Génesis 34:3 - Bible in Tzotzil de Chamula

³ Ac'o mi jech laj spasbe un, j'ech'el ic'bil c'ot xch'ulel xchi'uc. Jech o xal laj yac'be yipal c'u s'elan xu' ta xu'ninbe ti yo'ntone.

Bible in Tzotzil de Chenalhó with Deuterocanon

³ Ts'acal la snop ti tsc'an chic' o li tsebe. Jech te la slecubtasbe yo'nton yu'un ac'o c'anatuc.

Génesis 34:3 Iomraidhean Croise

Génesis 34:2

Ilat yu'un ti Siqueme, ti ja' squerem nich'on ti heveo vinic Hamor ti banquilal jtsobvanej yu'unic ti bu taje. Ti Siqueme laj stsatsal jis ta lum, laj yilbajin ti tsebe.

Génesis 34:4

Ja' yu'un un, xi lic yalbe ti Hamor ti stote: —Ba jac'bun ti tseb le'e, yu'un ta xquic' ca'i.

Génesis 50:21

Ja' yu'un un, mu xaxi'ic. Ja' jech xtoc ta xcac'boxuc ave'elic xchi'uc ti avalab anich'nabique. Ja' to jech xpatet yo'ntonic laj ya'iic ti lec c'oponatic yu'un ti Josee.

2 Samuel 19:7

Avi tana une, Jcuch abtel, loc'an batel, bat ac'bo smuc'ul yo'nton ti avinictac ti co'ol yo'ntonic ta atojole. Jamal xcal ta sba ta sat ti Diose, ti mi mu jechuque, ti ac'ubaltic tana li'e, mu jvoc'uc avinic ta xcom. Ti jech taje, Jcuch abtele, ja' to toj ech'em scotol ti vocol ta xc'ot ta atojol ti ta to xavil batele, ja' mu sta laj avil ti c'alal aqueremal to oxe.

2 Crónicas 30:22

Ti Ezequías une laj smuq'uibtasbe yo'nton scotol ti levitaetique, ti laj yaq'uic ta ilel ti sjunul yo'ntonic ta xac' sbaic ta tunel yu'un ti Diose. C'alal chi'invan xa ta ve'el ti vucub (7) c'ac'al sjalil une, ti laj xa yac' matanal yu'un ti lajesobil o'ntonale, ti laj xa smuyubta ta yalbel slequil yutsilal ti Ajvalil Dios yu'unic ti smolmuc'totic ta vo'nee,

Isaías 40:2

Oyuc yutsil ave ati'ic xac'opojic ta stojol ti jteclum Jerusalene. Albeic ya'i ti oy xa sc'oplal ti c'ot ta tsutsel ti jech mosovinbilique. Laj xa stojic ti bu jelavique. Laj xa sc'upinic ti tsots yal coc ta jc'ob ta scoj ti mu albajuc ti smulique.”

Oseas 2:14

“Ta xlic jlecomin ya'i. Ta xquic' batel ta sbajtical banomil. Ta jchi'inbe ta lo'il ti sjol yo'ntone.

Oseas 2:16

Va'i un, ta xlic yalbun, ‘Jnup Jchi'il’, ti c'alal ja' to ox ta xiyalbun, ‘Cuni Baal’, ti xie. Ti vu'un Diosune, mu me lo'iluc no'ox ta xcal.

Jueces 19:3

jech ti levitae bat sa' ta slajesbel yo'nton yo' jech ta xcha'ic' sbaic yan velta. Laj yic' batel jun smosov xchi'uc cha'cot sburro. Ich'bil ta muc' c'ot ti vinic yu'un ti ants ta sna ti stote.

Rut 1:14

X'oq'uic xa liquel yan velta. Ja'uc le' une, ti Orfae lic sbuts' comel ti sme'alibe, laj xch'ac sbaic. Yan ti Rute comic xchi'uc ti sme'alibe.

1 Samuel 18:1

Ts'acal to un, ti Davide, c'alal laj yo'ntonic ta sc'oponel ti Saule, ti Jonatane, bats'i ja' jun xchi'il laj ya'i ti Davide, ti mu tuch'baj ta o'ntonal ta xa'i jech c'u cha'al mu tenbaj ta xa'i sba ti stuque.