Génesis 3:13 - Bible in Tzotzil de Chamula

¹³ Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

Bible in Tzotzil de Chenalhó with Deuterocanon

¹³ Li Muc'ul Diose jech la sjac'be ec li antse: —¿C'u yu'un ti jech laj apase? —xut. Itac'ov li antse: —Ja' la slo'laun li chone jech la jlo' —xi.

Génesis 3:13 Iomraidhean Croise

Génesis 12:18

Jech o xal ti faraone laj stac ta iq'uel ti Abrame, ti xi laj yalbee: “¿C'u cha'al jech laj apasbun? ¿C'u cha'al mu laj avalbun ca'i ja' avajnil ti ants li'e?

Génesis 44:15

Ja' o xi albatic yu'un ti Josee: —¿C'usi ta xapasic ox ava'iic? ¿Mi mu xana'ic ti jun vinic jech c'u cha'al ti vu'une sna' xt'unvan?

2 Samuel 3:24

Va'i un, ti Joabe xi laj yalbe ti c'alal bat sq'uel ti ajvalile: —¿C'usi laj apas, Jcuch Abtel? Ay svu'lanot ti Abnere ti aq'ueloj bat avu'une.

1 Reyes 13:18

Ja'uc ti mol une xi lic yalilan ti naca ta sjute: —J'alc'opun ec jech c'u cha'al ti vo'ote. Ta sventa ti jun yaj'anjel Diose laj yalbun mantal ti ta xquic'ot batel ta jnae, ti ta xcac'bot ave'el avuch'ome.

Levítico 12:5

Yan ti mi ja' tseb ta svoq'uese, ja' chib xemuna ti mu'yuc slequil ta x'ilate, yu'un c'otem ta stojol jech c'u cha'al c'alal yorail ta xil ti xchamele. Ta to xchabi sba batel ta slecubtasel sba vaquib xchanvinic (66) c'ac'al, ja' to ti mi c'ot ta lecubele.

Jonás 1:10

Ti j'abteletic yu'un ti barcoe, bat xch'ulelic ta xi'el ta j'ech'el, ti xi laj yalbeique: “¿C'u cha'al jech laj apas un?” Yu'un laj xa sna'ic ti ta xjatav ta stojol ti Diose, ja' ti laj xa yal ta jamal ti stuque. Va'i xtoc un, xi laj yalbeique: “¿C'usi xu' ta jpascutic ta atojol yo' jech ta sts'ijtsaj ti nabe?” Yu'un ti nabe yantic xa stsac yip ta yuq'uilajel.

San Juan 18:35

Xi laj stac' ti Pilatoe: —¿Mi yu'un judioun ya'yel ec? Ja' laj yac'ot ta coc ta jc'ob ti ateclumale, ti banquilal paleetique. ¿C'usi laj apas?

Romanos 7:11

Yu'un ti mulile laj slo'laun, yu'un laj stunes ti oy c'usi tsots sc'oplal albile. Yu'un ta scoj mulil ti laj yac'bun jna' ti mantale, laj jta ti ch'ayel ta xibat yu'une.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

1 Timoteo 2:14

Ma'uc laj ta lo'lael ti Adane, ja' ti antse. C'alal jech laj ta lo'laele, laj sta smul.

1 Samuel 13:11

Ja'uc le' une, xi albat yu'un ti Samuele: —¿C'u cha'al ti jech laj apas le' une? Ti Saule xi laj staq'ue: —C'alal laj quil ti yacal xa ta xbatic ti viniquetique, ti mu xavul ti c'usi ora albil sc'oplal avu'une, ti vololic xa xtoc ti filisteoetic ta Micmase,

1 Samuel 15:15

—Laj yiq'uic talel ta slumal ti Amaleque —xi laj stac' ti Saule—. Ja'uc ti lume laj st'ujic ti c'upil sba chijetique, ti c'upil sba vacaxetique yo' jech ta xchic'beic ta smoton ti Ajvalil Dios avu'une. Ja'uc ti jlome, laj jtsutsescutic ta j'ech'el.