Génesis 24:3 - Bible in Tzotzil de Chamula

³ Ta sba ta sat ti Cajvaltique, Dios yu'un ti vinajel banomile, alo ta jamal ti mu xavac'be yic' junuc tseb ti jnich'on Isaac li' ta yosilal Canaán ti bu nacalune.

Bible in Tzotzil de Chenalhó with Deuterocanon

³ Albun ta jamal ta stojol Muc'ul Dios, ja' ti la spas vinajel banamile, ti muc li'uc xasa'be yajnil li jnich'on Isaac li' ta Canaán banamil yo' bu nacalune.

Génesis 24:3 Iomraidhean Croise

Génesis 14:19

Va'i un, xi s'elan xvulvun liquel ta lequil c'op ta stojol ti Abrame: “Ac'o xasts'uiltasot ti Dios ti oy ta toyole, ti ja' laj smeltsan ti vinajele, ti banomile.

Génesis 14:22

Va'i un, ti Abrame xi laj staq'ue: —Caloj xa ta jamal ta stojol ti Ajvalil ti ja' Dios ti oy ta toyole, ti ja' laj smeltsan ti vinajel banomile,

Génesis 21:23

Yu'un ti li' bu va'alotique, va'ano aba ta yalel ta jamal ti mu jutebuc ta xapasbun ti c'usi chopole. Mi ja'uc oy c'usi chopol ta xapasbe ti jnich'nabe, mi ja'uc ti jnitilultaque. Alo ta jamal ti ja' no'ox jech ta xac'uxubinvan jech c'u cha'al laj jc'uxubinote, ti ja' no'ox jech ta xapas xtoc ta stojol ti jnaclejetic yu'un ti jteclum li' ti bu nacalot avi tanae.

Génesis 24:7

Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 27:46

Ts'acal to un, ti Rebecae xi bat yalbe ya'i ti Isaaque: —Mu xa ts'icbaj ta xca'i yu'unic ti hitita antsetic laj yic' ti Esaue. Mi ta xlic yic' junuc hitita tseb ti Jacob jech c'u cha'al le' ti li' nacalic ta Canaane, ja' lec ac'o chamcun lajcun ta j'ech'el.

Génesis 28:1

Va'i un, ti Isaaque laj yic' talel ti Jacobe, xi laj yalbe mantal c'alal laj sc'an ac'o sva'an sba ti Dios ta stojole: “Mu xavic' mi ja'uc junuc tseb ti li' nacalic ta Canaane.

Génesis 28:8

C'alal jech laj yil ti Esaú va'i s'elan taje, laj sna' ti mu junuc yo'nton yu'un stot ta sventa ti canaán antsetique.

Génesis 34:9

Cuts' calalin jbatic yo' xu' ta xquic'cutic ti atsebique. Ja' jech ti vo'oxuque xu' xaviq'uic ti jtsebcutique.

Génesis 38:2

Ti bu taje, c'ot ta sat jun stseb yantsil nich'on jun cananeo vinic ti Súa sbie. Laj yic' sbaic xchi'uc, lic xchi'in yol yu'un.

Génesis 47:31

—¿Mi melel xaval un? —xi lic sjaq'uilan ti stote. —Melel xcal —xi laj stac' ti Josee. Jech ti Israele laj squican sba ta sjol stem.

Génesis 50:25

Jech o xal un, va'ano abaic, albeicun ta jamal, calal jech ta xc'ot ta pasel taje, tsots sc'oplal ta xavich'beicun loq'uel ti jbaquiltaque.”

Génesis 6:2

Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique.

Génesis 6:4

C'alal ti yaj'ánjeltac Dios laj yic'beic yantsil nich'nabic ti viniquetic yo' ta xilic ti xnich'nabic xchi'uque, ja' o lic ayanuc talel ti inate' viniquetic ta ba'yel une, xchi'uc ti ta ts'acal to une. Ti stuquic taj une, puc sc'oplalic ta vo'ne ti jelavem xu' yu'unique.

2 Reyes 19:15

ti xi lic c'opojuc ti'inuc ta stojol ti Diose: “Ajvalil, Dios yu'un ti Israele, ti xi s'elan chotolot ta xapas mantal ti bu va'alic ti c'usi oy xiq'uique: Vo'ot no'ox Diosot jpas-mantalot yu'un ti jpas-mantaletic ta sjoylej ti banomile. Avabtelanoj ta smeltsanel ti vinajele, ti banomile.

2 Crónicas 2:12

Xi to laj sts'ac batel ti slo'il ya'yeje: “¡Lequil c'optabiluc ti Ajvalil Dios yu'un ti Israele, ti c'ot ta meltsajel yu'un ti vinajele, ti banomile, ti laj yac'be jun xnich'on ti ajvalil David ti ech'em sbijile, ti lec tojobtasbile, ti xa'i sbae, ti ta smeltsanbe xch'ulna ti Diose, xchi'uc ti ta smeltsan jbej na bu ta xventainvane!

Esdras 5:11

“Ti stuquic une, c'ajomal laj stac'buncutic ti ja' la ta xich'ic ta muc' ti Dios yu'un ti vinajel banomile, ti ja' la ta xcha'meltsanic ti ch'ulna ti lec meltsajem to ox com yu'un jun muc'ul ajvalil ti ech' ta Israel ta vo'nee.

Nehemías 13:25

Laj jvulilanic ya'iic. Laj jbisic ta cotol chaval. Oy jlom laj jtsac ta majel, laj jnitbe ya'i ta sjolic. Laj jsuj ti yalicuc ta stojol Dios ti mu xic' sbaic xchi'uc jyanlum ti squerem stsebique, mi ja'uc ti stuquic eque. Xi to laj calbeic xtoque:

Nehemías 9:6

Ti Esdrase xi laj yale: “Atuc no'ox ti Diosote, mu'yuc xa yan. Vo'ot laj ameltsan ti vinajele, xchi'uc ti c'usitic oy x'ech' to bu oy ti vinajele, xchi'uc scotol ti c'analetic yu'une. Laj ameltsan ti banomile, xchi'uc scotol ti c'usi oy yu'une, ti muc'tiquil nabetique, xchi'uc scotol ti c'usitic oy yu'une. Avac'ojbe xcuxlej scotol ti c'usitic oye. Jech o xal ti c'analetic ti oy ta vinajele, ta xich'ot ta muc'.

Salmos 115:15

Ac'o sva'an sba ta atojolic ti Diose, ti Buch'u laj smeltsan ti vinajele, ti banomile.

Salmos 136:26

Colaval, utic ti Dios ti oy ta vinajele, yu'un sbatel osil oy syail xc'uxul yo'nton.

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Éxodo 22:11

jech ti buch'u c'ubanbile, jamal ta xal ta stojol ti yajvale, xchi'uc ta stojol ti Diose, ti ma'uc laj yelc'an ti c'usi c'ubanbil yu'un ti yane. Jech ti yajvale ta xich'be ta muc' ti sc'ope. Ja' yu'un un, mu'yuc ta stoj ti c'usi ch'aye.

Éxodo 23:13

“C'otuc ta pasel avu'unic scotol ti va'i s'elan laj cale, xchi'uc xtoc j'ech'eluc me lajuc sc'oplal avu'unic ti tey no'ox ta ave ta ati'ic ta yalilanbel sc'oplal ti yan diosetique.

Éxodo 34:16

Mi ja'uc ti ta xavac'beic yic' stsebic ti aqueremique, ti c'alal yacalic ta mulivajel ta scoj ti nijil chimilic ta yich'el ta muc' ti sdiosique, ti xu' tey capal ta xlic snijan sbaic ta yich'el ta muc' ec ti aqueremique.

Isaías 45:23

Yu'un jtuc xichi ti laj jva'an jba ta rexticoe. Laj cac' que jti' ti ta xitsalvane. Ti jech laj cale, ta xc'ot ta pasel un: Scotolic ta squejan sbaic ta jtojol. Scotolic ta sva'an sbaic ta rextico ta jtojol.

Isaías 48:1

“Ts'et chiquintao ava'i li'e, ti laliquic talel ta sventa sts'unubal ti Jacobe, ti avich'ojbeic sbi ti Israele, ti snitilulot ti Judá xtoque, ti ava'anoj ta rextico ti Diose, ti xavocolet ta stojol Dios yu'un ti Israele, ti mu'yuctic alequile, ti mu xava'ibe lec xchiquinale,

Isaías 65:16

Buch'uuc no'ox ta jteclum ti ta sc'an ti lequilale, ja' ta sc'anbe Dios ti oy stuq'uil sjol yo'ntone. Buch'uuc no'ox ta jteclum ti ta sva'an sba ta rextico ti c'usi ta xale, ja' ta sva'an ta rextico Dios ti oy stuq'uil sjol yo'ntone. Ti ilbajinel ti laj c'otuc ta pasel ta vo'nee, ch'aybil xa c'ot ta o'ntonal, mu'yuc xa ta jsat un.

Jeremías 10:11

(Ti vo'oxuque, israeletic, xi xavalbeic ya'iic ti buch'utic yan yajvalique: “Ti diosetic ti ma'uc laj smeltsanic ti vinajel banomile, j'ech'el ta xtub sc'oplalic li' ta banomile. Mi junuc ta xcom ti c'u yepal oyique.”)

Jeremías 12:16

Ti stuquique yu'un ja' laj yac'beic yil ti jteclumal ti sva'aneluc ta rextico ti Baale. Tana le' une, xu' jmoj ta xnaquiic xchi'uc ti jteclumale, mi ta xc'ot ta yo'ntonic ti c'u s'elan xch'unojic ti jteclumale, xchi'uc mi xi ta xal c'alal ta sva'an sbaic ta rexticoe: ‘Cuxul ma' ti Dios une.’

Jeremías 29:6

Nupijan ts'aquijanic, epajuc avalab anich'nabic. Ti stuquic eque, nupijuc ts'aquijicuc ec, epajuc ta j'ech'el ti yalab xnich'nabique. Ma'uc ti xc'otic ta ulel ti bu taje.

Jeremías 4:2

mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Levítico 19:12

“Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Sofonías 1:5

Ti buch'utic ta xmuyic batel ta sjol snaic ta snijanel xchimanel sbaic ta yich'el ta muc' ti c'usitic ta xac' xojobal ta vinajele, ta jtubbe sc'oplal ta j'ech'el. Ti buch'utic xquejeletic xa ta sva'anicun ta rexticoe, ti sva'anic xa ta rextico xtoc ti dios Milcome, ta jtubbe sc'oplal xtoc.

Números 5:21

va'i unbi, ti Diose ta xac' ta ilel ti ta xac'bot bac vocol ta sba ta sat ti jteclum ti jech asoquesoj abae. Ta xc'ot ta pasel yu'un ti ta situb ti ach'ute, ti ta soques ti yav avole.

1 Corintios 7:39

Ti jun ants nupijem ts'aquijem xae, tsots sc'oplal yic'oj sbaic xchi'uc ti smalal ti c'u sjalil cuxule. Mi cham ti snup xchi'ile, mu'yuc xa pech'el chucul yu'un ti mantale. Xu' xmalij ta yan mi jech ta sc'ane, yavil mi ja' jun jch'unolajele.

Deuteronomio 10:20

“Xi'taic ti Dios avu'unique. Ja'uc no'ox stuc, nijano, chimano abaic ta yich'el ta muc'. Junuc avo'ntonic ta stojol. Ja'uc me xava'an ta rextico ti c'alal ta xava'an aba ta yalel ti jbel xa sc'oplal ta xc'ot ta pasel avu'un ti ac'op laj avalique.

Deuteronomio 6:13

Bic'tajeso ta snijanel xchimanel abaic ta yich'el ta muc' ti Ajvalil Dios avu'unique. C'ajomaluc no'ox tunan ta stojol. C'alal oy c'usi ta xavalic ta jamale, c'ajomaluc no'ox me c'otuc ta rextico avu'un ti stuque.

Hebreos 6:16

C'alal oy c'usi ta sva'an sbaic ta snopel ti buch'uuc no'oxe, ta sva'anic yan rextico ti buch'u x'ech' to cajal sc'oplal yu'unique. C'alal c'ot ta nopel yu'unic ti c'usi laj yalique, mu xa stac' jelel ti c'u s'elan c'ot ta nopel yu'unique.

Josué 2:12

Jech o xal un, avocolicuc, va'ano abaic ta yalbelun avi li'e, xchi'uc ta sba ta sat ti Diose, ti c'uxubinicun xchi'uc ti cuts' calaltac jech c'u cha'al laj jc'uxubinoxuque. Ac'bun quil ec un ti yutsilal slequilal avo'ntonique.

Jueces 14:3

Xi albat yu'un ti stot sme'e: —¿C'u cha'al chbat asa' talel avajnil ta stojol ti filisteoetic ti yan ti c'usi ta snijan xchiman sbaic ta yich'el ta muq'ue? ¿Mi yu'un mu'yuc xa antsetic ta stojol ti cuts' calaltique, xchi'uc ta stojol scotol ti israeletique? Xi laj stac' ti Sansone: —Yu'un ti tsebe, ja' snup jch'ulel canima ti ta jc'an ti c'otuc ta pasel avu'unic ti ta xba ajac'beicun talele.

1 Samuel 20:17

Ti mu xtuch'van ta o'ntonal ti Jonatane, ta jamal laj yal ti lic sva'an ta xcha'alel ti stratee. Mu jipbaj ta xa'i jech c'u cha'al ti mu jipbaj ti sbec'tal ta xa'i ti stuque.

1 Samuel 30:15

—¿Mi xac'an xavic'un batel ti bu oyic ti voletel j'eleq'uetic taje? —xi laj sjac' ti Davide. Ti egipcioe xi laj staq'ue: —Mi j'ech'el ta xava'an ta rextico ti Dios ti mu xamilune, ti mu ja'uc ta xavac'un batel ta yoc ta sc'ob ti cajval to oxe, ta xquic'ot batel ti bu oyique.