Génesis 39:4 - Bible in Tzotzil de Chamula

⁴ Ti va'i s'elan c'otem ta stojol ti José taje, laj sta ti co'olaj sjol yo'ntonic xchi'uc ti yajvale. Laj yac' ochuc ta yajcoltaobba, xchi'uc xtoc laj yac'be sbain ti snae xchi'uc scotol ti c'usi oy yu'une.

Bible in Tzotzil de Chenalhó with Deuterocanon

⁴ Jech lec i'ilat yu'un yajval li Josee. Li Potifare la stic' ta scoltaubbail ta abtel stuc li Josee, xchi'uc la stic' ta jchabina yu'un. Ja' laj yac'be sventain scotol li c'usitic oy yu'une.

Génesis 39:4 Iomraidhean Croise

Génesis 15:2

Ti Abrame xi laj staq'ue: —Cajval, Ch'ul Dios, ¿c'usi xtun o ti ta xavac'bun ep ti jmotone c'alal xana' lec ch'abal ti jnich'nabe?

Génesis 18:3

Va'i un, xi laj yale: —Yojtot, avocoluc, mu to xabat ta anil.

Génesis 19:19

Yu'un ti vo'oxuque ep laj acoltaicun. Yu'un toj lec avo'ntonic laj apojicun ti mu'yuc xichame. C'u stu un, mu xa xic'ot ta vitstic. Yu'un yic'al staun ta be ti tsots vocole, ja' to licham unbi.

Génesis 24:2

Oy jun c'ac'al, xi laj yalbe jun yajtunel ti vulem xa xch'ulele, ti ja' sbainoj scotol c'usi x'ayan yu'une: —Ac'o ac'ob li' ta yolon co'e.

Génesis 32:5

Avi tana une, oy xa jvacax, oy jburro, oy jchij, oy jmosovtac, viniquetic xchi'uc antsetic. Ti jech laj jcaj-tac jelavel talel ti mantale, yojtot, ja' xa no'ox ta jmala ca'i c'uxi avo'nton cu'un.’ ”

Génesis 33:10

Ja' no'ox un, ti Jacobe xi mu xlaj yo'nton ta vulvunele: —Mu xapas jech, avocoluc, ich'bun ti amotone yo' jech ta jta ti lec xquil jbatique. Ja' yu'un un, tsacbun ti amoton ta xcac'bote. Yu'un ti jech laj quil asate, co'ol s'elan ja' laj quil stuc ti Dios ya'yele, ja' ti lec ich'bil ta muc' lic'ot avu'une.

Génesis 33:8

Va'i un, ti Esaue ta ora no'ox xi laj sjaq'ue: —¿C'usi smelol avu'un ti jech yepal c'usitic laj jnupan ta bee? Xi laj stac' ti Jacobe: —Ja' ta sventa ac'o lecubuc avo'nton ta jtojol.

Génesis 39:8

Ti Josee mu lecuc laj ya'i yu'un ti xi laj stac'bee: —A'yio ava'i, ti jech li' oyune, mu'yuc c'usi xal yo'nton ti cajvale. Yu'un jbainoj scotol ti c'usi oy yu'une.

1 Reyes 16:9

Ja'uc ti Zimrie, yajtunel ti Ela ti sbainoj j'olol jvoc' ti carreta sventa ac'ob letoe, xq'uelbat no'ox sat yu'un ta sliquesbel sc'oplale. Yu'un oy jun c'ac'al, ti Elae, ti c'alal oy ta Tirsae, bat ta sna ti Arsa ti yajbainej ti c'usitic x'ayan yu'une, ti uch'baj ti bu xa c'alal xu' yu'une, ti yacub xchi'uque.

Ester 2:9

Ti Hegaie lec laj yil ti tsebe, ti xnijet xchimilet laj yac' sba ta stojole. Ti Hegai une laj yac' ta poxtael ta muil poxil ta sventa xch'alet no'ox yutsil ta q'uelele. Lic yac'be ti lequil ve'liletique. Laj yac'be yajtuneltac vucub mosovil antsetic ti jelavem xtojobic ta scotolic ti oy ta sna ti ajvalile, ti jmoj batic yu'un ta spajeb xa no'ox yutsil na ti c'otem ta sna ti antsetique.

Proverbios 14:35

Ti jtunel ti xjoybij no'oxe, ta sta ti lec ta x'ile yu'un ti ajvalile; ti buch'u mu xjoybij une, ta sta ti iltabil ta xc'ote.

Proverbios 16:7

C'alal lec ta xil Dios c'u s'elan stamoj ti vinique, xu' ta xc'ot ta pasel yu'un ta slamajes c'op xchi'uc ti scontrae.

Proverbios 17:2

Ti bijil jtunele ta xlic spas ta mantal ti toyobba nich'onile. C'alal ta xich' xrextoic ti queremetique, ti bijil jtunele ta xich' comel xrexto jech c'u cha'al ti queremetique.

Proverbios 22:29

Ti buch'u lec ta spas yabtele, oy ta tunel ta stojol ti ajvalile, ma'uc ta xtunic ta stojol ti buch'u xocol viniquetic no'oxe.

Proverbios 27:18

Ti buch'u ta stuc'ulan ti icuxe, ta slo'be ti sate; ti buch'u ta sbain lec ti yajvale, ich'bil ta muc' ta xc'ot un.

Proverbios 3:4

jech ta xata ti lec xa'ile yu'un ti Diose, xchi'uc ta stojol ti jnaclejetique.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Rut 2:6

Ti jq'uel-j'abtele xi laj staq'ue: —Ja' jun moabita ti xchi'inoj talel ta Moab ti Noemie.

1 Samuel 16:22

Ti Saule laj stac batel jun j'al-mantal j'ich'-c'op ta stojol ti Isaie, ti laj sc'anbe vocol ti ac'o comuc o ti David ta stojole, yu'un toj lec ta xil ta j'ech'el.

1 Samuel 2:26

Ja'uc ti biq'uit querem Samuele, yantic xch'i batel. Ti c'u s'elan ta spase, lec ta xil ti Diose, xchi'uc ta sba ta sat ti jnaclejetique.