Génesis 3:1 - Bible in Tzotzil de Chamula

¹ Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

Bible in Tzotzil de Chenalhó with Deuterocanon

¹ Li quiletel chon ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse: —¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.

Génesis 3:1 Iomraidhean Croise

Eclesiastés 4:10

Mi oy buch'u yal ta lum junuc yu'unique, ta xtoyvan liquel ti june. Teque' no'ox xch'a un, mi xch'ul tuc yal ta lume, mu'yuc buch'u xtoyun liquel.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

San Mateo 4:3

Ti pucuje nopaj batel ta stojol ti Jesuse yo' ta slajeltsa ti xi laj yalbee: —Mi melel Xnich'onot ti Diose, paso ta mantal ti tonetic li'e ti joybijuc ta pan avu'une.

San Mateo 4:6

Xi laj yalbee: —Mi melel Xnich'onot ti Diose, jipo aba yalel li'e, yu'un xi ta xal ti sc'op Diose: ‘Ti Diose ta xalbe mantal ti yaj'ánjeltaque yo' ta xchabiot, ta xic'ot ta sc'ob yo' jech mu xyayij avacan ta ton.’

San Mateo 4:9

Xi laj yalbee: —Mi ta xaquejan aba ta yich'elun ta muq'ue, ta xcac'bot avu'nin scotol le'e.

2 Corintios 11:14

Taje, mu xa yanuc ti stalelique, yu'un ti pucuj eque ta sbis sba ta jun ánjel ti xojobin no'ox ti yutsile.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

1 Pedro 3:7

Ja' jech ti vo'oxuque, viniquetic ti nupul ts'acaloxuque, a'yibeic sc'op ti avajnilique. Ac'o ya'i avu'unic ti ich'bilic ta muq'ue, ti oyuc ta ajolic ti ja' c'unique. Ma'uc no'ox ti jech c'unique, yu'un ac'bil xcuxlejalic ec ta sventa slequil yutsil yo'nton Dios jech c'u cha'al ta xavich'ic ti vo'oxuque. Jech xapasic un, yo' mu xmac ta be ti ac'opojel ati'inelic ta stojol ti Diose.

Apocalipsis 12:15

Ti tsajal jti'oval chone laj sjip loq'uel vo' ta ye, ti laj sjoybin ta jun muc' ta uc'um yo' jech ta xjoch batel ti antse.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.