Génesis 22:2 - Bible in Tzotzil de Chamula

² Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Bible in Tzotzil de Chenalhó with Deuterocanon

² Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.

Génesis 22:2 Iomraidhean Croise

Génesis 17:19

Xi tac'bat talel yu'un ti Diose: —Ti c'usi laj xa calbote, yu'un ta xc'ot ta pasel. Yu'un ti avajnil Sarae ta xavilbe sat jun aquerem yu'un. Jech ti vo'ote, Isaac, ta xavac'be sbi. Yu'un ja' ta xcom o cu'un ta stojol ti jtratee. Taje, j'ech'el ta xcom o ta stojolic ec ti snitilultaque.

Génesis 21:12

Ja' no'ox un, xi albat yu'un ti Diose: “Mu xavul avo'nton xchi'uc ti aquereme, ti ame' mosove. Paso scotol jech c'u cha'al ta sc'anbot ti Sarae, yu'un ti anitilultaque ta x'ayan talel ta sventa ti Isaaque.

Génesis 21:3

Sbi xnich'on ti Abraham laj yac'be ti voq'uesbat yu'un ti Sarae, ja' Isaac.

Génesis 22:12

Ti ánjele xi laj yale: —Mu xayales ac'ob ta stojol ti quereme. Yu'un laj xa quil ti axi'taoj ti Diose. Yu'un mu'yuc laj ajalta ta yac'belun ti c'ajomal yo jun ti aquereme.

Génesis 22:16

Xi laj yale: —Ti Diose xi ta xale: “Ti jech laj apas ti mu'yuc xajaltabun ti c'ajomal yo jun ti aquereme, ta jva'an jba ta rextico jtuc.

Génesis 22:3

Ti Abrahame, sob xa ta yoc'omal, lic slapbe siya ti sburroe. Laj sboj batel si' sventa xchic'obil ti matanale. Bat xchi'uc ti Isaac ti ja' xnich'one xchi'uc chib smosov. Bat bu albil yu'un ti Diose.

Génesis 22:9

C'alal c'otic bu albilic yu'un ti Diose, jech ti Abrahame lic smeltsan jun altar. Laj yac'be si'il. Ts'acal to un, lic xchuc ti Isaac ti ja' xnich'one. Laj scajan ta ba si' oy ta altar.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

2 Reyes 3:27

Ta scoj taje, va'i un, laj stsac ti sbanquilal nich'on ti oy ox sc'oplal ta x'och ta xq'uexol ta ajvalilale, lic xchic' ta matanal ta sba smocal ti jteclume. Tsots lic sc'ac'al yo'nton yu'unic ti israeletique. Laj stuquiic ti yaxibal naic ti bu vololic to oxe. Sutic batel ta slumalic.

2 Crónicas 3:1

Ti Salomone lic sliquesbe smeltsanel xch'ulna ti Dios ta vits Moria ti oy ta Jerusalén ti bu laj yac' sba iluc ti Dios ta stojol ti David ja' ti stote, ta osil ti laj xchapanbe yavil ti David ta smajob trigo ti Ornán ti jebuseo xcaltique.

Miqueas 6:7

¿Mi yu'un ja' to jech xlaet ta xa'i Dios mi ta xcac'be ta smoton jmil (1,000) ta cot chije? ¿Mi yu'un ja' to jech xlaet ta xa'i mi ta xcac'be ta smoton ti aceite ti co'ol s'elan lajunmil (10,000) yoc uc'um ti xbalaq'uin no'ox ti yoque? ¿Mi yu'un ja' xlaet ta xa'i mi ta xcac' ta matanal ta stojol ti jbanquilal nich'one, ti ja' stojol ta xc'ot yo' jech ta xch'ay ti jtoyobbaile xchi'uc ti jmule?

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

Romanos 5:8

Ja'uc ti Diose laj yac' ta ilel ti c'ux ta xijya'iotique, yu'un laj yac' ta milel ti Cristo ta jcojtic ti c'alal jsa'mulilotique.

Romanos 8:32

Ti jech mu'yuc laj sjalanbotic ti Xnich'on ti Diose, ti c'ajomal laj yac' ta milel ta sventa jcotoltique, ¿mi ja' xa la mu ta xijyac'botic ec scotol ti c'usi ta xac'be ti Xnich'one?

Hebreos 11:17

Ti jech c'otem ta yo'nton ta xch'unel ti Abrahame, mu xna'etuc ta ox xac' ta matanal ti xnich'on c'alal q'uelbat yo'nton yu'un ti Diose. Sjunul yo'nton ta xac' ta matanal ta stojol Dios ti c'ajomal yo jun ti xnich'on ti c'alal xi albat sc'oplale:

Jueces 11:31

ti buch'u ba'yel ta xloc' talel ta jnae, ti ta xtal snupun ta be c'alal mi lisut talel ta ac'-letoe, ja' me ta xcac'bot ta amoton unbi.”

Jueces 11:39

C'alal ech' ti va'i sjalil taje, sut talel ti bu oy ti stote. C'ot ta pasel yu'un ti stuc ti yac'oj strate ta stojol ti Diose. Ti yantsil nich'on ti Jeftee, mu'yuc tabil ta junuc vinic ti c'alal chame.