Génesis 3:5 - Bible in Tzotzil de Chamula

⁵ Yu'un ti Diose sna'oj lec ti c'alal ta xalo'beic ti sat te' le'e, ta sjam ti asatique yo' jech ta xavilic ti c'usi leque xchi'uc ti c'usi chopole. Yu'un ta xac'otic jech c'u cha'al ti Diose.

Bible in Tzotzil de Chenalhó with Deuterocanon

⁵ Yu'un li Diose sna'oj ti chjam asatic me laj alo'ique; chlic ana'ic c'usi lec xchi'uc c'usi chopol. Chaco'lajic jech chac c'u cha'al Dios —xi.

Génesis 3:5 Iomraidhean Croise

Génesis 2:17

Yan ti te' ta xac' ta na'el ti leque xchi'uc ti chopole, mu xalo'be ti sate. Yu'un mi laj alo'e, jbel sc'oplal ta xacham.”

Génesis 2:9

Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Génesis 3:10

Xi laj stac' ti vinique: —Laj ca'i ti tey ta xaxanav ta ts'unubaltique. Lixi', yu'un t'analun. Jech o xal laj jnac' jba.

Génesis 3:22

Xi laj yal ti Diose: —Avi tana ti vinique jech xa ic'ot jech c'u cha'al ti vo'otique. Laj xa sna' ti c'usi leque xchi'uc ti c'usi chopole. Naca mi xbat stsac ti sat te' ti ta xac' cuxlejale, ti ta slo' yo' jech ta xcuxi oe.

Génesis 3:7

Ti jech taje, ta jech to yepal, jam ti satique, ja' to laj yilic ti t'anal xchibalique. Ja' yu'un un, lic sts'isic yanal te' yo' ta smac o sbaic.

1 Reyes 22:6

Ti ajvalil yu'un ti Israele laj stsob scotol ti j'alc'opetic ti oy nan nopoluc chanib ciento (400) ta vo' ta scotole. Va'i un, xi lic yalbe ya'ie: —¿Mi xu' xbat jtsac ta leto ti Ramot ti oy Galaade, mi mo'oj? Ti stuquique xi laj staq'uique: —Ba tsaco ta leto, ta xac'bot ta avoc ta ac'ob ti Diose.

2 Crónicas 32:15

Ja'uc le' un cha'e, mu xavac' abaic ta lo'lael, ta xch'unbel sc'op ti Ezequiase. Mu tac'aluc xc'ot avu'unic. Mi junuc diosetic ta xcuch yu'un ta spojel ti steclumal ta coc jc'obcutique, ti poj yu'un ta yoc ta sc'obic ti jmolmuc'totcutic laj ech'icuc ta vo'nee. ¡Bu xa la ba cuchuc yu'un spojeloxuc ta coc ta jc'obcutic ti Dios avu'unique!’ ”

Salmos 12:4

xchi'uc ti buch'u xi ta xalique: “Oy que jti'tic un quere, xpac xa cuni c'oplaltic yu'un ti quetique. ¿Buch'u la xu' yu'un ta xispasotic ta mantal un?”

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Éxodo 5:2

C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Isaías 14:14

Xjelav to ta ba toc ta xic'ot, ti co'ol j'elan ta xic'ot jech c'u cha'al ti Dios ti scotol xu' yu'une.’

Ezequiel 13:22

“Ta scoj ajutbilal c'opic, tsic' xa yo'ntonic ti buch'utic xa'ibeic xchiquinale c'alal mu jechuc oy ta co'nton ti vu'une. Ti buch'utic mu'yuc xch'ulel xa'i sbaique, laj avac'beic sna' ti yac'beicuc yipal ta spasel ti chopole yo' mu staic ti xcuxlejalique.

Ezequiel 28:12

“Yojtot, xi laetan liquel ta me'inal q'uejimol sventa jlajel jtubel ti ajvalil yu'un ti Tiroe: ‘Xi s'elan ta xal ti Diose: Mu'yuc buch'u staoj yan ma' ti c'u s'elan lac'ote. Mu albajuc ma' ti abijile, xchi'uc ti alequil avutsilale.

Ezequiel 28:2

“Yojtot, xi xavalbe ya'i ti ajvalil yu'un ti jteclum Tiroe: ‘Xi s'elan ta xal ti Diose: Mu'yuc xa ono'ox buch'u xtaun o laj ava'i xchi'uc ti atoyobbaile, lac'ot ta jun dios laj ava'i aba ti chotolot ta spasob mantal ti diosetic ti joyobtabilot ta nabe. Laj anop ti jech abijil jech c'u cha'al jun diose, naca vinicot no'ox, ma'uc jun dios.

Ezequiel 28:9

¿Mi jech to van diosot xava'i xcal va'alot ta stojol ti avajcontrae? Uni vinicot no'ox ma' ti oyot xa ta sc'ob ti buch'u ta smilote.

Ezequiel 29:3

Xi xavalbee: ‘Xi s'elan ta xal ti Diose: Contra xaquil, faraón, ajvalilot yu'un ti Egiptoe, muc' ta chanul vo' xava'i aba xanuxet no'ox ta sti'il avuc'ume, ti xi ta xavale: Cu'un ma' ti muc' ta uc'um Niloe, laj jmeltsan un.

Daniel 4:30

ti xi lic yalbe sbae: “C'u xa no'ox yutsil ta xilic ti q'ue smuc'ul bat ti jteclum Babiloniae. Yu'un ta jmuc'ul jtsatsal, meltsaj cu'un ti jech muq'uib ta j'ech'ele yo' jech c'ot ta jtsobvanej jteclum ti bu ta jpas-mantale, yo' jech ta xquicta comel jna'obil ti oy jmuc'ul jtsatsal li'ech'e.”

Daniel 6:7

Yu'un scotol ti its'inal ajvaliletic ti sbainojic ta spasel mantal ta sjunul ti muc' ta lume, c'ot ta pasel ti laj stsob sbaique. Laj svules ta yo'ntonic ti ac'o yich' alel ti loc'uc mantal yu'un ti ajvalile, ti mu'yucuc buch'u xnijilet xchimilet ta sc'oponel mi junuc ti yan diose, mi ja'uc ta stojol jun vinic ti ta xloc' ti lajuneb xcha'vinic (30) c'ac'ale, ti ja'uc no'ox atuc ti cajaluc ac'oplal ta xc'ot yu'unic ti Jcuch abtelote. Ti buch'u mu xac' ta venta ti va'i s'elan taje, ac'o ba yich' tiq'uel ta nail ch'en ti bu tiq'uil ti leonetique.

San Mateo 6:23

Mi mu'yuc lec ti sbec' asatique, oy ta ic'al osil sjunul ti abec'talique. Mi ic' ta j'ech'el ti xojobal ti oy ta atojole, mu'yuc xa yan ic'al osil jech c'u cha'al ti ic'al osil taje.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

2 Tesalonicenses 2:4

Ti me'mulil vinic taje ta scontrain scotol c'usiuc no'ox ti ich'bil ta muc' yu'un ti jnaclejetic ta banomile. Ta scontrain ti buch'utic oy ta ye ta sti'ic ta yalbel sc'oplal ti Diose. Ta xc'ot ta pasel yu'un ti ta xlic chotluc ta spasel mantal ta xch'ulna ti Diose, ti ta sbis sba ti ja' xa Dios ti stuque.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 13:4

Ti jnaclejetic ta banomile lic yich'ic ta muc' ti muc' ta tsajal jti'oval chone, ta sventa ti ac'bat smuc'ul stsatsal yu'un ti jti'oval chon loc' talel ta nabe, xchi'uc laj yich'ic ta muc' ti jti'oval chon loc' talel ta nab ti xi ta xalbeique: “¿Buch'u xa la yan xu' yu'un jech c'u cha'al ti xi'bal sba jti'oval chon li'e, xchi'uc buch'u la xu' ta stsal yu'un?”

Jueces 3:2

Mu'yuc xtijatic ta c'op yu'un ti Diose, sventa yo' ta xchanic yaq'uel leto ti buch'u mu'yuc yilojic jutebuc ti ac'-letoe.