Génesis 24:10 - Bible in Tzotzil de Chamula

¹⁰ Ts'acal to un, lic st'uj matanal ti bu lequic oy yu'un ti yajvale. Lic xchapan lajuncot camello. Va'i un, bat ta jteclum Nacor ti oy ta Mesopotamia banomile.

Bible in Tzotzil de Chenalhó with Deuterocanon

¹⁰ Jech te la st'uj batel matanal, ja' li c'usitic ven lequic oy yu'un li yajvale. La yic' batel lajuncot camello, jech te ibat ta slumal Nacor ta Mesopotamia banamil.

Génesis 24:10 Iomraidhean Croise

Génesis 11:26

Ti Taree yich'oj xa ox lajuneb xchanvinic (70) jabil c'alal laj voc'uc ti Abrame, ti Nacore, ti Harane, ti ja'ic xnich'nabtaque.

Génesis 11:29

Ti Abrame laj yic' ti Saraie. Ja'uc ti Nacore laj yic' ti Milcae, xchi'il ta voq'uel ti Iscae, xnich'nabtac ti Harane.

Génesis 11:31

Ti Taree loc' batel ta Ur yosilal ti caldeoetique yo' jech ta xbat nacluc ta Canaán. Laj yic' batel xtoc ti Abram ti ja' xnich'one, xchi'uc ti smom Lot sbie, xchi'uc ti Sarai ti ja' yalibe. Ac'o mi jech un, c'alal ic'otic ta jteclum Harane, com nacliicuc.

Génesis 11:32

Ti Taree cham ta Harán c'alal yich'oj xa ox vo'ob xbuluchvinic (205) jabile.

Génesis 22:20

Ech' xa ox c'u sjaliluc, ti Abrahame laj ya'ibe sc'oplal ti Nacor ti ja' xchi'il ta voq'uele, ti laj xa yil yan yol ti Milca yu'une.

Génesis 24:2

Oy jun c'ac'al, xi laj yalbe jun yajtunel ti vulem xa xch'ulele, ti ja' sbainoj scotol c'usi x'ayan yu'une: —Ac'o ac'ob li' ta yolon co'e.

Génesis 24:22

C'alal laj yuch'ic vo' ti camelloetique, jech ti jtunele laj sloq'ues talel jun xot-xot oro ti yich'oje, vaquib (6) gramo ti yalale. Laj sjoc'anbe ta sni' ti tsebe. Ja' jech xtoc laj yac'be chib xoj nuc' c'obal ti ja' oroe, ti yich'oj vo'vinic (100) gramo ti yalele.

Génesis 24:53

Ts'acal to un, laj sloq'uesan talel ep ta tos c'usitic meltsanbil ta oro, ta plata, xchi'uc c'u'iletic xtoc. Laj yac'be jelavel ti Rebecae. Jech xtoc ti xchi'il ta voq'uele, ti sme'e, laj yich'ic smotonic ec.

Génesis 27:43

Ja' yu'un un, col, ts'etano achiquin ta ya'yiel ti xi s'elan ta xcalbot ava'ie: Jatavan no'ox batel ta anil c'alal to Harán ta sna ti jbanquil Labane.

Génesis 29:1

Ti Jacobe laj stam batel sbe, bat ta banomil ti oy ta sloq'ueb c'ac'ale.

Génesis 29:2

Ti ta osiltique, laj yil oy jun joc' ti lamal ta xcux yo'ntonic oxch'ac chijetic ta sts'ele. Ta xtal yuch'ic vo' ti chon bolometic bu taje. Macal ta jun muc' ta pech-pech ton ti sti'e.

1 Crónicas 19:6

Laj sna'ic ti amonitaetique ti mu x'ilbat sat ti Davide. Jech o xal ti Hanun une, xchi'uc ti amonitaetique, laj staquic ech'el oxlajuneb xcha'vinic ta mil (33,000) kilo plata ta Mesopotamia, ta Siria, ta Maaca, xchi'uc ta Soba sventa sloc'obil carretaetic yu'un ac'ob-leto xchi'uc soldadoetic ti ta xcajiic ta ca'e.

Hechos 2:9

Oy jlomotic liquemotic talel ta Partia, ta Media, ta Elam, ta Mesopotamia, ta Juda, ta Capadocia, ta Ponto, ta Asia.

Deuteronomio 23:4

Yu'un c'alal laloq'uic talel ta Egiptoe, ti la'ech'ic ta slumalique, mi ja'uc laj yac'boxuc jset'uc ave'elic, mi ja'uc jbochuc vo' laj avuch'ic yu'un. Ma'uc no'ox taje, yu'un laj stojic ta taq'uin ti Balaame, xnich'on ti Beor ti liquem talel ta Petor ti oy ta Mesopotamiae, yo' jech ta sc'an alajelic.