Génesis 26:4 - Bible in Tzotzil de Chamula

⁴ Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Bible in Tzotzil de Chenalhó with Deuterocanon

⁴ Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 26:4 Iomraidhean Croise

Génesis 13:16

Vu'un ta jpas ta stojolic ti ta xcac' epajuc jech c'u cha'al spucuquil ti banomile. Jech c'u cha'al mu atbajuc c'u yepal ti pucuque, ja' jech mu atbajuc yepal ta xbat ti anitilultaque.

Génesis 15:18

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Génesis 15:5

Ja' yu'un un, ti Diose laj yic' loq'uel ti Abram ti xi laj yalbee: —Q'uelo avil batel ti vinajele. Ato avil ti c'analetic mi xchap avu'une. Ja' yu'un un cha'e, ja' jech yepal ta xbat ti anitilultaque.

Génesis 18:18

Yu'un ti stuque ta xc'ot ta totil yu'un ti jun muc' ta lume, xchi'uc xi'bil. Yu'un laj calbe ya'i ja' ta sventa stuc ta sc'upinic c'uxubinel cu'un scotol ti muc'tic lumetic oy ta sbejel banomile.

Génesis 26:24

Ta yac'ubalil taje, laj yac' sba iluc ti Dios ta stojolale, ti xi albate: “Diosun yu'un ti atot Abrahame. Mu xaxi', yu'un li' jchi'inojote. Ta sventa ti cajtunel Abrahame, ta jva'an jba ta atojolal, yu'un ta xcac' epajuc ti anitilultaque.”

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

Génesis 28:3

Ti Dios scotol xu' yu'une, ac'o sva'an sba ta atojol. Ac'o yac'bot ep anitilultac yo' jech ta xlic ayanuc epal muc'tiquil lumetic ta aventa.

Génesis 35:12

Yu'un ti banomil laj cac'be yich' ti Abrahame xchi'uc ti Isaaque, ta xcac'bot avich' ec. Ts'acal to un, ta xcac'be yich' ec ti anitilultaque.”

Génesis 47:27

Ti israeletique com nacliicuc ta Egipto. Laj yich'ic yosilal ti Gosene. Lic epajicuc ta j'ech'el.

1 Crónicas 27:23

Ti David une mu'yuc laj stsacbe sbi ti buch'utic mu to ta sta jtob jabil yich'ojique, yu'un yaloj ono'ox ti Diose ti ta sboles ta j'ech'el ti israeletic jech c'u cha'al ti c'analetic ti oy ta vinajele.

Salmos 72:17

J'ech'eluc oyuc ta eil ti'il sc'oplal ti ajvalile; jechuc s'elan c'ac'al jalijuc ta xvinaj ti cuchem yu'une. Ja'uc ta sventa staicuc ti mu'yucuc c'usi sna'ic scotol ti muc'tiquil lumetic ta banomile. Stuc xa no'ox jech ta j'ech'el xiicuc yu'un ti muc'tiquil lumetique.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Éxodo 6:4

Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Hechos 3:25

C'otem ta aventaic ti oy c'usi ta xac' ti Dios ta sventa ti laj yalic ti yaj'alc'opetique. C'otem ta aventaic ti strate Diose laj spas xchi'uc ti jmolmuc'totic Abrahame, ti xi laj yale: ‘Ta sventa anitilultac ta staic lequilal utsilal scotol ti jnaclejetic ti oyic ta sjoylej banomile.’

Gálatas 3:16

Ja' jech laj yal ec ti Dios ta stojol ti Abraham ta sventa sc'oplal ti jun snitilule. Ti ts'ibabil ta ch'ul c'ope, ma'uc ta xal ti ta sventa snitilultac ti Abrahame, ti ta staic slequilal yutsilal ti jnaclejetique, ti co'ol s'elan jun yepal ya'luque. Mo'oj, yu'un laj yal ti Diose ti ta staic slequilal yutsilal ti jnaclejetic ta sventa ti jun snitilul ti Abrahame, ja' sc'oplal Cristo ma' taje.

Gálatas 3:8

Ti ch'ul c'ope, vo'ne xa ono'ox laj svinajesbe sc'oplal ti jyanlumetic ta staic ti lec ta x'ileic yu'un Dios ta sventa ti ta xc'ot ta yo'ntonic ta xch'unele. Jech o xal ti Diose laj svinajes ti lequil ach' c'op yu'un ta stojol ti Abrahame: “Ta aventa vo'ot, ta staic slequilal yutsilalic ti jnaclejetic ti oyic ta sjoylej banomile”, xi ti Dios ta stojol ti Abrahame.

Deuteronomio 13:17

“Mi ja'uc xavich'ic comel ti c'usitic chapbil xa sc'oplal ta xich' tubele. Jech o xal un, mi ja'uc ta x'ilin ti Dios ta atojolic une. Yu'un c'ajomal no'ox ta xc'ot ta pasel ti c'ux ta xaya'iique, ti ta xac' epajanic jech c'u cha'al albilic ti amolmuc'totic ti laj ech'icuc ta vo'nee.

Deuteronomio 9:5

Mo'oj, yu'un ma'uc ta sventa ti xana' c'usi xavut abaic yu'un ti abijilique. Mi ja'uc ta sventa slequilal yutsilal avo'ntonic ti yo' jech la'ochic ta yu'ninel ti slumalique. Yu'un ti jech ta xtenatic loq'uel yu'un ti Dios ta aba ta asatique, ja' ta scoj ti xchopolalique, xchi'uc xtoc yo' ta xc'ot ta pasel yu'un ti strate ti laj ono'ox yalbe ya'i ti amolmuc'totic Abrahame, ti Isaaque, xchi'uc ti Jacob ti laj ech'icuc ta vo'nee.

Hebreos 11:2

Ti jech c'otem ta yo'ntonic ta xch'unel ti jmolmuc'totic ta vo'nee, laj staic ti lec ileic yu'un ti Diose.