Génesis 22:4 - Bible in Tzotzil de Chamula

⁴ Ta yoxibal xa ox c'ac'al un, ti Abrahame laj sta ta ilel ta nom ti vitse.

Bible in Tzotzil de Chenalhó with Deuterocanon

⁴ Ta yoxibal xa'ox c'ac'al xanovelic batel, li Abrahame la sq'uel batel ta nom li vitse.

Génesis 22:4 Iomraidhean Croise

Génesis 22:3

Ti Abrahame, sob xa ta yoc'omal, lic slapbe siya ti sburroe. Laj sboj batel si' sventa xchic'obil ti matanale. Bat xchi'uc ti Isaac ti ja' xnich'one xchi'uc chib smosov. Bat bu albil yu'un ti Diose.

Génesis 22:5

Xi laj yalbe ti smosovtaque: —Comanic li' xchi'uc ti burroe. Yan ti vu'un xchi'uc ti jquereme ta to xijelavcutic batel le'e. Yu'un chba jtacutic ta c'oponel ti Diose. Ts'acal to un, ta xisutcutic talel.

2 Reyes 20:5

“Cha'sutan batel, xi bat albo ya'i ti Ezequías jtsobvanej yu'un ti calab jnich'nabe: ‘Xi ta xal ti Ajvalil Dios yu'un ti amolmuc'tot David ta vo'nee: Laj xa ca'i ti xavocolete. Laj quil ta jba ta jsat ti laj amal ti ya'lel asate. Ta jtic' jba ta apoxtael. Ti li' ta yoxibal (3) c'ac'ale, xu' avu'un ta xac'ot ta xch'ulna ti Diose.

Ester 5:1

Ech' xa ox oxib c'ac'al un, ti Estere lic slap sc'u' sventa ti me' ajvalilale. Och batel ta yut na. C'ot sva'an sba ta stuq'uil bu chotol ti ajvalil ta xchotlebe, ta yeloval ti ti'nae.

Éxodo 15:22

Ti Moisese laj yal ti ac'o loq'uicuc batel ti israeletic ti jech oyic ta sti'il Tsajal Nabe. Jech o xal un, xanavic batel oxib c'ac'al ta sbajtical banomil yu'un Shur. Ja' no'ox un, mu'yuc laj staic batel vo' ti ta bee.

Éxodo 19:11

Ja' yu'un un, chapalucoxuc me lec ta sventa ti cha'eje. Yu'un ti cha'eje, ta sba ta sat scotol israeletic, ta xiyal talel ta vits Sinaí ti vu'un Ajvalilune.

Éxodo 19:15

Ja' yu'un un, ti Moisese xi laj yale: —Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.

Éxodo 5:3

Jech ti stuquique xi laj yalique: —Ti Dios yu'un ti hebreoetique tal sa'uncutic. Jech o xal un, ta xibatcutic ta sbajtical banomil ti ja' oxibuc c'ac'al ti sbelele yo' jech ta xcac'becutic smoton ti Ajvalil Dios cu'uncutique. Yu'un mi mo'oje, xu' ta xichamcutic ta chamel, mi ta milel ta espada.

Oseas 6:2

Ta jliquel no'ox ta jtatic ti xlaet xa xca'itic ti banomil yu'une. Ja' stuc ta xistamotic liquel yo' jech ta xicuxi ta stojol.

Levítico 7:17

Yan ti mi tey to oy ta sta ta yoxibal c'ac'al sbec'tal ti chon bolom ti laj yich' aq'uele, ac'o xa yich' chiq'uel scotol.

Números 10:33

Ja' yu'un un, loq'uic batel ta vits yu'un ti Diose, oxib c'ac'al laj stam batel ti sbeique. Ja' jba'be batel yu'unic ti xcaxail trate yu'un ti Diose, ta sa'ilanic batel bu xu' ta xcux ti yo'ntonique.

Números 19:12

Ti ta yoxibal c'ac'ale, xchi'uc ti ta yucubal c'ac'ale, tsots sc'oplal ta stus ta spoc sbaic ta sventa ti jtusvanej jpocvanej vo'e. Ja' to jech ta xlaj yip ti xcuchoj ti sbolile. Yan ti mi mu slecubtas sba ta yoxibal c'ac'ale, xchi'uc ti ta yucubal c'ac'ale, xcuchoj ti sbolile.

Números 19:19

Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 31:19

Scotol ti buch'utic milvanemic xae, ti buch'u laj stic' sbaic ta spiquel ti animae, comic vucub c'ac'al ta spat ti bu lamaloxuc ta nacleje. Ja'uc ti vo'oxuc xchi'uc ti jchuqueletique ta xapoc abaic ta mesel ta tusel ti c'alal ta xc'ot ti yoxibal c'ac'ale, xchi'uc ti c'alal xc'ot sc'ac'alil ti yucubal c'ac'ale.

San Mateo 17:23

Ta smilicun, ta yoxibal c'ac'al un ta xicha'cuxi. Ep laj yat yo'ntonic yu'un ti va'i s'elan laj yal ti Jesuse.

San Lucas 13:32

Xi laj stac' ti Jesuse: —Batanic, xi xbat avalbeic ya'i ti vet taje: “A'yio ava'iic, ti tanae, ti oc'ome, ta to jloq'ues ti pucujetique, ta to jcoles ti jchameletique, ja' to cha'ej ta stsuts cu'un ti cabtele.”

1 Corintios 15:4

Laj smuquic. Ta yoxibal c'ac'al cha'cuxi jech c'u cha'al ta xal ti ts'ibabil ta ch'ul c'ope.

Josué 1:11

“Batanic ta sjunul ti bu lamalic ta naclej ti jchi'iltique, ba albeic ya'i ti ac'o xchapan sbaique. Yu'un li' ta oxib c'ac'ale, ta x'ech' jtuch'tic jelavel ti uc'um Jordane yo' jech ta xcu'nintic ti banomil ti bu ta xac'botic ti Ajvalil Dios cu'untique.”

1 Samuel 26:13

Laj taj une, jelav ech'el ta jot stenlej ti Davide. Laj sva'an sba ta toyol jol vits ti xi snatil xil sbaique. Nat liquil ta j'ech'el ta jujujot ti bu oyique.