Génesis 23:2 - Bible in Tzotzil de Chamula

² Cham ta Quiriat-arba ti ja' no'ox jteclum Hebrón oy ta Canaán banomile. Ti Abrahame ta xoq'uita ti jech cham ti Sarae. Mu x'ech' ta xa'i ti me'inale.

Bible in Tzotzil de Chenalhó with Deuterocanon

² Te icham ta Quiriat-arba, ja' li lum Hebrón te ta yosilal Canaane. Li Abrahame ep i'oc' ta sventa ti icham li Sarae; ep laj yat yo'nton.

Génesis 23:2 Iomraidhean Croise

Génesis 13:18

Ja' yu'un un, ti Abrame laj stsob batel ti yaxibalnae, bat nacluc ta tulantic yu'un jun vinic Mamre sbi, nopol xa ta sts'el jteclum Hebron. Ti bu taje, laj sva'an jun altar ta sventa yich'obil ta muc' ti Diose.

Génesis 23:1

Ti Sarae ch'i c'opoj vucub yucvinic (127) jabil.

Génesis 23:19

Ts'acal to un, ti Abrahame bat smuc ti Sara ta jombil muquinal ta osil oy ta Macpelae, ti oy ta yeloval sloq'ueb c'ac'al yu'un ti Mamree, ti ojtiquinbil xtoc sbiinoj Hebrón ti oy ta Canaane.

Génesis 24:67

Laj taj une, ti Isaaque laj yic' batel ti Rebeca bu oy sna ti Sara ti ja' sme'e. Laj yic' sbaic xchi'uc ti tsebe. Ti Isaaque, snup xa xch'ulel laj ya'i ti Rebecae. Ja' to jech c'ot ta ch'ayel sme'inalil ti anima sme'e.

Génesis 27:41

Ti jech yorail taj une, lic sc'ac'al yo'nton ti Esaú ta stojol ti Jacob ta sventa ti ch'ul lequilal ac'bat yu'un ti stote. Jech o xal xi lic snope: “Jutuc xa sc'an xc'ot ta xicomcutic ta me'inal, ta xa xcham ti jtote. C'alal mi jech ta xc'ot ta pasele, ta xlic jmil ti quits'in Jacobe.”

Génesis 35:27

Ti Jacobe bat sq'uel ti Isaac ti stot nacal ta Mamree, ti sbiinoj Arba jteclume. Ti yan sbi xtoque, Hebrón, ti bu naquiic ti Abrahame xchi'uc ti Isaaque.

Génesis 37:14

Xi laj stac' ti Israele: —Lec oy un cha'e, batan, ba q'uelo c'u s'elan ti achi'iltac ta voq'uele, xchi'uc c'u s'elan ti chijetique. Sutan no'ox me talel un yo' jech ta xca'i c'u s'elanic. Ti Israele laj stac batel ta stenlejtic Hebrón ti Josee. C'alal c'ot ta Siquem ti Josee,

Génesis 50:1

Va'i un, ti Josee laj sq'uech ti xch'ulelal tote, x'oc'olet xa laj sbuts'.

Génesis 50:10

C'alal c'otic ta Goren-ha-atad oy ta sloq'ueb c'ac'al yu'un ti uc'um Jordane, xvochetic xa liquel ta oq'uel ta scoj at-o'nton yu'un ti me'inale. Jech ti Josee laj to xchabi vucub c'ac'al sme'inalil ti stote.

2 Samuel 1:12

X'oc' x'avanic xa ti jech cham ti Saule xchi'uc ti Jonatán ti ja' xnich'one, xchi'uc ti laj sta svocolic ti israeletic ti ja' yajsoldadotac ti Diose. Mu'yuc o ve'el yu'unic mal ti c'ac'ale.

2 Samuel 1:17

Ja'uc ti Davide lic sliques q'uejimol oq'uel ta scoj sme'inalil ti cham ti Saule xchi'uc ti Jonatán ti ja' xnich'one.

2 Samuel 2:11

Ti David une, vucub jabil xchi'uc vaquib u sjalil, och ta ajvalilal ta Judae, ti bu chotol ta spas mantal ti ta Hebrón ti muc' ta jteclum yu'une.

2 Samuel 5:3

Ti jech taj une, scotol ti moletic yu'un ti Israele bat sc'oponic ti David ti ja' ajvalil ta Hebrone. Laj spas trate ta stojolic ti laj sva'an ta rextico Dios ti stuque. Va'i un, laj yac'beic snup yabtel ti Davide yo' jech ta x'och ta ajvalil yu'un ti Israele.

2 Samuel 5:5

O'lol xvaxaquibal (7 1/2) jabil och ta ajvalilal yu'un Judá ta Hebrone. Ja'uc ta Jerusalene, och ta ajvalil yu'un scotol Israel xchi'uc Judá oxlajuneb xcha'vinic jabil (33) sjalil.

1 Crónicas 6:57

Snitilultac ti Aarone, ac'batic Hebrón ti pojobbail jteclume, xchi'uc xtoc laj yich'ic ti bic'tal lumetic Libnae, ti Jatire, ti Estemoae, ti Hilene, ti Debire, ti Asane, xchi'uc ti Bet-semese, naca sve'eb chon bolom scotol ma' ti osil taj une.

2 Crónicas 35:25

Ti Jeremiase lic xchapan jun q'uejimol sventa svulesobil yo'nton ti jlajel jtubele. Avi tana le'e, jech to comem yu'unic scotol ti jq'uejimol viniquetique, ti antsetique, ta svulesel ta o'ntonic sq'uejintael sventa svulesobil yo'nton ti jlajel jtubel Josiase. Ti q'uejimoletic taje, na'bil com o yu'unic ta Israel ti ts'ibabil jmoj xchi'uc ti yan q'uejimoletique.

Nehemías 11:25

Jlom snitilultac ti Judae, batic ta naclej ta Quiriat-arba, ta Dibon, ta Jecabseel.

Jeremías 22:10

Mu xa'oq'uic ta sventa ti ajvalil Josiase. Mu xa'oq'uic yu'un ti jech chamem xae. Oc'anic ta sventa ti Salum ti ja' xnich'one. Mu xa sut talel ti jech palch'uj batele. Laj ta alel ma' ti ta xtal stec' xani ti banomil ti bu voq'ue.

Jeremías 22:18

Ti Diose xi ta xalbe sc'oplal ti Joacim xnich'on ti Josías ajvalil yu'un ti Judae: “Mu'yuc buch'u ma' ti x'oq'uic xa ti jech ta xchame. Mu'yuc buch'u ma' ti x'oc'olet xa ti xi ta xale: ‘Mu xa ono'ox cha'bel un, jchi'il ta voq'uel. Mu xa ono'ox cha'bel un, jchapalul. Mu xa ono'ox cha'bel un, ajvalil. Mu xa ono'ox cha'bel un, Jcuch abtel.’

Números 13:22

Ochic batel ta Néguev, c'otic c'alal to Hebrón. Taje, tey nacalic snitilultac ti Anaque, ja'ic ti Ahimane, ti Sesaie, xchi'uc ti Talmaie. Ti Hebrón taje, syucubal xa jabil yich'oj sva'anel ti c'alal laj yich' va'anel ti Zoán ti oy ta Egiptoe.

Números 20:29

C'alal laj yilic ti israeletic ti cham xa ti Aarone, lajuneb xcha'vinic (30) c'ac'al laj yoq'uitaic.

San Juan 11:31

C'alal laj yilic ti va' xi loq'uel ta anil ti Mariae, ti israeletic ti oyic ta na ta spatel ti o'ntonale, tijil batic, yu'un laj snopic ti ta xbat oc'uc ta muquinale.

San Juan 11:35

Oc' ti Jesuse.

Hechos 8:2

Oy jun chib viniquetic oy yutsil slequil yo'ntonic laj smuquic ti Estebane. Ep laj yoq'uitaic.

Deuteronomio 34:8

Ti israeletique, lajuneb xcha'vinic (30) c'ac'al sjalil laj yoq'uitaic ti Moisés ta sbajtical banomil yu'un ti Moabe. Jech sjalil c'ac'al sc'an ta yet'esel sme'inalil ta yoq'uitael ti cham ti Moisese.

Josué 10:39

Va'i un, laj smilic ta espada ti ajvalil yu'une, xchi'uc ti jnaclejetic yu'un ti lumetic ti nopol oyique. Mi junuc jnaclejetic yu'un jteclum Debir ti cuxul laj scomtsanique. Yu'un laj stsutsesic ta j'ech'el scotolic jech c'u cha'al laj spasbeic ti jteclum Hebrone, ti jteclum Libnae, xchi'uc ti ajvaliletic yu'une.

Josué 15:13

Ti ta sbanomilic snitilultac ti Judae, ti Josuee laj yac'be ti Caleb xnich'on ti Jefune, ti c'ot ta pasel jech c'u cha'al albil mantal yu'un ti Diose. Laj yac'be yich' ti Quiriat-arbae, ti lec xcaltique, ti Hebrone, ja' ti muc' ta jteclum yu'unic snitilultac ti inate' vinic Anaque.

Josué 20:7

Ti pojobbail jteclumetic ti laj st'ujic ti israeletique, ja' ti Cedes yu'un Galilea ti oy ta vitstic yu'un ti Neftalie. Laj st'ujic xtoc ti jteclum Siquem ti oy ta vitstic yu'un ti Efraine, xchi'uc ti jteclum Quiriat-arba ti sbiinoj xtoc Hebrón ti oy ta vitstic yu'un ti Judae.

Josué 21:11

Ti ta muc' ta vitstic ti oy ta yosilal ti Judae, laj yaq'uic ti Quiriat-arbae, xchi'uc ti jamal yaxaltic sventa sve'eb ti chon bolometique, ti xcaltique, ja' ti Hebrone, ja' ti muc' ta jteclum yu'unic snitilultac ti inate' vinic Anaque.

Jueces 1:10

Bat stsaquic ta leto xtoc ti cananeoetic ti oyic ta jteclum Hebrone, ti ja' Quiriat-arba sbi to ox ta ba'yele. Tey laj stsalic ti Sesaie, ti Ahimane, xchi'uc ti Talmaie.

1 Samuel 20:31

Ti jech cuxul to ta banomile, chib sc'oplal ti avabtel xchi'uc ti vo'ote. ¡Ja' yu'un un, alo mantal ti ac'o yich' sa'el talele, ti ic'bun talel ta jtojol ti ja' xtun o ta xich' milele!

1 Samuel 25:1

Cham ti Samuele. Scotol ti israeletique laj stsob sbaic ta yoq'uitael ti jech chame. Laj smuquic ta Rama ti bu oy ti snae. Laj taj une, ti Davide bat ta sbajtical banomil yu'un Parán.

1 Samuel 28:3

Ja'uc ti c'alal jech c'ot ta pasel taje, chamem xa ox ti Samuele. Scotol ti israeletique laj yoq'uitaic ti chame. Mucbil xa com yu'unic ta Ramá ta slumal stuc. Ti Saule laj xa ox snutsan loq'uel ta jteclum ti buch'utic sna' xt'unvane, xchi'uc ti buch'utic sna' xic'beic talel xch'ulel ti animaetique.