Génesis 3:16 - Bible in Tzotzil de Chamula

¹⁶ Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Bible in Tzotzil de Chenalhó with Deuterocanon

¹⁶ Jech laj yalbe ec li antse: —Chaquepajesbot xc'uxul ti c'alal cha'alaje. Ep c'ux chava'ay ti c'alal ta xvoc' avalabe, pero chcuch avu'un, yu'un ja' lec chava'ay ti chachi'in amalale, jech ja' ta spasot o ta mantal —xut.

Génesis 3:16 Iomraidhean Croise

Génesis 4:7

Ti lecuc ta xapas abae, xu' xatoy ti asate. C'u stu un, mu jechuc ta xapas. Jech ti mulile smalaoj xa yo' ta xayu'ninot. Manchuc mi jech un, xu' xatsal ti jechuque.”

1 Crónicas 4:9

Ti Jabese, stuc no'ox ti cajal sc'oplale, mu sta ti xchi'iltac ta voq'uele. Biiltasat Jabes yu'un ti sme'e, yu'un xi laj yale: “Melel xcal, ep laj quich' jvocol yu'un xc'uxul c'alal laj jvoq'uese.”

Ester 1:20

Ti mantale, yich'uc aq'uel ta na'el ta scotol ti bu c'alal amacoje, ja' to jech ta xlic yich' ta muc' smalal scotol ti antsetique, ti c'uc no'ox s'elan oyique.

Salmos 48:6

Xi s'elan u'ninatic yu'un ti xi'el ta j'ech'ele: xbaletic xa liquel yu'un ti xc'uxule, co'ol s'elan junuc ants ti liquem xc'uxul xch'ut ta svoq'uesel ti yole,

Isaías 13:8

Xbaletic xa xchi'uc yipal jech c'u cha'al xc'uxul alajel ta xa'i ti antse. Yu'un ta jujun tal mu xa stac' a'yieluc ta xa'iic ti sq'uel q'uelbe sba ti satique, ti vajal ta c'oc' satic yu'un ti q'uexlale.

Isaías 21:3

Xt'elt'un xa yu'un ti jbec'tal jtacopale. Xibalet xa xchi'uc xc'uxul jech c'u cha'al jun ants ti xbalet xa xchi'uc xc'uxul xch'ut ti c'alal ta svoq'ues ti yole. Mu xa xca'i c'usi ta xc'ot ta pasel yu'un ti vul o'ntone. Mu xa xquil c'usi ta xc'ot ta pasel ti batem ti jch'ulel ta xi'el yu'une.

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Jeremías 13:21

“¿C'usi stac' xaval un, jteclum Jerusalén, ti ta xlic spasot ta mantal ti buch'u laj atojobtase? Jech avocol ta xava'i yu'un, jech c'u cha'al ta svoq'ues yol ti antse.

Jeremías 22:23

Tana le'e, jun to avo'nton oyot ta avayeb ta ch'ut te'etic ti ich'bil talel ta vits Líbanoe. Le'e, q'uelel ta atojol ti mu x'ech' yipal ti avocole. ¡Mu yanuc xc'uxul jech c'u cha'al ta xvoc' ti olole!”

Jeremías 4:31

Ta xca'i ti oy buch'u x'avet xa yu'un ti xc'uxule, ti co'ol jech c'u cha'al jun ants ta svoq'ues ti sba yole. Ja' jteclum Sión ti xq'ueq'uet xa ta avetele, ti xi ta xal ti sye' xa tal ti sc'obe: ‘Mu xa ono'ox cha'bel un, ta xismilic ti jmilvanejetique.’ ”

Jeremías 49:24

Ti jnaclejetic ta Damascoe laj yipal yu'un. C'ajomal xa no'ox q'uelel ti bu ta xjatav batele. U'ninat xa yu'un ti xi'ele, ti vocole, xchi'uc ti c'usi mu ts'icbaj yipal jech c'u cha'al ta svoq'ues yol ti antse.

Jeremías 6:24

Ti jnaclejetic ta Jerusalene xi ta xalique: “Laj ca'icutic vul talel ti lo'ile. Mu xa ta banomiluc oyuncutic yu'un ti xi'ele. C'ot ta jtojolcutic ti mu ech'baj ti vocole, ti mu yanuc yipal jech c'u cha'al ta xa'i ti ants c'alal ta svoq'ues ti yole.

Números 30:13

“Ti c'usi yaloj ta spas ti yajnile ti oy sc'oplal ta xicta ti yote, ti malalile xu' ta xalbe sc'oplal mi ta xc'ot ta pasel yu'une, mi ta xch'aybe sc'oplal ti c'usi yaloj ti yajnile.

San Juan 16:21

C'alal ta svoq'ues yol ti jun antse, mu x'ech' ta xa'i ti svocole, ja' ti sta xa yorail ti xc'uxule. Ts'acal to un, mi voc' xa ti yole, ta xch'ay ta yo'nton ti xc'uxule, xmuyubaj xa ti lec voc' ti yole.

1 Corintios 11:3

Ta jc'an ti ac'o ava'ibeic smelol li'e. Ti jujun vinique ja' sjolinojbe sjol ti Cristoe. Jech xtoc ti jujun ants ti nupul ts'acale ja' sjolinojbe sjol ti smalale jech c'u cha'al ti Cristo ja' sjolinojbe sjol ti Diose.

1 Corintios 14:34

Ti antsetique ts'ijlicuc c'alal oyic ta tsobobbaile, mu xtuch'ic ta be c'op. Yu'un ja' yabtelic nijil chimil ta stojol snup xchi'ilic jech c'u cha'al ta xal smantal ti Diose.

1 Corintios 7:4

Ti ants nupul ts'acale, ma'uc yu'un stuc ti sbec'tale, ja' yu'un ti smalale. Ja' jech xtoc ti vinic nupul ts'acale, ma'uc yu'un stuc ti sbec'tale, ja' yu'un ti yajnile.

Colosenses 3:18

Antsetic ti nupul ts'acaloxuque, co'oluc me avo'ntonic xchi'uc ti anup achi'ilique, yu'un ja' jech sc'an xapasic ti vo'oxuc avich'ojic ta muc' ti Cajvaltique.

1 Tesalonicenses 5:3

Yu'un ti c'alal xi ta xalic ti jnaclejetic ta banomile: “Lamajem c'op, mu'yuc xi'el, lec oy scotol”, ja' o ta jech yepal ta xtal ti tsots vocol ta stojolic jech c'u cha'al junuc ants ta ora no'ox stsic'luj xc'uxul ti yole, mi junuc oy buch'u ta xcol.

1 Timoteo 2:13

yu'un ja' ba'yel meltsane yu'un Dios ti Adane, ts'acal to un, ti Evae.,

1 Timoteo 2:15

Ja'uc ti antse ta xcol mi ta sbis sba lec ta me'ile, mi j'ech'el c'otem ta yo'nton ta xch'unel ti Cajvaltique, mi oy ti syail xc'uxul yo'ntone, mi stuc'ulanoj sbae.

SUN TITO 2:5

ta spasel ti c'usi leque, ti lecuc ti stalelique, ti tojobuc ta sventainel ti snae, ti oyuc ti slequil yo'ntone, ti co'oluc yo'nton xchi'uc ti smalale yo' jech mu'yuc buch'u chopol ta xc'opoj ta stojol ti lequil ach' c'op yu'un ti Diose.