Génesis 32:12 - Bible in Tzotzil de Chamula

¹² Yu'un avalojbun ta jamal ti lec ta xc'ot ta pasel ta jtojole. Avalojbun xtoc ta x'epaj ti jnitilultac jech c'u cha'al syi'al nab ti mu stac' atele.”

Bible in Tzotzil de Chenalhó with Deuterocanon

¹² Vo'ot laj avalbun ta jamal ti lec chic'ot avu'une. Xchi'uc laj avalbun noxtoc ti ta to xbol ep jmomnich'nabtaque, ti ja' jech yepal chbatic jech chac c'u cha'al yi'tic ta ti'nab ti mu stac' atele”, xi la sc'opan Dios li Jacobe.

Génesis 32:12 Iomraidhean Croise

Génesis 22:17

Ep ta jc'uxubinot. Ta xcac' bolicuc ti anitilultaque. Ta x'epajic jech c'u cha'al ta xavil ti c'analetic oy ta vinajele, jech c'u cha'al ti yi' oy ta sti'il nabe. Ja' jech xtoc ti stuquique ta ono'ox stsal yu'unic ti scontraique.

Génesis 32:6

C'alal sutic batel ti j'al-mantal j'ich'-c'opetique, xi laj yalbeic ya'i ti Jacobe: —Ay xa jc'oponcutic ti achi'il ta voq'uel Esaue. Ja' stuc xtal snupot ta be xchi'uc jvoc' (400) ta vo' svinictac.

1 Reyes 4:20

Ti lum Judae xchi'uc ti lum Israele, mu albajuc yepal ta j'ech'el ti jnaclejetic oy yu'unique, co'ol s'elan yi' ta ti' nab ti mu atbajuque. Ja' jech oy ta j'ech'el xtoc ti ve'lile, ti uch'bajele, ti xlaet no'ox ti o'ntonal ta muyubajele.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Oseas 1:10

Oy bu jun c'ac'al, ta xc'ot ta pasel ti co'ol s'elanic yi'al nab yepalic ti israeletique, ti mu xlaj ta bisele, ti mu xlaj ta atele. Ac'o mi albatic: “Ti vo'oxuque ma'uc jteclumaloxuc”, ti xie, yu'un la me ta xal un: “Ti vo'oxuque, yalab xnich'naboxuc ti c'uxul Diose”, xi ti sc'oplalic yu'un ti Diose.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

San Mateo 24:35

Ti vinajele, ti banomile ta xlaj ta x'ech' sc'oplal, ja'uc ti jc'ope, jbel sc'oplal xc'ot ta pasel ti c'usi ta xale.

2 Timoteo 2:13

Mi mu junuc co'ntontic ta stojole, ti stuque staoj yav jun yo'nton, yu'un mi ja'uc syanijes sba ti stuque.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

Hebreos 11:12

Manchuc mi ta xa xc'ot sc'ac'alil ta xpalch'uj batel ti Abrahame, jun to yepal ayan ti snitilultac jech c'u cha'al ti c'analetique, mi jech c'u cha'al ti yi'al nab ti mu stac' chapel ti c'u yepale.

Hebreos 6:17

Lec un cha'e, ja' jech ti Diose jbel sc'oplal sc'an svinajes ti jech bejel com o ti c'u s'elan laj sva'an sba ta rextico ta yalel ti oy c'usi ta xac'be yich'ic ti buch'utic ta xich'ic ti rextoil ti laj sva'an sba ta yalele.

1 Samuel 15:29

Yu'un ti Diose, ja' yutsil slequilalic ti Israele, jbel xc'opoj. Mi ja'uc sna' sutes sba. Mu xco'olaj jech c'u cha'al jeche' vinicuc no'ox ti xlic xcaj no'ox ti c'usi ta snope.