Génesis 39:3 - Bible in Tzotzil de Chamula

³ Ti yajvale laj yil chi'inbil yu'un Dios ti Josee. Jech o xal ti Josee lec ta xbat yu'un scotol.

Bible in Tzotzil de Chenalhó with Deuterocanon

³ Li yajvale laj yil ti chi'inbil yu'un Muc'ul Dios li Josee yu'un lec ibat scotol li c'usi la spase.

Génesis 39:3 Iomraidhean Croise

Génesis 21:20

Ti Diose laj scolta ti quereme. Ch'i c'opoj, naqui ta sbajtical banomil ti oy ta Parane. C'ot ta jun banquilal jten-yolob.

Génesis 21:22

Ja'tic van jech yorail ech'el taje, ti Abimeleque bat sc'opon ti Abrahame, chi'inbil batel yu'un ti Ficole, ti ja' banquilal yu'un ti yajsoldadotaque. Ti Abimeleque xi laj yalbe ya'i ti Abrahame: —Yu'un scotol ti c'usi ta xapase, ta xquilcutic ti coltabilot yu'un ti Diose.

Génesis 21:23

Yu'un ti li' bu va'alotique, va'ano aba ta yalel ta jamal ti mu jutebuc ta xapasbun ti c'usi chopole. Mi ja'uc oy c'usi chopol ta xapasbe ti jnich'nabe, mi ja'uc ti jnitilultaque. Alo ta jamal ti ja' no'ox jech ta xac'uxubinvan jech c'u cha'al laj jc'uxubinote, ti ja' no'ox jech ta xapas xtoc ta stojol ti jnaclejetic yu'un ti jteclum li' ti bu nacalot avi tanae.

Génesis 26:24

Ta yac'ubalil taje, laj yac' sba iluc ti Dios ta stojolale, ti xi albate: “Diosun yu'un ti atot Abrahame. Mu xaxi', yu'un li' jchi'inojote. Ta sventa ti cajtunel Abrahame, ta jva'an jba ta atojolal, yu'un ta xcac' epajuc ti anitilultaque.”

Génesis 26:28

Ti stuquique xi laj stac'beique: —Quilojcutic ti sva'anoj sba ti Dios ta atojole. Laj jnopcutic oy ta co'ntoncutic yalel ava'i ti la' jpastic junuc tratee. Yu'un ti trate ta jpastique, xi s'elan jech c'u ch'al li'e:

Génesis 30:27

Va'i un, ti Labane xi laj staq'ue: —Avocoluc, coman li' ta jtojole. Mu xabat. Yu'un laj xa jta ta t'unel ti sva'anoj sba ti Dios ta jtojol ta aventae.

Génesis 30:30

Yu'un c'alal livul ta atojole, mu'yuc to ox ep ti c'usi x'ayan avu'une. Avi tana li' une, epajem ta j'ech'el. Ti c'alal livul li'e, laj sva'an sba ta atojol ti Diose. Ja' no'ox un, ¿c'usi to ora ta xlic jbain jba jtuccutic ti c'u quepalcutique?

Génesis 39:2

Ja' no'ox un, ti Josee chi'inbil yu'un ti Diose. Jech o xal lec bat yu'un c'alal nacal ta sna ti jun egipcio vinic ti ja' yajvale.

Génesis 39:21

ja' no'ox un, chi'inbil yu'un ti Diose. Yu'un sva'anoj sba ta stojol yo' jech ta sta ti lec x'ilat yu'un ti banquilal jchabiej chuqueletique.

Génesis 39:23

Jech ti banquilal jchabiej chuquinabe, mu xa sventauc ta sq'uel ti sventainoj ti Josee. Yu'un scotol ti c'usi ta spase, lec ta xloc' yu'un.

2 Reyes 18:7

Jech o xal coltabil yu'un ti Diose. Scotol ti c'usi ta spase, lec ta xc'ot ta pasel yu'un. Ti Ezequiase laj stoy sba ta scontrainel ti ajvalil yu'un ti Asiriae. Mi ja'uc laj xch'un pasel ti mantale.

1 Crónicas 22:13

Scotol lec ta xc'ot ta pasel avu'un, mi oy ta avo'nton ta spasel ti jbel c'usi tsots albil sc'oplale, xchi'uc ti c'usi albat ti Moisés yu'un ti Dios ta sventa ti Israele. ¡Oyuc yip avo'nton, j'ech'eluc, va'ano aba! ¡Mu xatsiq'ues avo'nton, mi ja'uc xatic' xi'el ta avo'nton!

1 Crónicas 9:20

C'alal mu'yuc to ox c'otemic ta pasel ti va'i s'elan taje, ja' to ox c'otem ta banquilal yu'unic ti Finees xnich'on ti Eleazare. ¡Sva'anojuc o sba ti Dios ta stojol le'e!

2 Crónicas 1:1

Ti coltabil yu'un Dios ta sventa com ta ajvalil ti Salomón xnich'on ti Davide, laj stsac lec yip ti yabtele. Laj sta ti cajal c'ot ta j'ech'ele.

2 Crónicas 26:5

Laj yac' yo'nton ta snabanel sba ta stojol Dios ti c'alal cuxul to ox ti Zacariase, ti ac'bat yil ta xi'tael ti Diose. Ti jech nabal ta stojol Diose, ac'bat ti c'usi ta xtun yu'une.

Nehemías 2:20

Xichi laj jtac'bee: —Ti Dios ti oy ta vinajele ta sva'an sba cu'uncutic yo' mu xch'ay ta be ti abtele. Ti yajtuneluncutique ta jliquescutic ti abtele. Ti vo'oxuque mu'yuc stunel avoc ac'obic. Mi ja'uc stac' xatic' abaic ta Jerusalén.

Salmos 1:3

Ti buch'u jech ta snopilan taje, co'ol s'elan jpets te' teq'uel ta ti' uc'ume, ti ta yorail no'ox ta xac' ti sate, ti j'ech'el mu xnucultaj ti yanaltaque. Scotol ti c'usi ta spase, lec ta xc'ot ta loq'uel yu'un.

Zacarías 8:23

Ti jech yorail taje, lajunvo' (10) jyanlumetic yu'un ti yan muc'tiquil lumetique, ti stsoylajetic no'ox ta sti'il sc'u' jun judá vinic ti xi ta xalbeic xtoque: ‘¡Yu'un chbat jchi'inotcutic, ja' ti c'ot ta jni' ta jchiquincutic ti chi'inbiloxuc yu'un ti Diose!’ ”

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

1 Corintios 16:2

Ti jujunoxuque, ta sliqueb c'ac'al yu'un ti jujun xemunae, ch'aquic loq'uel ti c'u yepal laj apasic canale, ja' ti c'u yepal ta xloc' ta avo'ntonic yo' jech ta xacoltavanic. Jech tsobol xa avu'unic c'alal ta xic'ote.

Deuteronomio 2:7

Yu'un ti Ajvalil ti ja' Dios avu'unique laj xa sva'an sba ta atojolic ta scotol ti c'usi laj xa apasique. Yu'un ti cha'vinic (40) jabil sjalile, oy ono'ox ta atojolic. Laj xchabioxuc talel ti laxanavic ta muc'tiquil sbajtical banomile. Yu'un mi ja'uc ti mu'yuc ti c'usi laj yac'boxuque.

Josué 1:9

Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”

Apocalipsis 3:9

Ta jpas ta mantal ti ta snijan sbaic ta atojol ti buch'utic ventainbilic yu'un ti pucuje, ti ta xalic bats'i israeletic ti c'alal ma'uque, yo' jech ta sna'ic ti c'uxot ta co'ntone.

1 Samuel 18:14

Ti coltabil yu'un Dios ti Davide, lec ta xc'ot ta loq'uel yu'un scotol ti c'usi ta spase.

1 Samuel 18:28

Ja'uc le' une, laj yil ti Saúl ti coltabil yu'un Dios ti Davide, ti lec c'ux ta xa'i sbaic xchi'uc David ti Mical ti ja' yantsil nich'one.

1 Samuel 3:19

Ja'uc ti Samuele ch'i, coltabil yu'un ti Diose. C'ot ta pasel yu'un scotol ti c'usi yaloj ti stuque.