Génesis 21:6 - Bible in Tzotzil de Chamula

⁶ Jech ti Sarae xi laj snope: “Ti Diose laj yac' tse'incun, yu'un jmoj ta xlic tse'incuncutic xchi'uc scotolic ti buch'utic ta xa'iic ti oy xa cole.

Bible in Tzotzil de Chenalhó with Deuterocanon

⁶ Li Sarae jech la snop: “Li Diose laj yac' tse'incun. Ja' no'ox jech li boch'otic ta xa'yic ti oy xa cole ta stse'inic ec.

Génesis 21:6 Iomraidhean Croise

Génesis 17:17

Va'i un, ti Abrahame snupilan xa banomil laj spatan sba ta lum, lic tse'inuc c'alal xi ta snopilane: “¿Mi yu'un la xu' to ta xlic joybijuc ta totil ti vinic ti yich'oj xa vo'vinic (100) jabile? ¿Mi yu'un la xu' to ta xilbe sat junuc squerem ti Sara c'alal yich'oj xa lajuneb yo'vinic (90) jabile?”

Salmos 113:9

Ta sta liquel yu'un xmuyubaj ti ants ti mu'yuc xil o ti alajele, me'il ta xc'ot, ta xlic pasuc ta jchop jnaclej. Jun yutsil ta j'ech'el ma' ti Dios une.

Salmos 126:2

Va'i un, ti que jti'tique mu'yuc spajeb ximuyubaj xij'avlajet no'ox ta tse'ej. Ti buch'utic yan yajvalique xi lic yalique: “¡Ma' ti muc'tic no'ox cac'tic ti c'usi laj spas ti Dios ta stojolique!”

Isaías 49:15

Ja'uc le' une, ¿mi oy la xana' ti me'ile ti ta sten ta xch'ay ta yo'nton ti yole? Ac'o mi jech laj xtuch' ta yo'nton un, ja'uc ti vu'une mu xajtuch' ta co'nton.

Isaías 49:21

Ti vo'ote xachi ta yut avo'nton: ‘¿Buch'u laj yac'bun xcal ti jnich'nabtac li'e? Mu'yuc ono'ox jnich'nab une, yu'un mu ono'ox jna' xinich'naj. Tacbilun loq'uel, slecoj bu oyun. ¿Buch'u laj sts'ites xcal un? Jtuc xa laj yictaicun comel. ¿Bu talic ya'yel le' un cha'e?’ ”

Isaías 54:1

Muyubajan ta avanel, ants, ti mu xana' xa'alaje, ti mu'yuc no'ox ti avalab anich'nabe. Laetuc no'ox avo'nton ta q'uejimol, ti vo'ot ti mu'yuc ono'ox aviloj ti alajele, yu'un xi ta xalbot ti Diose: “Ti tenbilal antse, ja' ep ta xil ti yalabtaque, ja' mu sta ta xil ti ants ti buch'u oy ti smalale.”

Jeremías 20:15

Smu c'anel xa jech o ti buch'u laj smuyubtasbe yo'nton ti jtot ti c'alal laj yalbe ya'i ti ayan xa jun squereme.

San Lucas 1:14

Yepal no'ox ta xamuyubaj yu'un. Yepal no'ox xmuyubajic c'alal ta xvoq'ue.

San Lucas 1:58

Ti slac'nataque, ti yuts' yalaltac ti Isabele, c'alal laj ya'iic ti laj yac' iluc syail xc'uxul yo'nton Dios ta stojolale, tal spatbeic yo'nton.

Romanos 12:15

Muyubajanic xchi'uc ti buch'u xmuyubajique. Jmoj oc'anic xchi'uc ti buch'u ta x'oc' x'avanique.

Hebreos 11:11

Ti jech c'otem ta yo'nton ta xch'unel ti Sarae, manchuc mi yayil xa, mi ech'em xa yorail ta x'alaj, ac'bat to yip yo' ta xc'ot ta me'il. Ayan to yol c'alal ma'uc xa yoraile ta sventa ti c'ot ta yo'nton ta xch'unel ti mu stselbuj sc'op ti Dios ti c'usi yaloje.

1 Samuel 1:26

Xi albat yu'un ti Anae: —Ch'ayo jmul jcolo', yojtot, ti jech li' to cuxulot avi tana ta melele, vu'unun ma' ti ants li' to ox ay sta ta c'oponel ti Dios ta sts'el ti bu chotolote.