Génesis 32:10 - Bible in Tzotzil de Chamula

¹⁰ Ti slequil yutsil avo'nton laj jta avu'une, mi ja'uc oy c'usi xu' xajtojbot. C'alal ech' jtuch' ti uc'um Jordane, c'ajomal jun jnamte' quich'oj batel. Avi tana une, pasem xa talel ta cha'voc' jchi'iltac.

Bible in Tzotzil de Chenalhó with Deuterocanon

¹⁰ mu'yuc c'usi la jpas ti jech oy ep slequil avo'nton ta jtojole, ti lec c'usi chapas ta jtojole. C'alal ech' jtuch' li uc'um Jordane, mu'yuc c'usi quich'oj; ja' no'ox jun jnamte' quich'oj. Pero li' ta orae, oy xa cha'voc' jvinictac.

Génesis 32:10 Iomraidhean Croise

Génesis 18:27

Ti Abrahame xi laj xcha'ale: —Mu soc avo'nton cu'un ti jech toj ven xic'opoje, yu'un ti vo'ote, Diosot. Ja'uc ti vu'une, uni vinicun no'ox.

Génesis 24:12

Xi laj yal ti lic c'opoj ti'inuque: “Cajval, Diosot yu'un ti cajval Abrahame, coltaun yo' lec ta xbat ti jech li' talemune. Ac'o ta ilel ti xc'uxul avo'nton ta stojol ti cajvale.

Génesis 24:27

Xi lic yale: “Lequil c'optabiluc ti Ajvalile, Dios yu'un ti cajval Abrahame, yu'un xc'ot xc'opoj, oy slequil yo'nton ta stojol ti cajvale. Yu'un laj stojobtasun talel ta sbelel sna ti yuts' yalaltaque.”

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 28:15

Li' jchi'inojote. Ta jchabiot ti buyuc no'ox ta xabate. Ta xcac' sutan batel ta banomil ti bu lalic talele. Ta xc'ot ta pasel cu'un jech c'u cha'al ta xcalbote. Mu xa xquictaot comel.”

Génesis 30:43

Ja' jech s'elan lic pasuc ta jun muc' ta jc'ulej ti Jacobe. Epaj ti xchije, ti scamellotaque, ti sburrotaque, xchi'uc oy ep smosovtac, viniquetic, antsetic.

Génesis 31:3

Ja' yu'un un, ti Jacobe xi albat yu'un ti Diose: “Sutan batel bu oy ti yosil ti atot ame'e, bu oy xtoc ti avuts' avalaltaque. Vu'un ta jchi'inot batel.”

Génesis 32:5

Avi tana une, oy xa jvacax, oy jburro, oy jchij, oy jmosovtac, viniquetic xchi'uc antsetic. Ti jech laj jcaj-tac jelavel talel ti mantale, yojtot, ja' xa no'ox ta jmala ca'i c'uxi avo'nton cu'un.’ ”

Génesis 32:7

C'alal jech laj ya'i ti Jacob taje, ep lic xi'uc. Lic ta vul o'nton xchi'uc. Ja' yu'un un, lic spas ta cha'ch'ac ti svinictac xchi'ucanojan batele, xchi'uc ti xchije, ti xvacaxe, ti scamelloe.

2 Samuel 17:24

C'alal c'ot ta Mahanaim ti Davide, ja' o xa laj xtuch' jelavel uc'um Jordán ti Absalone xchi'uc scotol ti israeletique.

2 Samuel 7:18

Va'i un, ti ajvalil Davide och batel ta sc'oponel ti Diose, ti xi laj yale: “Cajval, ¿buch'uun ya'yel? ¿Buch'uic la ya'yel ti jtot jme'e ti jech li' to c'alal laj avic'un talele?

Job 17:9

Yac'ojbeic yipal ti xa'ibeic xchiquinale, ti sac ti yoc sc'obique.

Job 8:7

Ti ac'ulejal laj ata to oxe, ma'uc jech c'ulejal ma' le'e, yu'un x'ech' to yepal ma' ti ta xata liquele.

Salmos 16:2

Yu'un xi ono'ox laj calbote: “Vo'ot Cajvalot, cutsilalot, jlequilalot, mu'yuc yan xco'olaj jech c'u cha'al ti vo'ote.”

Salmos 18:35

Ta xatic' aba ta xchabielun ta spojelun, avicojun ta abats'i c'ob; ta sventa yutsil avo'nton une, cajal c'ot ti jc'oplale.

Salmos 61:7

Sbateluc osil ajvaliluc o ta sventa ti va'alot teq'uelot ta stojole, tuc'ulano ta sventa syail xc'uxul avo'nton, xchi'uc ti slequilal avo'ntone.

Salmos 8:5

Co'oltic xa s'elan dios c'ot avu'un; laj ach'al ta yutsilal slequilal, tsots yabtel laj avac'be yich'.

Salmos 84:7

Ta stsac lec yipic ta j'ech'el; ta xilic ta vits Sión ti Dios ti cajal yabtel yich'oje.

Salmos 85:10

Yu'un co'ol yabtelic ma' ti melele xchi'uc ti syail xc'uxulile; ti tuq'uilale, xchi'uc ti lamajem jol o'ntonale, co'ol yabtelic.

Proverbios 4:18

Xi s'elan stamojic batel ma' ti buch'u oy stuq'uil yutsile, co'ol s'elan jech c'u cha'al ta xvul ta loq'uel ti xojobal c'ac'ale: ti xtixet no'ox yutsilal ta j'ech'el ja' to c'uxi tixil ti xojobale.

Isaías 6:5

Xichi laj jnop une: “Mu xa ono'ox cha'bel un, ta xicham, yu'un laj xa quil ta jba ta jsat ti Ajvalil Dios ti scotol xu' yu'une, ti c'alal vinicun no'oxe, ti mu'yuc smelol ti c'usi ta xloc' ta que ta jti' ti li' jmoj nacalun xchi'uc ti jnaclejetic ti mu'yuc smelol ti c'usi ta xloc' ta ye ta sti'ique.”

Isaías 63:7

Ta jc'an ta xcalbe sc'oplal syail xc'uxul yo'nton ti Diose, ta sq'uejintael lametel q'uejimol ta sventa scotol ti c'usi laj xa spas ta jtojoltique, ta sventa ti mu albajuc yutsilal yo'nton ta stojol yalab xnich'nab ti Israele, ta sventa ti oy c'usi laj spas ta yutsil slequilale, ta sventa xtoc ti mu albajuc ti syail xc'uxul yo'ntone.

Miqueas 7:20

Staojuc me yav ac'o ta q'uelel ti yutsil slequil avo'ntone, ti syail xc'uxul avo'nton ti laj aval ta vo'ne ta stojol ti jmolmuc'totcutic Abrahame xchi'uc ti Jacobe.

San Lucas 17:10

Ja' jech ti vo'oxuque, c'alal mi laj apasic c'u s'elan yaloj ti Diose, sc'an ti xi ta xavalique: ‘Ma'uc lequil jtuneluncutic, ja' no'ox laj jpascutic ti c'u yepal ja' cabtel laj ca'icutique.’ ”

San Lucas 5:8

C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

2 Corintios 12:11

Laj jpas jba jech c'u cha'al junuc chuvaj. Ja'uc le'e, vo'oxuc laj asujicun c'alal oy ta aventaic ta yalel ti jc'oplal jechuque. Yu'un ja' tsots sc'oplal laj ava'iic ti banquilal jcholc'opetic ti ats'acliojique, ti ja' mu sta ti jc'oplal laj ava'iique. Ti jech mu'yuc la c'usi xitun o une,

Deuteronomio 8:18

Tsots sc'oplal ti vuleso ta avo'ntonic ti Ajvalil Dios avu'unique. Yu'un ja' laj yac'boxuc avipic ta stael. Yu'un laj c'otuc ta pasel yu'un ti strate ta atojolic jech cu cha'al laj ono'ox yalbe ya'i ti amolmuc'totic ti laj ech'icuc ta vo'nee.

1 Pedro 5:5

Ja' jechoxuc ec, queremetic, ch'unbeic smantal ti buch'utic yich'oj yabtelic ta atojolique. Nijano chimano abaic ti jujunoxuque. Jmojuc avo'ntonic acotolic, yu'un xi ta xal ti ch'ul c'ope: “Ti Diose ta scontrain ti buch'u toyobba xa'i sbaique. Ta yutsil slequil yo'nton ta scolta ti buch'utic biq'uit ta xac' sbaique.”