Génesis 22:3 - Bible in Tzotzil de Chamula

³ Ti Abrahame, sob xa ta yoc'omal, lic slapbe siya ti sburroe. Laj sboj batel si' sventa xchic'obil ti matanale. Bat xchi'uc ti Isaac ti ja' xnich'one xchi'uc chib smosov. Bat bu albil yu'un ti Diose.

Bible in Tzotzil de Chenalhó with Deuterocanon

³ Ta yoc'omal sob ilic li Abrahame, la scajtsanbe syavarta sburo. La sa' batel si' sventa xchic'ubil li matanale. Ibat xchi'uc li Isaaque, ja' li xnich'one, xchi'uc chib smozo. Te ibat yo' bu albil yu'un Diose.

Génesis 22:3 Iomraidhean Croise

Génesis 17:23

Ja' o jech c'ac'al ti Abrahame lic yac'be yich' circuncisión ti Ismael ti ja' squereme. Ja' jech xtoc laj yac'be yich' circuncisión scotol ti smosovtac ti voq'uemic ta snae, xchi'uc ti smanojane. Scotol ti viniquetic yac'oj sbaic ta tunel ta stojol ti Abrahame, laj yich'ic circuncisión jech c'u cha'al albat yu'un ti Diose.

Génesis 21:14

Sob xa ta yoc'omal, ti Abrahame laj yac'be batel pan ti Agare, xchi'uc jbej vorxa nucul noj ta vo'. Scotol taje, laj yac'be ech'el xcuch. Laj yac'be ta sc'ob ti yol ti Ismael sbie. Laj xch'ac sbaic. Jech ti antse bat. Mi ja'uc xbein ta beinel ti c'alal yacal ta xanav ech'el ta sbajtical banomil ti Beerseba sbie.

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

Génesis 22:2

Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Génesis 22:4

Ta yoxibal xa ox c'ac'al un, ti Abrahame laj sta ta ilel ta nom ti vitse.

Salmos 119:60

Ta ora no'ox laj jsuj jba, mu'yuc xjalij cu'un ta yabtelanel ti amantaltaque.

Eclesiastés 9:10

Ti c'usi oy ta avoc ta ac'ob ta spasele, o'ntolino ta sbainel scotol. Yu'un ta muquinal ti bu ta xac'ot ta tsutsele, mu'yuc c'usi ta xich' pasel. Mu'yuc xa c'usi ta xich' nopel. Mu xa x'abtej ti snopobile. Mu xa x'abtej ti bijilile.

San Mateo 10:37

“Buch'uuc no'ox ti mu tsotsuc jc'oplal ta xiya'ie, ti ja' tsots sc'oplal ta xa'i ti stote, ti sme'e, laj to c'op ti ja' cu'une. Ja' jech xtoc ti buch'u ja' tsots sc'oplal ta xa'i ti xnich'nabe, laj to c'op ti ja' cu'une.

San Lucas 14:26

—Mi oy buch'u sc'an ta xistsacliun ya'i, mi mu xtuch' comel ta yo'nton ti stote, ti sme'e, ti yajnile, ti xnich'nabtaque, ti xchi'iltac ta voq'uele, ti yixleltaque, xchi'uc ti xcuxlejal stuque, mu xu' ta x'och ta cajchanc'op.

Gálatas 1:16

Laj yac'bun cojtiquin ti Xnich'one yo' jech ta xcal batel ti lequil ach' c'op yu'un ta stojol ti jyanlumetique. Mu junuc oy buch'u laj jac'be razon ti c'usi ta jpase,

Hebreos 11:8

Ti jech c'otem ta yo'nton ta xch'unel ti Abrahame, ti c'alal tae ta iq'uel yu'un ti Diose, laj xch'un, loc' batel yo' ta xbat ta banomil ti bu ta x'ac'bat ti xrexto yu'un ti Diose. Laj yicta comel ti yosil sbanomile c'alal mi ja'uc sna' ti bu ta xbate.

Josué 3:1

Sob xa ta yoc'omal un, ti Josué xchi'uc scotol ti israeletique loq'uic batel ti ta Sitime. C'otic c'alal ta uc'um Jordán. Ti c'alal mu to ta x'ech' xtuch'ique, c'ot slaman sbaic ti bu taje.

Josué 8:10

Ta yoc'omal un, sob xa lic ti Josuee. Lic xchol ti svinictaque. Va'i un, jba'be batel jmoj xchi'uc ti moletic yu'un ti israeletique, bat stsaquic ta leto ti jteclum Haie.