Génesis 39:1 - Bible in Tzotzil de Chamula

¹ C'alal ic'bil bat ti José ta Egipto banomile, jech ti jun egipcio vinic Potifar sbie, laj smanbe ismaelitaetic ti yic'ojic batel teye. Ti Potifar taje, ja' jun banquilal jtunel yu'un ti faraone, xchi'uc ja' jtsobvanej yu'un ti jvoc' yajsoldadoe.

Bible in Tzotzil de Chenalhó with Deuterocanon

¹ C'alal i'ic'at batel ta Egipto li Josee, oy jun egipto vinic, Potifar sbi. Ja' la sman comel ti c'alal te yic'ojic batel li ismaeletique. Li Potifare ja' xchi'il ta abtel li faraone, xchi'uc ja' banquilal soldado yu'un.

Génesis 39:1 Iomraidhean Croise

Génesis 37:25

Ts'acal to un, lic chotiicuc ta ve'el. C'alal jech yacalique, ja' o laj yilic ti stsobetic batel ismaelitaetic ti liquemic talel ta Galaad ti xcuchojic batel ta scamelloic ti xuch'al te'etic ti ja' perfumee, ti bálsamo sbie, ti mirrae. Yu'un ta xich'ic batel ta Egipto.

Génesis 37:28

C'alal ech'ic ti jbolomajel madianitaetic bu oyique, loq'uesat talel ta joc' ti José yu'un ti xchi'iltac ta voq'uele. Jtob (20) ta sep plata taq'uin laj xchonic batel ta stojol ti ismaelitaetique. Ja' jech ic'bil bat ta Egipto ti Josee.

Génesis 37:36

Va'i un, ti madianitaetic ta Egiptoe, laj xchonic batel ti José ta stojol jun vinic Potifar sbie, yajtunel ti faraón ajvalil yu'un ti Egiptoe, xchi'uc xtoc ti ja' jpas-mantal yu'un ti yajchabivanej soldadoetique.

Génesis 40:3

Tacbil batic ta chuquel, ta sna ti banquilal jtsobvanej yu'un soldadoetic bu oy ti chuquinabe. Ja' ono'ox un, ti bu taje, tey tiq'uil ta chuquel ti Josee.

Génesis 45:4

Jech xtoc un, xi albatic yu'un ti Josee: —Nopajanic talel, avocolicuc. C'alal nopajic batele, xi albatique: —Vu'unun José ti achi'ilicun ta voq'uele, ti laj achonicun talel ta Egiptoe.

Salmos 105:17

Le' une, tacbatic jelavel ti Josee, ti buch'u chonbil bat ta mosovile.

Hechos 7:9

“Xnich'nabtac ti Jacob taje, ja'ic ti jtotic jme'tic laj ech'icuc ta vo'nee, lic yit'ixal yo'ntonic yu'un ti xchi'ilic ta voq'uel Josee. Laj xchonic batel ta Egipto banomil. Ja'uc ti Josee chi'inbil yu'un ti Diose.