocanon

⁶ C'alal yac'ojbe xa ta sc'ob José scotol c'usitic oy yu'un li Potifare, mu'yuc c'usi chlo'ilaj o yo'nton yu'un; ja' xa no'ox tst'uj c'usi tsc'an tsve'. Li Josee lec c'upil sba, lec c'ac'al vinic.

Génesis 39:6 Iomraidhean Croise

Génesis 29:17

Yu'un ti Leae, jelel jutuc yutsil ti sbec' sate. Ja'uc ti Raquele, c'upil sba sat yelov ta sjunul ti spat xocone.

Génesis 39:23

Jech ti banquilal jchabiej chuquinabe, mu xa sventauc ta sq'uel ti sventainoj ti Josee. Yu'un scotol ti c'usi ta spase, lec ta xloc' yu'un.

Génesis 39:4

Ti va'i s'elan c'otem ta stojol ti José taje, laj sta ti co'olaj sjol yo'ntonic xchi'uc ti yajvale. Laj yac' ochuc ta yajcoltaobba, xchi'uc xtoc laj yac'be sbain ti snae xchi'uc scotol ti c'usi oy yu'une.

Génesis 39:8

Ti Josee mu lecuc laj ya'i yu'un ti xi laj stac'bee: —A'yio ava'i, ti jech li' oyune, mu'yuc c'usi xal yo'nton ti cajvale. Yu'un jbainoj scotol ti c'usi oy yu'une.

Génesis 43:32

Slecoj mexa bu laj xchapanbeic sve'el ti Josee. Yan o mexa xtoc bu laj xchapanbeic sve'el xnich'nabtac ti Jacobe. Bevelic jutuc bu svoloj sbaic ta ve'el ti egipcioetic xchi'uc ti Josee. Yu'un ti egipcioetique na'bil yu'unic mu xu' ta scap sbaic ta ve'el xchi'uc ti hebreoetique.

Proverbios 31:11

Spatoj lec yo'nton yu'un ti smalale, xtojob, xloc' venta ta x'ile.

San Lucas 16:10

“Ti buch'u ta slequil yo'nton ta stunes ti c'usi juteb oy yu'une, ta slequil yo'nton xtoc ta stunes ti yepal c'usi oy yu'une. Ja'uc ti buch'u ma'uc ta slequil yo'nton ta stunes ti juteb c'usi oy yu'une, ja' jech xtoc unbi, ma'uc ta slequil yo'nton ta stunes ti c'usi yepal oy yu'une.

San Lucas 19:17

Xi laj stac' ti ajvalile: ‘Lec oy, ja' jun lequil j'abtelot. Ti ta slequil avo'nton laj aventain ti jutebe, ta xa'och ta ajvalil cu'un, ta xaventain lajuneb jteclum.’

Hechos 7:20

Ti jech yorail taje, ja' o voc' ti Moisese, jun querem ti lec ile yu'un ti Diose. Oxib u sjalil ts'itese ta sna ti stot sme'e.

1 Samuel 16:12

Ti Isaie laj stac ta iq'uel. Chacvac'an xa'i sba ti biq'uit quereme. Mu'yuc buch'u xco'olaj jech xchi'uc ti c'upil sbae. Va'i un, ti Samuele xi albat yu'un ti Diose: —Ja' chcal ma' le' une. Ja' yu'un un, lican, va'lan, ac'bo snup yabtel ta ajvalilal.

1 Samuel 17:42

C'alal ti filisteo laj sq'uel batel ti Davide, laj yil ti ja' jun querem ti lec chacvac'an xa'i sbae, ti lec c'upil sbae. Mu jutebuc tsots sc'oplal laj ya'i.