Génesis 3:4 - Bible in Tzotzil de Chamula

⁴ Ja'uc ti chone xi laj yalbe ti antse: —Mu meleluc, mu xachamic yu'un.

Bible in Tzotzil de Chenalhó with Deuterocanon

⁴ Pero li chone jech laj yalbe li antse: —Mu meleluc. Mu xachamic yu'un.

Génesis 3:4 Iomraidhean Croise

Génesis 3:13

Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

Génesis 3:3

Ja' no'ox un, mu xu' jlo'becutic sat ti jpets ti teq'uel ta o'lol ts'unubale. Yu'un laj yalbuncutic ti Diose, mi ja'uc xu' ta jtul jlo'becutic sat ti te' le'e. Yu'un ti mi jech ta jpascutique, ta xichamcutic.

2 Reyes 1:16

Va'i un, xi laj yalbe ya'ie: —Xi ta xal ti Diose: ‘Ti jech laj atac batel avinictac ta sjaq'uel aba ta stojol ti Baal-zebub sdiosic ti Ecrone, ti laj apas aba ti co'ol xa s'elan yilel ti ch'abal sDiosic ti israeletic yo' jech ta xajac'bee, ja' yu'un un, mu xa xatam aba ti jech puch'ulot ta ateme. Ta xacham.’

2 Reyes 1:4

Albo ya'i xtoc ti vu'un Diosune xi ta xcalbe ya'i ti Ocoziase: ‘Ma' ti jech puch'ulot ta atem le' une, mu xa xatam aba. C'ajomal no'ox ta xacham.’ ” Ti Eliase bat. Jech laj spas jech c'u cha'al albate.

2 Reyes 1:6

Xi laj stac' ti stuquique: —Laj jnupcutic ta be jun vinic ti laj yalbuncutic ti sutcuncutic talel ta stojol ti ajvalil ti laj stacuncutic batele, ti xi la calbecutic ya'ie: ‘Xi ta xal ti Diose: ¿Mi ch'abal Dios yu'un ti israeletic yo' jech ta sjac' sba ta stojol ti Baal-zebub dios yu'un ti Ecrone? Ti jech yacalot ta spasel le'e, mu xa xatam aba ti puch'ulot ta ateme. C'ajomal no'ox ta xacham.’

2 Reyes 8:10

Xi tac'bat yu'un ti Eliseoe: —Batan, ba albo ya'i ti ta x'ech' yu'un ti xchamele, ac'o mi laj xa yac'bun jna' ti Diose ti ta ono'ox xchame.

2 Crónicas 18:21

Ti ch'ulelale laj yal ti ta stic'be jutbil c'op ta sjol scotol ti j'alc'opetic yu'un ti ajvalile. Va'i un, albat yu'un ti Diose ti ta xc'ot ta pasel ti ta xlaj ta lo'lael yu'unique, ti batuc ta spasele.

Salmos 10:11

Ti buch'u mu'yuc xch'ulel xa'i sbae, ta snop ti sna' xch'ayvan ti Diose, ti xu' ta sq'uej liqueluc ti sate, ti oy bu jtosuc ti mu xile.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

2 Corintios 2:11

Ti jech taj une, yo' mu xistsalotic ti pucuje, yu'un xcojtiquintic lec c'u s'elan ti smanyae.

Deuteronomio 29:19

“C'alal mi laj xa ava'iic scotol ti va'i s'elan yip ti trate ti ic'ot ta rexticoe, yic'al nan oy jun chiboxuc ti oy slequilal yutsilal ta xa'i sba ti xi ta xlic snope: ‘Buch'u la sventa mi ja' ta jpas ti c'usi xal ti co'ntone, lec ta xc'ot ta loq'uel cu'un scotol.’ Ti buch'u taje, ta xc'ot ta pasel ti ja' ta scoj ta xac'be svocol scotol ti yane.

1 Timoteo 2:14

Ma'uc laj ta lo'lael ti Adane, ja' ti antse. C'alal jech laj ta lo'laele, laj sta smul.