Génesis 21:1 - Bible in Tzotzil de Chamula

¹ Ti jmoj ti c'u s'elan yaloj ono'oxe, ti Diose lic stij yo'nton ta stojol ti Sarae, ti c'otuc ta pasel yu'un ti strate yaloj ono'oxe.

Bible in Tzotzil de Chenalhó with Deuterocanon

¹ Li Muc'ul Diose muc xch'ay ta yo'nton c'usi yalojbe li Sarae. Jech ta persa laj yac' c'otuc ta pasel li c'usi yaloje.

Génesis 21:1 Iomraidhean Croise

Génesis 17:16

Ta jts'uiltas, ta xcac'bot jun aquerem ta sventa ti antse. Melel, ta jts'uiltas. Yu'un ti antse, ta xc'ot ta me'il yu'un ti epal muc'tiquil lume, yu'un naca ajvaliletic yu'un jteclumetic ta xbat ti snitilultaque.

Génesis 17:19

Xi tac'bat talel yu'un ti Diose: —Ti c'usi laj xa calbote, yu'un ta xc'ot ta pasel. Yu'un ti avajnil Sarae ta xavilbe sat jun aquerem yu'un. Jech ti vo'ote, Isaac, ta xavac'be sbi. Yu'un ja' ta xcom o cu'un ta stojol ti jtratee. Taje, j'ech'el ta xcom o ta stojolic ec ti snitilultaque.

Génesis 17:21

Ja'uc ta stojol ti Isaac ta xavilbe sat yu'un ti Sara le' ta jun jabile, staoj yav mu xch'ay ti jtrate ta stojole.

Génesis 18:10

Oy jun yu'unic xi laj yale: —Ta xtal jvu'lanot li' c'alal junabie. Ti jech ora taje, ta sta jun squerem ol ti avajnil Sarae. Jech ti Sarae ts'etel xchiquin ta xa'i ta ochebal yut sna ti va'i s'elan ta xlo'ilajic ti Abraham xchi'uc ti jvu'laletique.

Génesis 18:14

¿Mi yu'un la oy c'usi tsots ta xa'i ti mu xc'ot ta pasel yu'un ti Diose? Ta x'ech' jvu'lanot li' ta yan jabile. Va'i un, ti Sarae ta sta jun squerem ol.

Génesis 24:36

Ma'uc no'ox taje, ja' jech xtoc, ti Sarae, yajnil ti cajvale, ta syayilal xa laj yil jun yol ti xnich'on ti cajvale. Jech ti cajval une laj xa yac'be ta yoc ta sc'ob xnich'on scotol ti c'usi x'ayan yu'une.

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

2 Reyes 4:17

Nab yol ti antse jech c'u cha'al caj'albat yu'un ti Eliseoe. Ta yan jabil une, voc' ti yole.

Salmos 106:4

Vulesun ta avo'nton un, Cajval, c'alal oy c'usi lec ta xapasbe ti ateclumale; oyucun ta aventa ec un c'alal ta xtal acoltae,

Salmos 12:6

Ti oy c'usi yaloj ti Dios ta xaq'ue, naca lec ta j'ech'el, co'ol s'elan jech c'u cha'al junuc plata ti vuc-coj (7) loq'uesbil yic'obal ta c'oq'ue.

Éxodo 20:5

Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

San Mateo 24:35

Ti vinajele, ti banomile ta xlaj ta x'ech' sc'oplal, ja'uc ti jc'ope, jbel sc'oplal xc'ot ta pasel ti c'usi ta xale.

San Lucas 1:68

“Ech'em yutsilal Dios yu'un ti Israele, yu'un tal stic' sba ta spojel ti steclumale.

San Lucas 19:44

Lilijem ta xcom ti jteclum avu'unique, mi ja'uc jbejuc ton cajal ta xcom ta sba ti yan tone. Milbil ta xacom acotolic. Jech ta xc'ot ta pasel, yu'un mu'yuc laj avich'ic ta muc' ti c'alal tal svu'lanoxuc ti Diose —xi laj yal ti Jesuse.

Gálatas 4:23

Yol ti me' mosovile voc' talel ta stalel no'ox stuquic jech c'u cha'al ta xvoc' scotol ti ololetique. Ja'uc yol ti sbats'i ajnile voc' talel ta sventa yo' ta xc'ot ta pasel ti c'usi yaloj ti Diose.

Gálatas 4:28

Ti vo'oxuque, Jchi'iltac, xi s'elan oy ti ac'oplalique: Lac'otic xa ta xnich'nab Dios jech c'u cha'al albat sc'oplal ti Isaaque.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

Rut 1:6

Oy jun c'ac'al, ti Noemie laj ya'i ti ta xich' alel ta Moabe, ti c'uxubaj yo'nton yu'un steclumal ti Diose. C'ot xa yorail laj spajes vi'nal ti yacal to oxe.

1 Samuel 1:19

C'alal sacub ti osil ta yoc'omale, ti c'alal c'opoj ti'in xa comel ta stojol ti Diose, sut batel ta snaic ti oy ta Ramae. Va'i un, ti Elcanae lic xchi'in ta vayel ti Ana ti ja' yajnile. Ti Diose laj svules ta yo'nton ti xvocolet ti ants ta stojole.

1 Samuel 2:21

Ja'uc ti Anae, sva'anoj sba ti Dios ta stojole, yu'un lic xchi'in yol. Ti jech taj une, lic to yilbe sat oxib squerem xchi'uc chib stseb ti Anae. Ja'uc ti ch'in querem Samuele yantic xch'i ta stojol ti Diose.